Maku 6:3 - Sateré-Mawé

³ Miꞌi hawyi teꞌeroꞌe toꞌope -Yt saꞌawyꞌi wuat meiũpiat panꞌi panꞌi e hat i apo meiẽ iꞌatuꞌe. Yt mana Maria mepyt i apo miꞌi Miit iꞌatuꞌe. Yt Tiaku Iuse Iuta Simau ykeꞌet i apo miꞌi Miit Iesui iꞌatuꞌe. Iꞌewyte iwat yt Iesui inytꞌin i apo tukupteꞌen meiũpe iꞌatuꞌe toꞌope. Miꞌi hawyi yt taꞌatumohey hin i Iesui haype. Miꞌi pote yt teꞌeruwanetup teran i Iesui kape. -Yt toimoherep kuap i wakuap Tupana etiat iꞌatuꞌe toꞌope.

Maku 6:3 ပူးပေါင်းရင်းမြစ်များ

Mateu 11:6

Iꞌewyte uwe uwe tepiat hoꞌopot pykai yt uiwaure i. Miꞌi hat wyti uimowepiit kahato hat topyhuꞌat wuatꞌi eꞌat pe e Iesui Iuwãu potpoꞌororia pe.

Mateu 12:46

Mio tã e Iesui ihay miitꞌin kapiat turan ity iꞌewyte iꞌywytꞌin tõꞌẽ raꞌyn hawyi tukupteꞌen oken note. Miꞌi hawyi teꞌeroꞌe -Uruehay teran Iesui wywo iꞌatuꞌe.

Maku 15:40

Tukupteꞌen itote haryporiaꞌin tawa Ierusarẽi kaipywiaria teꞌeraꞌakasa pya pyi Iesui auka hap kape. Miꞌi haria pyꞌasetpe tukupteꞌen mana Sarume mana Maria Matarena hawyi Sarume hawyi mana Maria Iuse ty iꞌewyte Tiaku ty. Tiaku Iuse saꞌyru iwatꞌypꞌi toineꞌen.

Maku 3:18

Miꞌi hawyi toiꞌatuꞌairo temiitꞌin Ãtere hawyi Wiripi hawyi Patorumeu. Miꞌi hawyi toiꞌairo Mateu hawyi Tume. Miꞌi hawyi toiꞌairo Tiaku Auweu saꞌyru hawyi Tateu hawyi Simau. Miꞌi ti toineꞌen hesaika rakat kat kat koꞌi nug hamuat ete.

Iruka 2:34

Miꞌi hawyi Simeãu tiꞌatupoityro raꞌyn hawyi toꞌe Maria pe -En wyti ereineꞌen woehakyeraꞌat hat ty wo raꞌyn katupono meiũwat hirokat Tupana miꞌairo sese toineꞌen. Miꞌi pote toiꞌapiheg kuap kahato miitꞌin iꞌewyte toiꞌatuhakyeraꞌat kuap kahato Isareu ywania. Miꞌi kaipyi ti watikuap taꞌyn hirokat Tupana mipoꞌoro sese toineꞌen hap. Maꞌato ti aru typyꞌi kahato miitꞌin Ihay saꞌag tuwetiat rakaria.

Iruka 7:23

Uwe iwepiit kahato yt uimohey pykai i miꞌi hat wyti wemoeso hat neꞌi toineꞌen

Iruka 8:20

Miꞌi pote wẽtup ok toꞌe Iesui pe -Uhyt iuẽ ety putꞌok e okenꞌypyke hawyi eꞌywytꞌin nywo iꞌatuehay teran so ewywo e Iesui pe.

Iuwãu 14:22

Miꞌi hawyi ipotmuꞌe Iuta maꞌato wẽtup ok yt Iuta mekewat Ikarioti saꞌyru i toꞌe Iesui pe -Kat pote pyno uruepe yn apo eremoherep En hap Mehin e. Kat pote yt yne miitꞌin me eremoherep teran Uhyt e.

Iuwãu 6:42

Miꞌi haype teꞌeroꞌe toꞌope -Taꞌi watikuap kahato uwe en iꞌatuꞌe eꞌywot uwe ety hap uruikuap iꞌatuꞌe. Taꞌi Iuse saꞌyru ti en iꞌatuꞌe. Katuponoĩ atipy kaipywiat Uito ere iꞌatuꞌe.

