Korosi 3:2 - Sateré-Mawé

² Waku watuwanetup atipy kape aikope Aipotypot Iesui toineꞌen hap kape. Waku aiwanetup hap Aikaꞌiwat atipy piat wanetup hap ewy are. Yt naku i watuwanetup mesuwarotiaria yt imohey i haria ewy katupono mesuwarotiat kape yn teꞌeruwanetup.

Korosi 3:2 ပူးပေါင်းရင်းမြစ်များ

Mateu 16:23

Mio tã e pote Iesui tuwemorem Peteru kape hawyi toꞌe -Erẽtem no uikaipyi ahiag e katupono en wyti aikotã nu toineꞌen muap tote aipysatpun hanuat ewy neꞌi. Miꞌi tupono ti ewat ewanetup hap mesuwat rotiaria miitꞌin wanetup hap ewy neꞌi. Yt Tupana woꞌonapin hap ewy hin i.

Mateu 6:19

Uimohey haria yt naku i mesuwat yi totiat yn ahekareꞌen atunug hap kape yn watuwewanetup aat kaꞌap. Maꞌato mesuwat rotiat yn ahekareꞌen pote iytyt tuꞌu yne neꞌi. Iꞌewyte sereꞌok eharia miereꞌok wo neꞌi toineꞌen e. Yt naku i ahekat mo wato hap kape yn watuwanetup aat kaꞌap e.

Iruka 12:15

Mio tã toꞌe hawyi tohenoi yne itotiaria pe -Eiweꞌeg wo o meimuẽwat ehekareꞌen iwato kahato kyꞌe kahato hap pupi e. Uhekat kahato teran eweikyꞌesat maꞌato eheineꞌen hap sese yt eweikat hin i hawyi yt eweipuẽti i wyti aru ehekat wuatꞌi eꞌat piat hap e.

Iruka 16:11

Uiwyriaꞌin eiweꞌeg wo o ehekat moꞌẽ hap ete. Waku hãpyk kahato eweimoꞌẽ Tupana miium ehepiat koꞌi pote ehekat sese tutum ehewowi wyti aru e.

Wiripu 1:23

Maꞌato areto teran Aipotypot kape atipy kape. Atoiat reran uheineꞌen hap mesuwe katupono poꞌog waku itote. Pyno poꞌog waku uikuꞌuro are maꞌato -Miꞌi e hap yt ereꞌe i mio tã e. Waĩꞌe uiwanetup hawe areꞌe.

Korosi 3:1

Aipotypot Iesui tokuꞌuro hawyi tuwẽtem guꞌuro pyi. Koitywy watomohey Iesui toineꞌen atipy pe Toꞌywot Tupana po sese kai hap watomohey. Miꞌi pote wẽtup miit piit ewy yn watopyhuꞌat. Karãpe Iesui tuwẽtem guꞌuro pyi hawyi aito imohey haria iꞌewyte watuwẽtem guꞌuro pyi hap ewy. Karãpe taꞌam atipy kape hawyi aito iꞌewyte wataꞌam atipy kape hap ewy. Miꞌi tote Aipotypot Iesui taꞌapyk Tupana po sese kai. Toꞌywot motypot hawe toineꞌen itote. Waku miꞌi kape aiwanetup hap.

Korosi 3:5

Waku watiꞌakit yne aiwanetup saꞌag hap aiwanetup hawiat. Waku watiwaure yne saꞌawyꞌi wuat aiwary wary hap aheꞌaito aito hap. Miꞌi hap waku watoiat yne e. Waku watipun yne yt ahegyiꞌat i hap katupono yt ahegyiꞌat i hap saꞌag kahato topyhuꞌat Tupana wanetup hawe. Aikotã ariaꞌyp nu kawiat Tupana iãꞌãkap motypot hap yt naku i hap ewy te yt ahegyiꞌat i hap topyhuꞌat yt naku i Tupana wanetup hawe. Waku watimak aipiit mikyꞌesat saꞌag koꞌi aiwemoti hap koꞌi. Waku wahasep wẽtup ok aheharyꞌi wuat kyꞌesat i hap wẽtup ok aheꞌaito wuat kyꞌesat i hap. Waku waĩ watoꞌe aiwanetup hawe aipotmoti te moti te hap koꞌi are. Waku watiꞌauka aiꞌe hap aiwanetup hawe -Uiwatno yn atikyꞌesat ekat koꞌi e hap. Waku yt kat i ihainia wary wo hap aiwanetup hawe.