Maku 9:2 - Sateré-Mawé

² Miꞌi hawyi 6 eꞌat itote toineꞌen hawyi Iesui toto i raꞌyn yityꞌok ywaiti kahato rakat kape towyriaꞌin nywo myẽꞌym ok takaria wywo yn Peteru Tiaku Iuwãu wywo. Miꞌi hawyi itote Iesui yt saꞌawyꞌi wuat ewy toineꞌen.

Maku 9:2 ပူးပေါင်းရင်းမြစ်များ

Mateu 14:13

Miꞌi hawyi Iesui tikuap taꞌyn Iuwãu etiat hawyi Iesui tuwẽtem iraꞌyn yara puo hawyi toto raꞌyn tuweran aikope miitꞌin yt uwe i hap kape. Maꞌato miitꞌin sem tikuap aiũpe toineꞌen hap hawyi tuwat raꞌyn typyꞌi kahato yi upi Iesui upi.

Maku 14:33

Miꞌi hawyi totioto Peteru Tiaku Iuwãu tuwewywo. Miꞌi hap tote Iesui hatyꞌu kahato topyꞌa pe.

Maku 16:12

Miꞌi hawyi typy ok hemiit tuwat wẽtup tawa kape. Miꞌi hawyi muap tote Iesui tuwemoherep iꞌatuewowi maꞌato yt taꞌatukuap i saꞌawyꞌi.

Maku 5:37

Miꞌi hawyi typyꞌi rakaria iraniaꞌin Iesui yt tikyꞌesat i tuwat yne hap. Temiitꞌin yn Peteru Tiaku iꞌywyt Iuwãu wywo yn toikyꞌesat tuwat hap.

Iruka 6:12

Mekewat eꞌat pe Iesui toto raꞌyn yityꞌok kape Tupana wywuat tehay hamo. Wãtym muo kaꞌap toineꞌen itote ihay Tupana wywo.

Iuwãu 1:14

Mekewat Sehay e hap het rakat Iesui aiꞌewywuat tuwemoherep miitno aipiit ewywuat tuwemoherep. Miꞌi hawyi watehaꞌat kuap i hẽtyhot atipy kaipywiat Tupana saꞌyru wẽtup yn kape. Miꞌi hawyi toineꞌen aipyꞌasetpe. Putꞌok e mesuwe hegyiꞌat hap moherep hamo. Miꞌi ti Wakuat Sese toineꞌen. Hãpyk hap yn tuete. Pywuat rakat toineꞌen.

Humanu 12:2

Waku watum aipiit Tupana kape. Yt naku i watunug ne aikotã mesuwarotiat Tupana yt kuap i haria wanetup saꞌag hap ewy ainapin saꞌag ewywuat. Yt naku i watuwat iꞌatuehay upi kat koꞌi kat koꞌi saꞌag nug hamo. Waku poꞌog watoꞌe Tupana kape -Etihep uiwanetup hap wyi mesuwarotiat saꞌag wanetup hap hawyi uiwanetup hap etimopakup i ewat ewywuat. Uipyꞌa pe uiꞌakag me uipiit pe uiwanetup hawe ereineꞌen Tupana uipytꞌat nug hatno. Miꞌi hawyi ewanetup hap eiam mo areineꞌen neran. Mio tã eweiꞌe Tupana pe pote eweikuap kuap Tupana mikyꞌesat koꞌi kat som tutunug neran hap nug hamo. Kat som imowepiit hap kat som hãpyk sese imikyꞌesat ewywuat hap mio tã eweiꞌe Tupana pe pote.

2 Kuriniu 13:1

Uiwyriaꞌin tawa Kurintiu piaria areto i raꞌyn ehewowi ehepiok hamo. Saꞌawyꞌi areto typua raꞌyn koran wuat areto hawyi myẽꞌym mo raꞌyn areto. Saꞌawyꞌi Tupana toꞌe miwan me -Yt naku i eiwemohit wẽtup ok okpe wo. Miꞌi ti minug yt naku i eweiꞌe eiwoꞌope yt eweikuap i te sio tutunug pywo sio yt hap yt eiweikuap i te pykai e. Yt eweimohey teiꞌo meremo wẽtup ok yn taꞌakasa wẽtup ok minug saꞌag kapiat hat e. Maꞌato myẽꞌym ok teꞌeraꞌakasa wẽtup ok minug saꞌag kapiat hawyi waku eweikay kay saꞌawyꞌi wẽtup ok. Miꞌi hawyi waku wẽtup ok eweikay kay. Miꞌi hawyi wẽtup i raꞌyn eweikay kay miꞌiria henoi hamo. Miꞌi hawyi taꞌatuhenoi teꞌeraꞌakasa hap iꞌewyte taꞌatukuap kahato pywo hap toꞌoꞌewyꞌewy taꞌatuhenoi pote waku eweimohey. Maꞌato yt toꞌoꞌewyꞌewy i taꞌatuhenoi pote yt naku i eweimohey e. Maꞌato yt eweipuẽti myẽꞌym ok pote waku eweimohey typy ok toꞌoehay ewy taꞌatuhenoi pote e Tupana miwan me saꞌawyꞌi te.

Wiripu 3:21

Tuut hawyi aipiit mesuwarotiat tutunug towat topiit ewy. Miꞌi hawyi yne aipiit Iesui ewy topyhuꞌat wuatꞌi eꞌat pe. Aipiit iwat piit ewy ikahu kahato. Miꞌi tã aru ainug tesaika hap wywo. Hesaika kahato Iesui miꞌi nug hamo katupono mekewat eꞌat pe topyhuꞌat yne yne Porekuat no poꞌog hesaika torannia kai. Miꞌi tesaika hap wywo aimopakup aipiit. Pakup tutunug towat ewy are.

Iesui Aru E Hap 20:11

Miꞌi hawyi Uito Iuwãu arahaꞌat mekewat Morekuat Porekuat Akag apyk hap kape. Araꞌakasa hawyi -Ikahu kahato heꞌamyꞌap are. Ikytsig kahato are. Miꞌi hawyi arahaꞌat howa kape. Ikahu kahato rasig paĩ are. Poꞌog ikahu aat waikiru waty koꞌi kai iꞌewyte mytyyp koꞌi kai poꞌog ikahu areꞌe. Miꞌi hawyi aat waikiru waty koꞌi mytyyp koꞌi teꞌeruwemoti kahato hawyi teꞌeruwemig ipupi hap ewy poꞌog ikahu iꞌatukai pote poꞌog hẽtyhot poꞌog imehit iꞌatukai. Miꞌi rakirẽ poꞌog arahaꞌat waikiru waty aat mytyyp kape. Maꞌato miꞌi turan yt araꞌakasa hin i raꞌyn iꞌatuewowi yt taꞌatueiam note hin i raꞌyn apo paĩ pote areꞌe.