Maku 4:9 - Sateré-Mawé

⁹ Uhytꞌiꞌin Manaꞌin ehewaure kaꞌa pote eweikuap to kat som areꞌe teran eimuꞌe hap uhehay iãꞌãkap wuo hap e Iesui yẽpe upiaria pe.

Maku 4:9 ပူးပေါင်းရင်းမြစ်များ

Mateu 11:15

Pyno ehewaure kaꞌa pote eweikuap to hawyi eweipyhuꞌat iꞌe hap upi.

Mateu 13:9

Miꞌi hawyi Iesui ihay kahu raꞌyn hawyi toꞌe miitꞌin me -Pyno ehewaure kaꞌa uiꞌe hap kape pote waku eweikuap eiwanetup hawe uiꞌe hap koꞌi e.

Mateu 15:10

Miꞌi hawyi Iesui tiꞌatukay kay raꞌyn miitꞌin sem hawyi toꞌe iꞌatuepe -Eiwanetup hawyi eweikuap to uiꞌe hap.

Maku 4:10

Tuwat porap i raꞌyn yne miitꞌin hawyi iwyriaꞌin 12 ok takaria apo iꞌatuꞌe Iesui pe -Urumuꞌe hat kat som ehenoi teran mekewat iãꞌãkap wua iꞌatuꞌe Iesui pe.

Maku 4:3

-Eweiwanetup kahato o e. Wẽtup eꞌat pe so hãꞌỹi sytpok hat toto toko kape hãꞌỹi sytpok hamo e.

Maku 4:8

Maꞌato iraniaꞌin hãꞌỹi yi wakuat rote go sese tote hewo e. Miꞌiria ti hẽtyt meremo hawyi ihãite kahato hawyi haat kahato e. Miꞌi koꞌi kaipyi toimorania haat koran koran iãꞌỹi hawyi toipuẽti 30 saka. Wẽtup sat kaipyi toipuẽti 60 saka. Wẽtup kaipyi 100 saka hap ewy e.

Maku 7:16

Pywo pe ti ehewaure kaꞌa pote eweiwanetup to uimienoi kape e.

Iruka 8:18

Pyno eweiwanetup to uimienoi kape uhytꞌiꞌin manaꞌin e Iesui. Eweiwanetup haty wo hawyi eiwewaure kaꞌa kahato uhehay kape. Miꞌi pote aru poꞌog naꞌyn putꞌok e eiwanetup hap moẽtyhot hamuat. Maꞌato iraniaꞌin yt urutuwanetup teran i imienoi kape e haria ti. Uruto uruweꞌeg kahato e haria maꞌato mio tã e haria wanetup hawyi tuweityk yne raꞌyn e.

Iesui Aru E Hap 2:11

-Pywo ti wuatꞌi uimohey haria pe mio tã e te Tupana Paꞌãu are aikotã areꞌe tawa Simina piaria pe hap ewy e. Waku ehewaure kaꞌa kahato Tupana Paꞌãu e hap uiwẽ pywiat e hap kape e torannia 7 Tupana motypot yat piaria pe. Uwe uwe ahiag miat toiãꞌãg hap akit hat topyhuꞌat tokuꞌuro hap kape miꞌi hat yt ikuꞌuro i typuat hap mekewat wuatꞌi eꞌat piat miitꞌin mosoꞌopot aat kaꞌap hap e Tupana Paꞌãu ahepe.

Iesui Aru E Hap 2:7

Uimohey haria ehewaure kaꞌa kahato ro kat som Tupana Paꞌãu toꞌe topotmuꞌeria pe Tupana motypot yat piaria pe yi Asia tote e. Ewetum no ehewaure kaꞌa Tupana Paꞌãu einapin hap kape e. Uimohey haria e pywo pe ti uimikoi ypia pe toineꞌen wẽtup uimikoi ywa pyꞌasetpe eimoieineꞌen wuatꞌi eꞌat piat hap e. Uwe uwe uimohey tokuꞌuro hap kape iꞌewyte uwe uwe topyhuꞌat ahiag potiãꞌãg hap akit hat tokuꞌuro hap kape miꞌi hat pe aru areꞌe -Waku etuꞌu ro uimikoi ypia ywa eimoieineꞌen wuatꞌi eꞌat piat hamo areꞌe aru e Tupana Paꞌãu ehepe e mekewat waikiru ipupiat rakat uimiwan nug hamuat tawa Ewesu piaria pe.

Iesui Aru E Hap 3:13

Pyno waku ehewaure kaꞌa kahato kat e kat e Tupana Paꞌãu toꞌe Tupana motypot yat piaria pe. Kat e toiꞌatunapin tomohey haria itotiaria hap kape.

Iesui Aru E Hap 3:22

Pyno mio tã are uimohey haria weꞌatunug haria pe mekewat 7 Tupana motypot yat piaria pe yi Asia totiaria pe. Iꞌewyte torannia uimohey haria pe areꞌe waku ehewaure kaꞌa kahato mesuwat uiꞌe hap kape e. Waku eiwewanetup kahato mesuwat Tupana Paꞌãu mienoi kape kat areꞌe sese Tupana motypot yat piaria pe e Iesui ahepe.

Iesui Aru E Hap 3:6

Pyno waku ehewaure kaꞌa kahato kat e som Tupana Paꞌãu toꞌe 7 Tupana motypot yat koꞌi piaria pe katupono yne Tupana mohey haria kape wy ihay mesuwe.