Maku 3:5 - Sateré-Mawé

⁵ Miꞌi pote Iesui ipyꞌahak iꞌatupyꞌa heg nakaria ete maꞌato paa e hap wywo katupono yt imohey haria hin i tukupteꞌen. Miꞌi hawyi toꞌe i ipo kĩꞌã rakat pe -Erepotorok to uhyt e. Miꞌi hawyi toitorok taꞌyn hawyi ipo kokawiat ewy raꞌyn.

Maku 3:5 ပူးပေါင်းရင်းမြစ်များ

Mateu 12:13

Miꞌi hawyi toꞌe mekewat miit pe -Pyno erepoporok to uhyt e. Miꞌi hawyi toiporok taꞌyn hawyi ipo kokawiat ewy raꞌyn.

Maku 3:4

Miꞌi hawyi toꞌe Iesui itotiaria pe -Koran wyti Tupana motypot hap eꞌat e. Miꞌi pote apo are ehepe waku som mesuwat eꞌat pe wakuap watunug sio apo yt naku i e. Waku apo mesup eꞌat pe watunug miitꞌin kyꞌe hap sio miitꞌin atuuka hap watunug e. Miꞌi hawyi maꞌato yt taꞌatuwesat hin i Iesui atunik neꞌi raꞌyn.

Iruka 13:15

Miꞌi hawyi Iesui tiwesat -Typy hẽku rakat neꞌi wyti en e. Yne eꞌat pe eweterepoꞌok eihũria iꞌatumoeꞌyꞌu hap kape e Iesui Tupana motypot yat apykok hat pe.

Iruka 17:14

Miꞌi hawyi Iesui taꞌakasa iꞌatuewowiat hawyi toikuap iꞌatuehay hawyi toꞌe iꞌatuepe -Eweiwat ro paꞌi koꞌi kape eipiit moherep iꞌatuepiat hamo ehehãite hap moherep hamo e iꞌatuepe. Tohenoi hawyi hepihi pihi rakaria tuwat raꞌyn paꞌi koꞌi kape yt taꞌatuehãite hin mywo i te tuwat maꞌato muap upiat tuwat hap tote iꞌatuehãite raꞌyn taꞌatuehepihi kãꞌã raꞌyn iꞌatupe kahuria raꞌyn.

Iruka 6:10

Miꞌi hawyi itotiaria teꞌerehaꞌat torannia mekewat miit ipo kĩꞌã rakat auri wuat ieineꞌen haria kape hawyi toꞌe mekewat miit pe -Erepoha ro e hawyi mekewat miit topoha raꞌyn hawyi waku raꞌyn ipo.

Iuwãu 9:7

Miꞌi hawyi toꞌe yt ihapytig i rakat pe -Mehin e mowehasei ro mekewat yꞌy Sirue e hap woꞌosei hawe Tupana Mipoꞌoro yꞌy e hap kape. Miꞌi rẽ toto raꞌyn tuwehasei hamo hawyi taꞌaipok ihapytig nakatno raꞌyn.

Humanu 11:25

Koitywy ehepe iraniaꞌin ywania pe atimoherep teran Tupana ehay ehepe yt uwe mikuap i te hap. Miꞌi eweikuap hawyi yt eweiꞌe kuap i -Uruto poꞌog weꞌeg haria ywania Iuteuria kawiat e hap. Koitywy Iuteuria yt timohey kahato i Tupana Mipoꞌoro Aiporekuat nuat Iesui iꞌatupyꞌa heg kahato rakaria pote maꞌato meiũran aru paa iꞌatuꞌe hawyi taꞌatukyꞌesat kahato imohey hap. Koitywy yt taꞌatukyꞌesat i pote -Pyno atiꞌatuehakyeraꞌat iraniaꞌin ywania taꞌatumohey kahato Uimipoꞌoro Iesui Iꞌatuporekuat nuat pote e Tupana. Meiũran aru yt uwe i eipe Tupana Mipoꞌoro Aiporekuat nuat mohey haria hawyi yt uwe i poꞌog ikyꞌesat hawyi mekewat eꞌat pe ti uimiꞌairoria Iuteuria iꞌatupap i raꞌyn imohey hap ete miꞌi hap eꞌat pe yt niatpo hin i tuwehytꞌok Uhaꞌyru mohey hawe e. Katupono miꞌiria tukupteꞌen Uriweiria yp haga sese koꞌi ewy e Tupana ahepe.

2 Kuriniu 3:14

Miꞌi hawyi Iuteuria ywania tukupteꞌen mesup te. Taꞌatumoherep kahato Tupana ehay Muisei miwan saꞌawyꞌi wuat maꞌato yt taꞌatukuap pykai i yt heremo i hap ewy pote. Katupono Muisei tiwan Iesui etiat Tupana Mipoꞌoro Aiporekuat nuat etiat huut hap eꞌyian mete. Iuteuria timohey Iesui hawyi heremo taꞌatukuap uwe etiat Muisei tiwan hap. Mesup te maꞌato yt taꞌatumohey i te Iesui raꞌyn hap.