Iesui Potmuꞌeria 1:13

Miꞌi hawyi putꞌok iꞌatuꞌe i raꞌyn ipotpoꞌororia mekewat akipy ywaiti rakat pe. Miꞌi hawyi itote tukupteꞌen i raꞌyn aikope saꞌawyꞌi Iesui wywo tukupteꞌen hap tote. Itote tukupteꞌen ipotpoꞌororia Peteru Iuwãu hawyi Tiaku hawyi Ãtere Wiripi Tume Patorumeu Mateu Tiaku mekewat Auweu saꞌyru Simau mekewat surara Iuta mekewat Tiaku ywyt. Miꞌiria ipotmuꞌeria sese tukupteꞌen aikope saꞌawyꞌi Iesui tenuk akipy ywaiti tote hap tote teꞌeropyhuꞌat 11 ok takaria.

Iesui Potmuꞌeria 12:17

Iꞌatuehay pirik pote topo wo -Eipoꞌinik to e. Waku hawyi tohenoi iꞌatuepe aikotã me Tokaꞌiwat piat tenotem iheg mywiat hap -Pyno mesuwat ewehenoi uiwy Tiaku uheꞌywytꞌin Iesui upiaria pe e. Miꞌi hawyi toto raꞌyn wẽtup tawa kape i raꞌyn.

1 Kuriniu 1:23

Maꞌato miꞌiria pe -Iesui yn ahehakyeraꞌat kuap urutoꞌe. Iesui yn ikuꞌuro ariaꞌyp posak ete ahetiatno e hap uruhenoi Iuteu ywania pe Kereku ywania pe yt ihay se hin i pykai taꞌatupuẽti Iuteuria ywania. Miꞌi hawyi ti Kereku ywania miꞌiria mekewat sehay ti yt weꞌeg hin i hat ehay iꞌatuꞌe ahepe.

1 Kuriniu 9:4

Areineꞌen Iesui potpoꞌororia 12 ok takaria ewywuat uito areꞌe. Miꞌi pote atikyꞌesat pote waku atunug iꞌatuminug ewywuat are. Atikyꞌesat pote waku atipoꞌoro uimimuꞌeria uipoi hamo katupono Iesui potmuꞌeria 12 ok takaria saꞌup taꞌatupuẽti taꞌatumimuꞌeria miium kaipyi. Uito Pauru iꞌewyte atikyꞌesat miꞌu eikai pote waku ahẽtup saꞌup eipo pywiat eimuꞌe hamuat wen maꞌato -Atikyꞌesat eimimuꞌe hap saꞌup uipoi ro yt areꞌe hin i ehepe.

Karasia 1:19

Miꞌi tote ti Aikaꞌiwat Iesui ywyt sese wẽtup ok araꞌakasa Tiaku e hap het rakat. Maꞌato miꞌi hawyi yt uwe i atiꞌatukuap itote Iesui potpoꞌororia torannia. Peteru hawyi Tiaku atikuap hawyi miꞌiria yatype areineꞌen 15 eꞌat hawyi areto e tawa Ierusarẽi pyi.

1 Peteru 2:4

Uiwyriaꞌin saꞌawyꞌi mesuwarotiaria ipun kahato haria Aikaꞌiwat taꞌatumimohey wuatnuat. Aikotã miitꞌin tikat nu ikahu rakat taꞌatuꞌyat nug hamuat hap ewy. -Wẽtup waku wẽtup yt naku i watikat nu turan. Miꞌi hap ewy saꞌawyꞌi wuaria taꞌatupugha mekewat nu -Yt naku i meimewat nu aiꞌyat nug no iꞌatuꞌe. Miꞌi yt kan hamo i aiꞌyat haꞌawy nug hamo iꞌatuꞌe. Miꞌi hap ewy ti Iesui topyhuꞌat Tupana miꞌairo aiꞌyat nug nu kawiat hamo. Maꞌato miꞌi Nu hekat kahato rakat mekewat aiꞌyat wuat -Poꞌog waku torannia kai mesuwat Nu eꞌyat nug hamo e Tupana. Uimiꞌairo kahato mesuwat Nu e Tosaꞌyru Iesui etiat. Waku etopag mesuwat Nu saꞌawyꞌi wuat eꞌyat nug hamo e Tupana ahepe.

Iuta 1:1

Mesuwat uimiwan atipoꞌoro Iesui mohey haria kape aikope aikope mesuwat yi tote eikupteꞌen hap kape. Uito ti Iesui ywyt sese Iuta e hap het rakat. Iꞌewyte mekewat Iesui ywyt Tiaku ywyt sese areineꞌen. Kuekatu atipoꞌoro ehewowi uiwyriaꞌin. Pyno uimiwan atipoꞌoro ehewowi uiwyriaꞌin. Eiperia ti Aiꞌywot Tupana mimohãpyk koꞌi sese eipe tomohey haria eipe pote. Pywo ti rat Iesui waku kahato aiꞌapykok hamo. Yt uwe hin i ti aihep kuap Iesui piat aiꞌapykok hawyi katupono iheg me kahato watoineꞌen ipo pe.