Maku 6:2 - Sateré-Mawé

² Miꞌi hawyi Tupana motypot hap eꞌat pe Iesui henoi henoi tetawa Nasare piaria pe Tupana motypot yat pe. Miꞌi pote itotiaria teꞌeruwanetup kahato hawyi teꞌeroꞌe -Aikope pyi meiẽwat tuut iꞌatuꞌe. Aikope pyi so tohepap wakuap nug topowuat hap koꞌi iꞌatuꞌe. Aikope pyi iweꞌeg kahato hap aimuꞌe hamo iꞌatuꞌe. Uweĩ hum iꞌatuꞌe.

Maku 6:2 ပူးပေါင်းရင်းမြစ်များ

Mateu 4:23

Miꞌi hawyi Iesui toto i itote pyi yi wato Karireia piaria muꞌe hamo i raꞌyn. Toiꞌatumuꞌe kahato sehay wakuatno Tupana motypot yat pe. Iꞌewyte iꞌahuu rakaria toiꞌatumoehãite kahato aikotã aikotã iꞌatuꞌahuu rakaria toiꞌatumoehãite kahato itote.

Mateu 7:28

Miꞌi hawyi karãpe Iesui ihay kahu raꞌyn itote hawyi miitꞌin sem teꞌeroꞌe -Kat poteĩ meiẽwat miit ainapin yt iraniaꞌin woꞌonapin hap ewy hin i iꞌatuꞌe.

Maku 1:39

Miꞌi hawyi toto i raꞌyn Iesui yi Karireia piat Tupana motypot yat piaria enoi hamo. Iꞌewyte itote turan toiꞌatusopo ahiagnia miitꞌin piit pyi.

Maku 10:1

Miꞌi hawyi Iesui toto i raꞌyn yi Iuteu kape. Miꞌi hawyi toto Iutãu hy sakpo. Miꞌi hap tote teꞌeruwaꞌatunug typyꞌi kahato howa kape. Miꞌi hawyi tohenoi henoi iꞌatuepe tomikyꞌesat ewy Tupana ehay.

Iruka 2:47

Miꞌi hawyi toran a ihay kuap haria teꞌeruwanetup kahato ihay kape hawyi teꞌeroꞌe -Iweꞌeg kahato apo iꞌatuꞌe. Miꞌi pote aiwesat hãpyk kahato iꞌatuꞌe.

Iruka 4:15

Miꞌi hawyi toiꞌatumuꞌe kahato raꞌyn mekewat woꞌomuꞌe koro hap yat pe. Miꞌi turan yne miitꞌin mimotypotno kahato toineꞌen.

Iuwãu 6:42

Miꞌi haype teꞌeroꞌe toꞌope -Taꞌi watikuap kahato uwe en iꞌatuꞌe eꞌywot uwe ety hap uruikuap iꞌatuꞌe. Taꞌi Iuse saꞌyru ti en iꞌatuꞌe. Katuponoĩ atipy kaipywiat Uito ere iꞌatuꞌe.

Iuwãu 7:15

Miꞌi pote Iuteuria teꞌeruwanetup kahato -Iesui iweꞌeg kahato iꞌatuꞌe. Toikuap kahato miwan yne yne Tupana e hap iꞌatuꞌe. Uwe saĩke imuꞌe woꞌomuꞌe haria mikuap yne koꞌi ete iꞌatuꞌe.