Ewesu 4:18

Yt karãpe i teꞌeruwanetup Iesui ewowi miꞌiria. Iꞌatuwanetup hap hoꞌowasat kahato hap ewy aikotã miitꞌin iꞌypyryp we hoꞌowasat hap ewy tukupteꞌen. Katupono iraniaꞌin yt imohey i haria yt karãpe i Tupana mohey haria. -Miꞌi pote yt karãpe i areineꞌen Iꞌatuꞌywot no e Tupana iꞌatuepe. Yt teꞌeruwanetup hin i uhehay kape e. Iꞌatuewaure kaꞌa yt uikuap i hap e. Taꞌatukyꞌesat kahato wẽtup muap e. Yt kat i uikuap hap taꞌatukyꞌesat e. -Yt urumuꞌe teiꞌo yt uimuꞌe teiꞌo iꞌatuꞌe yn aat kaꞌap uhepe e. Taꞌatunug saꞌag sese sakpo yt uimikyꞌesat ewy i are e Tupana saꞌawyꞌi miꞌiria piat pe.

Ewesu 4:26

Karãpe aipyꞌahak putꞌok e wẽtup ok etiat hap yt naku i watipowyro mekewat aipyꞌahak hap are. Waku aipohep mekewat aipyꞌahak hap toineꞌen ahete turan. Waku meremo aipohep mekewat aipyꞌahak motꞌi hap ete. Waku meremo watuwemoperupꞌi aipyꞌahak hap ete. Yt naku i watopyhuꞌat typy eꞌat aipyꞌahak hap wywo. Waku waure wo watopyhuꞌat aat minꞌe hap eꞌyian mete.

Ewesu 4:30

Karapeĩ saꞌawyꞌi watopyhuꞌat Tupana Paꞌãu eiam mo miꞌi hap eꞌat pe Tupana toꞌe ahepe -Wuatꞌi eꞌat pe aru ereineꞌen uiatnuat uhemiit no e ahepe. Uimiehakyeraꞌat wuaria eipe e ahepe. Pywo yt uheso hin i uiꞌe hap e ahepe Tupana. Pyno uhehay moheg hamuat atum Uipaꞌãu ehewowi e ahepe saꞌawyꞌi. Mesup Uipaꞌãu toꞌe ehepe -Worohoꞌonug eipe uhemiit sese nuaria e. Worokuap kahato eipe mesup e ahepe Tupana. Uheiam mo Uipaꞌãu eiam mo eweikupteꞌen e mesup ahepe. Miꞌi pote yt naku i watimoꞌarot neꞌi Tupana Paꞌãu aiminug saꞌag wo are.

Epereu 3:10

-Motꞌi hawyi uimopyꞌahak kahato eheꞌyian miaria ehaꞌaseꞌiꞌin e. Eiꞌywaniaria wanetup hap yt karãpe i waku atipuẽti e. Yt naku i hap kape yn iꞌatuwanetup hap. Atiꞌatumoꞌakasa kahato uipuꞌap uiwanetup waku rakat kapiat maꞌato -Yt uruikyꞌesat i iꞌatuꞌe uhepe e.

Epereu 3:17

Uwe apo meimuẽwaria 40 anu turanuat yahig wato tote saꞌag yn nug haria Tupana mopyꞌahak hanuaria. Taꞌi ahaꞌaseꞌiꞌin aiꞌywaniaria Iuteu ywania. Taꞌi aiꞌywotꞌin aityꞌin topap yne iꞌatuminug saꞌag tiꞌatuꞌuka.

Epereu 5:9

Aikaꞌiwat yt karãpe hin i iꞌaparap Toꞌywot mikyꞌesat nug hap ete pote -En yn miitꞌin ehakyeraꞌat hatno e Tupana. Iesui watomohey hawyi tutum aheineꞌen wuatꞌi eꞌat piat hamuat ahepe tomikyꞌesat nug haria wo watoineꞌen mote.

Iesui Aru E Hap 6:16

Miꞌi haype kak iꞌatuꞌe kak iꞌatuꞌe -Urusyp to urusyp to iꞌatuꞌe yihot kaipyi yityꞌok kape. Ehewo ro ehewo ro urusyp hamo iꞌatuꞌe. Katupono urutokenꞌẽ kahato Tupana owa kape urutaꞌakasa hamo iꞌatuꞌe. Yt uruikyꞌesat i tehaꞌat uruewawi iꞌatuꞌe. Urutokenꞌẽ kahato Tupana Hũ Kuteiru pupi iꞌatuꞌe. Katupono mesup haiwot raꞌyn ahete iꞌatuꞌe teꞌeruwẽpowat yihot kaipyi torannia.