Mateu 1:21 - Sateré-Mawé

²¹ Pyno meiũran ti aru mana Maria mepyt tumoherep ihainia hit wakuat sese rakat e. Miꞌi waku ehetꞌok Iesui are. Katupono miꞌi ti temiitꞌin ehakyeraꞌat iꞌatuminug saꞌag pywiat hamo.

Mateu 1:21 ပူးပေါင်းရင်းမြစ်များ

Mateu 1:25

Totat raꞌyn wen maꞌato yt topytyk i. Meiũran ti Maria Imepyt raꞌyn Iuse tum naꞌyn imepyt pe het Iesui e woꞌehakyeraꞌat e topusu puo.

Iruka 1:13

Maꞌato Tupana emiit toꞌe -Yt erekenꞌẽ teiꞌo uipupi katupono Tupana tikuap kahato emiẽtup tewowiat. Miꞌi tupono ti aru mesup eharyꞌi Isapeu imepyt rakatno raꞌyn toineꞌen e. Miꞌi tupono waku miꞌi pe etum het Iuwãu are.

Iruka 1:31

Pyno emepytꞌa hamuat wyti. Miꞌi emepyt wyti aru tuwemoherep ihainia. Miꞌi pe waku etum het Iesui ere.

Iruka 2:11

Pyno mio tuwemoherep taꞌyn morekuat Tawi etawa Perẽi me ehehakyeraꞌat hat eipotypot eikaꞌiwat e.

Iruka 2:21

Miꞌi hawyi 8 eꞌat raꞌyn toineꞌen hawyi hirokat taꞌatuemurui sokpe ãpy tek hawyi taꞌatusetꞌok taꞌyn Iesui iꞌatuꞌe aikotã saꞌawyꞌi wuat atipy kaipywiat suut hat toꞌe Miria pe yt imepytꞌa i te turan hap ewy.

Iuwãu 1:29

Eꞌihatꞌok pe Iuwãu taꞌakasa Iesui uut tewowiat hap kape. Miꞌi hawyi toꞌe temiitꞌin me -Eiwehaꞌat ro e. Meipe tuut raꞌyn Tupana mipoꞌoro ihũ ewywuat putꞌok e yne miitꞌin minug saꞌag hap moweityk hamuat e.

Iuwãu 4:42

Miꞌi hawyi teꞌeroꞌe -Mana iꞌatuꞌe saꞌawyꞌi ti ehenoi uruepe hawyi uruimohey raꞌyn maꞌato koitywy imienoi hap kaipyi uruimohey raꞌyn iꞌatuꞌe. Pywo Miꞌi ti mesuwat yi totiat woꞌoehakyeraꞌat hat urutoꞌe.

Iesui Potmuꞌeria 13:23

Taꞌi morekuat Tawi emiariru emiariru ti Tupana tomoherep Isareu ywania pe Ahehakyeraꞌat hanuat e. Tawi kaipywiat wyti Iesui e Pauru. Aikotã yianme toꞌe Tupana miꞌi hap ewy mesup tutunug e.

Iesui Potmuꞌeria 3:26

Pyno Tupana tunug naꞌyn mio tã toꞌe Aparãu miat hap are katupono mesup taꞌyn toipoꞌoro Temiit Iesui aiꞌywania kape aimowepiit hamo ahehakyeraꞌat hamo aiminug yt nakuap i kaipywiat aiporeraꞌaipok hamo toipoꞌoro Iesui e Peteru Tupana motypot yat koro totiaria pe.

Iesui Potmuꞌeria 4:12

Wẽtup miit yn ni ahehakyeraꞌat kuap hat e. Miꞌi Miit set ti Iesui e. Yt uwe i miꞌi rẽ mesuwarotiat wuatꞌi Ehakyeraꞌat kuap hat e. Iesui mohey hap upi yn ni ahehakyeraꞌat kuap Tupana e Peteru haty wo.

