Maku 7:5 - Sateré-Mawé

⁵ Saꞌawyꞌi wuat napin hap enoi haria iꞌewyte woꞌonapin haria apo iꞌatuꞌe Iesui pe -Kat pote epotmuꞌeria yt taꞌatunug saꞌawyꞌi wuaria ainapin haria ewy katupono epotmuꞌeria teꞌerenuk yt teꞌeruweposei i pykai ainapin hap ewy iꞌatuꞌe.

Maku 7:5 ပူးပေါင်းရင်းမြစ်များ

Mateu 15:2

-Kat pote som ewat emiitꞌin teꞌerenuk yt teꞌereposei rakirẽ i Miꞌi tã neꞌi taꞌatunug pote yt taꞌatumotypot hin i saꞌawyꞌi wuat aimuꞌe hap koꞌi iꞌatuꞌe.

Maku 7:13

Taꞌi Tupana ehay sese ti yt kat no i ewetunug. Eiwat eimikyꞌesat neꞌi ewetunug teran haype. Eiwekaipywiat wyti eweimowato kahato e. Miꞌi hawyi ti ewetunug iꞌatu raꞌyn eiko ewywuat koꞌi miitꞌin muꞌe hamuat e Iesui Iuteu ywania muꞌe haria pe iꞌewyte miwan enoi haria pe.

Maku 7:8

Miꞌi hawyi poꞌog toꞌe -Taꞌi Tupana ehay atoiat haria ti eipe katupono nagnia eko yn miitꞌin muꞌe hamo maꞌato Tupana e hap yt kat i eipyꞌa piat miitꞌin muꞌe hamo e.

Maku 7:9

Taꞌi apuete eweiꞌe ti Tupana mikyꞌesat koꞌi nug hawe hawyi eimikyꞌesat yn ewetunug aat kaꞌap. Tupana ehay aikotã waku watunug e hap pun haria eipe wen maꞌato eiꞌe hap aikotã waku watunug e hap ewetunug kahato.

Iesui Potmuꞌeria 21:21

Maꞌato miꞌiria ti yt ikuap i kahato etiat kat ere etiꞌatumuꞌe Iuteuria ywania iraniaꞌin pyꞌasetpiaria hap. -Eweiꞌatoiat ro Muisei einapin hap koꞌi eꞌe iꞌatuꞌe. Miꞌi hawyi waĩ yt ewehemurui ãpytek teiꞌo esaꞌyruꞌin eꞌe hap koꞌi iꞌatuꞌe. Waĩ yt ereke teiꞌo Iuteuria eko pe eꞌe hap iꞌatuꞌe Pauru pe.

Iesui Potmuꞌeria 21:24

Pyno erepukpukꞌok kahato ro iꞌatuwywo Iuteuria eko ewy. Miꞌi hawyi waku etum miꞌi hap saꞌup iꞌatuꞌe. Miꞌi hawyi ti aru waku eraꞌateneg iꞌatuꞌe. Miꞌi tã etunug mote ti aru meremo ekuap urueko nug hat en hap iꞌatuꞌe Pauru pe. Miꞌi pote ti aru aheko ewy raꞌyn Pauru tunug iꞌatuꞌe toꞌope taꞌatunapin.

Humanu 4:12

Uruꞌywania eꞌaseꞌi pot ti Aparãu topyhuꞌat. Uruto ti meimuẽwat wemusin sokpe ãpy tek haria urueko ewywuat. Uruto ti Aparãu piit kawiaria. Maꞌato tukupteꞌen urupyꞌasetpe yt Tupana mohey hin i haria. Miꞌiria wemusin sokpe tek hap toineꞌen wen maꞌato miꞌiria pe yt karãpe i Tupana toꞌe -Eipe waku kahato uimohey hat Aparãu ewywuat yt e i katupono miꞌiria yt imohey i Aparãu ewywuat pote are. Ahaꞌaseꞌi Aparãu mimohey ewywuaria yn ni Aparãu saipepiaria sese.

Karasia 1:14

Saꞌawyꞌi uiwemotag hamo te poꞌog iraniaꞌin uiꞌywania kai Iuteuria eko hit koꞌi yne yne atiꞌatukyꞌesat iꞌewyte atiꞌatunug yne uito. Uiwemotag tuwyria apyꞌi aremoehapap urueꞌaseꞌiꞌin eko ete yne eꞌat pe. Haty wo atiꞌatunug yne yne urueko koꞌi poꞌog poꞌog torannia kai.

2 Tesaronika 3:11

Maꞌato tukupteꞌen Iesui mohey haria eipyꞌasetpiaria yt ipotpap takaria i yt woꞌopowyro teran i haria. Pyno miꞌi haria pe waku waĩ watoꞌe. Iꞌewyte woꞌoeremopusu hap ete yn iꞌatupotpap taꞌatuewyry hap upi taꞌatunug. Miꞌiria pe waku waĩ watoꞌe.

2 Tesaronika 3:6

Uruwyriaꞌin tukupteꞌen aipyꞌasetpe iperup kahato rakaria -Uito ti Iesui mohey hat e haria pykai. Miꞌiria ti yt ipotpap teran i rakaria wo gupteꞌen haria. Miꞌiria ti tukupteꞌen eipyꞌasetpe -Yt atunug neran Pauru mienoi e haria. Miꞌi haria o yt ewetunug neiꞌo eiwy wo.