Maku 2:8 - Sateré-Mawé

⁸ Maꞌato meremo Iesui tikuap topyꞌa pe iꞌatuwanetup hap. Miꞌi hawyi Iesui toꞌe iꞌatuepe -Kat poteĩ yt eweikyꞌesat i uiꞌe iꞌahuu rakat piat hap e.

Maku 2:8 ပူးပေါင်းရင်းမြစ်များ

Mateu 12:15

Miꞌi hawyi Iesui tikuap taꞌyn miꞌi tã iꞌatuminug neran hap hawyi toto raꞌyn itote pyi. Maꞌato miꞌi turan typyꞌi kahato miitꞌin tuwat upi. Miꞌi hap upi toiꞌatumoehãite kahato miitꞌin iꞌahuu rakaria.

Mateu 16:7

Mio tã e pote hemiitꞌin teꞌeroꞌe toꞌope toꞌope -Mio tã e yt waterut i aheman hap pote iꞌatuꞌe toꞌope.

Mateu 9:4

Maꞌato Iesui tikuap iꞌatuwanetup hawiat teꞌeroꞌe hap. -Kat poteĩ eiwanetup koꞌi koꞌi neꞌi mesuwat uiminug ete.

Maku 2:7

Kat poteĩ Iesui mio tã e iꞌatuꞌe. Ihay saꞌag kahato ti iꞌatuꞌe katupono ti Tupana yn imoweityk kuap aiminug saꞌag iꞌatuꞌe.

Maku 2:9

Kat areꞌe som pyno poꞌog yt niatpo i yt hewyry kuap i rakat pe sio apo koitywy ti yt nakuap i eminug atimoweityk taꞌyn areꞌe sio erepoĩꞌam no hawyi etiꞌokpoꞌi ro eꞌyni hawyi ereto ro eꞌyat kape areꞌe.

Maku 7:21

Tuwepyi tutunug yt nakuap i e. Wuatꞌi haryporiaꞌin nywo e seroꞌok e miit auka wẽtup ok ti seꞌaito wywo uito e hat wẽtup ok ti seharyꞌi wywo uito e hat miitꞌin pya pyi tuwẽtem

Iruka 24:38

Miꞌi hawyi apo e -Kat poteĩ eweiwanetup kahato kowoꞌi kowoꞌi eipyꞌa pe yt kat i eiwepiit hap wywo e. Kat poteĩ tig yt eweimohey i te uheineꞌen guꞌuro pyi hap e.

Iruka 5:22

Mio tã iꞌatuꞌe taꞌatuwanetup hawiat hap Iesui tikuap hawyi toꞌe -Kat poteĩ mio tã eweiꞌe eiwanetup hawe.

Iruka 6:8

Maꞌato Iesui tikuap iꞌatuwanetup hap hawyi toꞌe mekewat miit ipokiã rakat pe -Epoĩꞌam no hawyi waku ereineꞌen yꞌam me miitꞌin pyꞌasetpe. Mio tã e hawyi mekewat miit ipoĩꞌam naꞌyn.

Iuwãu 21:17

Miꞌi hawyi myẽꞌym mo Iesui toꞌe i -Simau Iona saꞌyru uikyꞌe hat apo en e. Uiwy apo en e Iesui pote Peteru hatyꞌu hawyi toiwesat -Sakpoꞌe wyti ewy sese areineꞌen uito Uikaꞌiwat e. Wuatꞌi kuap hat ri En miꞌi tupono ti etikuap taꞌyn epyꞌa pe ekai areineꞌen aikotã ewy koro ekyꞌe kahato hat areineꞌen e. -Pyno pywo pote etiꞌatumuꞌe uimohey haria mehin aikotã etiꞌatupoi aihũria koꞌi hap ewy e Simau me.

Iuwãu 6:64

Maꞌato tukupteꞌen eipyꞌasetpe yt uimohey i haria e. Katupono saꞌawyꞌi Iesui tikuap ti raꞌyn tukupteꞌen eipyꞌasetpe yt imohey i hanuaria. Toikuap taꞌyn temiit tomaꞌat hanuat hat.

Iesui Potmuꞌeria 5:3

Miꞌi hawyi Peteru toꞌe Anania pe -Kat pote som Tupana Paꞌãu Wakuat pe eso teran e. Taꞌi ahiag ehay pyi wyti eso teran e. Taꞌi ipatꞌok yn wyti etum uipo pe maꞌato -Atum yne Tupana pe ere uruepe pykai e.

Iesui Potmuꞌeria 8:22

Pyno ehẽtup to poꞌog yn naꞌyn urukaꞌiwat pe -Atoiat yne teran uiminug saꞌag koꞌi hawyi koitywy woromohey En yn uhehakyeraꞌat hamo ere ro urukaꞌiwat Iesui pe katupono ti miꞌi yn ipotputꞌok e emowanetup kahu hamo emoweꞌeg hap nug hamo paini e.

Epereu 4:13

Iꞌewyte Tupana tikuap yne yne miitꞌin waku hap sio yt naku i hap wuatꞌi ywania wat aikope aikope gupteꞌen hap tote katupono yne aiminug koꞌi miitꞌin miꞌiria pote. Yt watuwemig kuap i Tupana pupi aiwanetup hap waku sio yt hap toikuap yne pote. Aiminug koꞌi iꞌewyte heremo yne Tupana pe sio waku pe sio yt naku i pe hap toikuap. Pyno waku aiweꞌeg wo katupono meiũran tuwemoherep yne kuap aiminug koꞌi wuatꞌi ehamo. -Kat poteĩ miꞌi tã neꞌi ewetunug e aru ahepe. Kat poteĩ mio tã neꞌi erewanetup e aru Tupana ahepe. Uiwesat ro e aru. Araꞌakasa yne tig eminug koꞌi e aru ahepe haty wo.

Iesui Aru E Hap 2:23

Yt eweꞌeg i kahato i mana pote topap topap kahato aru hirokaria emepytꞌin koꞌi e. Woroꞌapiheg kahu hawyi uimohey haria teꞌeruwanetup kahato aikope aikope teꞌeruwaꞌatunug yi Asia totiaria teꞌeruwanetup kahato aru eꞌapiheg hap emimuꞌeria e -Tupana tikuap kahato aiminug wuatꞌi yt naku i rakat koꞌi iꞌatuꞌe aru are e. Meiẽ toikuap sewaire waire nug i wuatꞌi wywuat hap iꞌatuꞌe aru e. Pywo ti rat Tupana tikuap aiwanetup hap iꞌewyte aiminug koꞌi sio waku sio yt hap koꞌi iꞌatuꞌe aru. Are paĩ aipoepyk aiminug oktan ne sio waku sio yt iꞌatuꞌe aru uimohey haria yne 7 tawa koꞌi piaria e.