Iesui Potmuꞌeria 5:31

Miitꞌin Potypot no Tupana tikyꞌesat kahato urukaꞌiwat Iesui e. Mio tã e Tupana saꞌawyꞌi -Miꞌi Miit ti Uipo sese kawiat ieineꞌen hat e. Miꞌi Miit ti wuatꞌi miitꞌin ehakyeraꞌat hanuat e Tupana saꞌawyꞌi miwan me e Peteru. Taꞌi Iesui ti henoi ahepe mekewat muap aiminug yt naku i hap kaipywiat aihep hamuat e. Miꞌi Miit yn ni muap Tupana kapiat hat e. Miꞌi Miit yn ni aiꞌywania Isareu ywania wanetup saꞌag hap mohãpyk kuap hat e. Toikyꞌesat yne aiꞌywania tomiehakyeraꞌat koꞌi wuat hap e.

Titu 2:14

Ahehakyeraꞌat hat Iesui ikuꞌuro raꞌyn ariaꞌyp posak ete aikawiatno. Yne yt nakuap i nug saꞌag po pyi aihep hamo ikuꞌuro. Tupana watnuaria wo ainug neran pote wakuaria wo aito hap toikyꞌesat. Miꞌi pote aihep taꞌyn saꞌag nug hap po pyi aimowaku hamo raꞌyn. Koitywy Ahehakyeraꞌat hat iwepiit kahato raꞌyn.

Epereu 7:25

Ahepaꞌi Wato Pakup Iesui ahehakyeraꞌat kuap yne mesuwarotiaria torannia ywania e. Pywo ti rat torannia Tupana kapiaria toiꞌatuehakyeraꞌat kuap taꞌatukyꞌesat imohey hawyi katupono Miꞌi Miit ti muap Tupana kapiat. Koitywy uwe uwe miꞌi muap upi toto Tupana kape Miꞌi Miit tuwat hupi haria putꞌok iꞌatuꞌe Tupana kuap hap kape e. Kat emiit kat emiit putꞌok e kuap Tupana kape Miꞌi Paꞌi sehay upi. Ahehay enoi oktan tohenoi Tupana pe. Yt toimaꞌat hin i Toꞌywot ahehay wo iꞌewyte tohẽtup kahato aikawiatno Tupana pe Ahepaꞌi Wato Iesui.

1 Iuwãu 1:7

Maꞌato watopyhuꞌat hẽtyhot pe Aikaꞌiwat ewy pote pywo pe watoineꞌen. Miꞌi pote ti iwywuat aiwoꞌowese hap topyhuꞌat kahato are. Miꞌi hap kaipyi ti Tosaꞌyru Iesui suu wo Tupana tikoho yne aiminug saꞌag koꞌi. Mekewat kat koꞌi kat koꞌi aiminug saꞌag koꞌi toiꞌatukoho aat kaꞌap ahewyry Iesui wywo imikyꞌesat ewywuat pote. Miꞌi hawyi tomikyꞌesat nug haria watopyhuꞌat.

1 Iuwãu 3:5

Katupono Aikaꞌiwat yt karãpe i iꞌaparap Tupana pe. Maꞌato Aikaꞌiwat tuut hamuat yne yt nakuat i hep hamo. Miꞌi hap eweikuap taꞌyn.

Iesui Aru E Hap 7:14

-U paĩ areꞌe yt atikuap i rat. En yn etikuap mehin are. Miꞌi hawyi uiwesat -Pyno ahenoi miꞌiria etiat epe Iuwãu e. Miꞌiria tõꞌẽ tõꞌẽ meikowo taꞌatuhoꞌopot hoꞌopot sese hap kaipyi. Haꞌawyte miꞌiria miitꞌin mimosoꞌopot kahato wo tukupteꞌen yi tote taꞌatumohey Tupana Saꞌyru hawyi e. Wakuaria kahato miꞌiria katupono Tupana Hũ Kuteiru ikuꞌuro iꞌatukawiatno. Taꞌatumohey hawyi Tupana tihep taꞌyn iꞌatuminug saꞌag hap koꞌi e. Saꞌawyꞌi iꞌatuminug saꞌag iꞌatupiit pit hap ewy maꞌato koitywy ikytsig hap ewy teꞌeropyhuꞌat miꞌiria Tupana Hũ Kuteiru suu mikoho koꞌi raꞌyn e. Saꞌawyꞌi iꞌatuminug saꞌag sokpe hun hap ipit pit rakat ewy teꞌeropyhuꞌat e. Maꞌato taꞌatumohey hawyi sokpe koho hap ewy Iesui suu puo hap ewy hawyi ikytsig naꞌyn iꞌatuesokpe teꞌeropyhuꞌat e uhepe.