Maku 2:5 - Sateré-Mawé

⁵ Miꞌi hawyi taꞌakasa yne hawyi Iesui tikuap taꞌyn tomohey iꞌatuepiat hap koꞌi. Miꞌi hawyi toꞌe iꞌahuu rakat pe -Uiwy e koitywy ti yt naku i eminug saꞌag epyꞌa piat atimoweityk raꞌyn e.

Maku 2:5 ပူးပေါင်းရင်းမြစ်များ

Mateu 9:2

Miꞌi turan taꞌatuerut wẽtup ok yt ipoĩꞌam kuap i rakat heꞌyni pe. Miꞌi kape Iesui tehaꞌat hawyi toꞌe -Taꞌi uimohey kahato ti eipe e. Miꞌi hawyi toꞌe yt ipoĩꞌam kuap i rakat pe. -Taꞌi uhaꞌyru e. Yt erekenꞌẽ hin i kat tupono koitywy uimohey hap emowaku raꞌyn. Iꞌewyte eminug saꞌag tuweityk taꞌyn.

Mateu 9:22

Temig hawyi Iesui tuwemorem hawyi taꞌakasa raꞌyn haryporia kape hawyi toꞌe -Pyno eremowepiit ro uhakiꞌyt katupono ti ehãite iraꞌyn. Kat pote ti uimohey epiat hap kaipyi wyti ehãite iraꞌyn. Mio tã e turan meremo ihãite iraꞌyn haryporia.

Mateu 9:5

Kat are kat are som poꞌog yt niatpo i yt hewyry kuap rakat pe sio eminug saꞌag wyti tuweityk taꞌyn are sio epoĩꞌam no hawyi ewyry ro are.

Maku 2:6

Miꞌi pote apyk puaria miwan enoi haria teꞌeruwanetup hawe teꞌeroꞌe -Kat pote mio tã e Iesui iꞌatuꞌe teꞌeruwanetup hawe.

Maku 5:34

Miꞌi hawyi Iesui toꞌe -Uheinyt ewat uimohey hap emoehãite raꞌyn e. Miꞌi hawyi ti aru ehãite raꞌyn e. Miꞌi tupono ewepiit ro katupono yt kat i raꞌyn ehoꞌopat hap.

Iruka 5:20

Miꞌi hawyi Iesui tehaꞌat raꞌyn iꞌatuepiat tomohey hap hawyi toꞌe ipy kĩꞌã rakat pe -Koitywy eminug saꞌag tuweityk taꞌyn e.

Iruka 8:48

Miꞌi hawyi Iesui toꞌe tomimoehãite hat pe -Uhakiꞌyt pyno waku raꞌyn en e. Uimohey hap kaipyi emoehãite hap etipuẽti raꞌyn e. Waku pyno eraꞌaipok i raꞌyn eꞌyat kape ewepiit hap wywo e.

Iuwãu 2:25

Yt uwe i henoi Iesui pe miitꞌin etiat wen maꞌato toikuap taꞌyn miitꞌin wanetup hap koꞌi tuwekaipyi. Toikuap tuwewi miitꞌin wanetup hap koꞌi.

Iuwãu 5:14

Meiũran tomimoehãite Iesui tipuẽti Tupana motypot yat pe i raꞌyn. Miꞌi hawyi toꞌe tope -Eweꞌeg wo uhyt saꞌawyꞌi wuat eminug saꞌag. Yt etunug i raꞌyn maꞌato etunug ne pote ti aru meiũran poꞌog saꞌag topyhuꞌat ekai eꞌahuu saꞌawyꞌi wuat kai e.

Iesui Potmuꞌeria 11:23

Putꞌok toꞌe hawyi iwepiit kahato topyhuꞌat -Taꞌi Tupana tiꞌatukyꞌe kahato mesuwat ywania aikotã toiꞌatukyꞌe uruꞌywania hap ewy kahato e Panape tuwepe -Taꞌi tutum neꞌen neꞌi Topaꞌãu mesuwat wẽtup ywania pe aikotã tutum uruꞌywania piat pe hap ewy te e toꞌywania Iuteu pe. Miꞌi hawyi toꞌe Tupana pe haty wo -Waku kahato ti rat En Tupana e. Pywo ti rat yt uwe i poꞌog hegyiꞌat rakat ekai Tupana e Panape. Miꞌi hawyi Panape topyhuꞌat potꞌi tawa Antiokia pe hawyi toiꞌatunapin kahato Iesui mohey haria ipakup takaria -Mehinꞌin manaꞌin e eweimohey ro eikuꞌuro hap kape Aipotypot Iesui eipyꞌa pe e. Yt eiwemoti teiꞌo Aikaꞌiwat ehay pupi e Kereku pusu kuap haria pe.

Iesui Potmuꞌeria 14:9

Miꞌi tote Pauru henoi Iesui etiat turan mekewat yt hewyry kuap i rakat tikuap ihay. Miꞌi hawyi Pauru ihaꞌat howawi hawyi toikuap taꞌyn tuwanetup hawe -Iesui mohey hap uimoehãite kuap e tuwanetup.

Iesui Potmuꞌeria 5:31

Miitꞌin Potypot no Tupana tikyꞌesat kahato urukaꞌiwat Iesui e. Mio tã e Tupana saꞌawyꞌi -Miꞌi Miit ti Uipo sese kawiat ieineꞌen hat e. Miꞌi Miit ti wuatꞌi miitꞌin ehakyeraꞌat hanuat e Tupana saꞌawyꞌi miwan me e Peteru. Taꞌi Iesui ti henoi ahepe mekewat muap aiminug yt naku i hap kaipywiat aihep hamuat e. Miꞌi Miit yn ni muap Tupana kapiat hat e. Miꞌi Miit yn ni aiꞌywania Isareu ywania wanetup saꞌag hap mohãpyk kuap hat e. Toikyꞌesat yne aiꞌywania tomiehakyeraꞌat koꞌi wuat hap e.

1 Kuriniu 11:30

Miꞌi pote iꞌatu kahato eipyꞌasetpiaria iꞌahuu rakaria wo ipiit perup takaria wo get rakaria wo tukupteꞌen itote Iesui suu etiat wekyryꞌi haria eweikupteꞌen mote.

2 Kuriniu 2:10

Koitywy waku waure wo eweikupteꞌen iminug saꞌag kai. Waure wo eweikupteꞌen pote iꞌewyte uito waure wo areineꞌen. Miꞌi hawyi waku waure wo watoꞌe Aikaꞌiwat Iesui e. Miꞌi hawyi iꞌewyte Aikaꞌiwat toineꞌen waure wo raꞌyn. Miꞌi hawyi aiwoꞌokyꞌe hap sese toineꞌen i raꞌyn.

Ewesu 2:8

Maꞌato yt aiminug wakuap kaipyi hin i Tupana ahehakyeraꞌat. Taꞌi yt hin i uiwyriaꞌin. Ahewaku hap yt putꞌok e hin i Tupana wat hewaku hap ewy are. Aikyꞌe hap kaipyi towese hap kaipyi tutum ahehakyeraꞌat hap ahepe. Watimohey Iesui hawyi tutum ahepe wuatꞌi eꞌat piat aheineꞌen hap yt kat i watunug pykai tutum. Pywo pe ti tuwekaipyi tutum watomohey Iesui hawyi are.

Korosi 3:13

Iꞌatu kahato Tupana watnuat aimokahu hap. Wẽtup woꞌopowyro hap. Wẽtup yt aipotmopyꞌahak i hap. Wẽtup aiwoꞌoewaure aiwoꞌominug saꞌag etiat hap. Wẽtup aipainug hap aiwuꞌuka hap monik hap. Wẽtup aiwoꞌoehay aiwoꞌopiat hap -Waure wo areineꞌen uhyt mimi mana emiꞌaparap uhepiat hap kai aiꞌe hap. Miꞌi koꞌi yne waku ahesokpe pakup ewywuat aiwepainug hap ikahu rakat ewywuat. Miꞌi wo waku watuwepainug aikotã Iesui tiwaure ahepiat iꞌaparap tetiat hap ewy te waku watiwaure iraniaꞌin piat hap aiꞌaparap hap.

Tiaku 5:15

Miꞌi tã taꞌatunug Iesui mohey hap mywo pote ti aru ipoĩꞌam naꞌyn teꞌyni pyi ihãite raꞌyn topyhuꞌat iꞌahuu rakat. Iꞌewyte iminug saꞌag kaipywiat iꞌahuu pote Tupana timoweityk taꞌyn iminug yt naku i saꞌag hap koꞌi.