Korosi 2:9 - Sateré-Mawé

⁹ Taꞌatukyꞌesat eipe taꞌatuemiit no aikotã waimiri ewy aimuꞌe iraniaꞌin. Tupana tipoꞌoro Tosaꞌyru Aiporekuat no maꞌato Tosaꞌyru piit pe toineꞌen miit sese wo Tupana tuwepuꞌi nug. Iesui ti miit sese toineꞌen aiꞌewywuat. Iꞌewyte Iesui piit pe Tupana yne yne toineꞌen.

Korosi 2:9 ပူးပေါင်းရင်းမြစ်များ

Mateu 1:23

Mio tã e ti Tupana saꞌawyꞌi miitꞌin me. -Meiũran ti aru wẽtup ok haryporia wakuat makuptia te yt heꞌaito i te rakat pykai imepytꞌa rakatno topyhuꞌat hawyi ti aru imepyt ihainia hit. Miꞌi kape ti aru eiwẽpo wat Emanueu katupono Emanueu e wyti Tupana toineꞌen aiwywo e. Topiat yianmiat Tupana ehay enoi hat Isaia tomiwan 7.14 pe e.

Iruka 14:22

Miꞌi hawyi temiit toto raꞌyn tokaꞌiwat enoi hap ewy nug hamo. Waku hawyi taꞌaipok taꞌyn tokaꞌiwat pe enoi hamo. -Uikaꞌiwat eꞌe hap ewy atunug naꞌyn maꞌato ienuk yat yt hawopy hin i te e tokaꞌiwat pe.

Iruka 3:22

Hawyi Tupana Paꞌãu putꞌok e raꞌyn iꞌapy tote pykasu ewywuat hawyi tuut raꞌyn wẽtup sehay atipy kaipyi -En wyti uhaꞌyru uimikyꞌe kahato uimowepiit hat sese ereineꞌen e.

Iuwãu 1:14

Mekewat Sehay e hap het rakat Iesui aiꞌewywuat tuwemoherep miitno aipiit ewywuat tuwemoherep. Miꞌi hawyi watehaꞌat kuap i hẽtyhot atipy kaipywiat Tupana saꞌyru wẽtup yn kape. Miꞌi hawyi toineꞌen aipyꞌasetpe. Putꞌok e mesuwe hegyiꞌat hap moherep hamo. Miꞌi ti Wakuat Sese toineꞌen. Hãpyk hap yn tuete. Pywuat rakat toineꞌen.

Iuwãu 1:16

Taꞌi miꞌi miit poꞌog kahato uikai rakat katupono Miꞌi ti aru hegyiꞌat hap kaipyi aipoityro kahato hap watipuẽti e.

Iuwãu 10:30

Uiꞌywot Uito ti wẽtup ok yn e Iesui.

Iuwãu 10:38

Maꞌato yt uimohey i haria eipe pote waku maꞌato Uiꞌywot misepap ewy uiminug kape eiwaꞌakasa hawyi uiminug wakuap koꞌi upi waku eweimohey e. Waku eweikuap Uito Uiꞌywot wẽtup ok yn hap e.

Iuwãu 14:20

Karãpe Tupana Paꞌãu wo ipytꞌat eipiit hawyi ti aru eweikuap taꞌyn Uiꞌywot uheiam neꞌi toineꞌen hap e. Iꞌewyte Uito eheiam wo areineꞌen hap hawyi eiperia uheiam wo neꞌi eweikupteꞌen hap e.

Iuwãu 17:21

Atikyꞌesat aikotã aiwanetup hap wẽtup yn hap ewy ahemiitꞌin wẽtup wanetup ewy yn hap ahẽtup ekaipyi are. Aikotã areineꞌen ekai iꞌewyte ereineꞌen uikai miꞌi hap ewy atikyꞌesat aimimuꞌeria tukupteꞌen ahepe wẽtup miit ewy are. Iꞌatuwanetup hap aiwat ewy atikyꞌesat miꞌi hawyi mesuwarotiaria En uipoꞌoro hatno ereineꞌen hap taꞌatumohey raꞌyn e.

Iuwãu 2:21

Maꞌato hãꞌãkap wuo Iesui henoi iꞌatuepe. Mio tã e topiit etiat pe Tupana yat e.

Iesui Potmuꞌeria 17:29

Kat poteĩ eiwanetup hawyi uru kawiat Tupana toineꞌen eweiꞌe eiwanetup hap kaipyi neꞌi. Aito ti meime Tupana mepytꞌin koꞌi e. Aito ti Tupana iãꞌãkap koꞌi e. Yt parata kawiat i ti Tupana. Yt nu kawiat i ti Tupana e. Yt mo wuat minug i ti Tupana e.

2 Kuriniu 5:19

Pywo ti rat Aikaꞌiwat Iesui piit pe Tupana toineꞌen. Wuatꞌi miitꞌin wywuat tuwyꞌinug hamuat toineꞌen Tosaꞌyru piit pe. Tupana hewyry aipyꞌasetpe Tosaꞌyru piit pe. Tomohey haria sese pap tet pupi ti ikuꞌuro. Toiꞌatumorem tewanikaptia towyriaꞌin sese wo. Yt totereko i raꞌyn wyti miitꞌin minug saꞌag topyꞌa pe. Tomoweityk taꞌyn wyti mekewat topyꞌa piat koꞌi tosuu wo. Koitywy toꞌe ahepe -Ewehenoi ro miitꞌin me waure wo areineꞌen iꞌatuminug saꞌag kai e. Waku teꞌeraꞌaipok uhowowi e Aipotypot e mesup ahepe.

Korosi 1:19

Pyno aito wẽtup yn imikyꞌesat ewywuat Tupana wywo Haꞌyru wywo Ipaꞌãu wywo watomohey Haꞌyru hawyi.

1 Timoteu 3:16

Tupana mienoi Iesui etiat watikuap kahato maꞌato yt karãpe i watikuap yne yne. Tupana yn ikuap sese hat. Miꞌi hawyi ikuap hat sese tuwemoherep taꞌyn ahowawi. Mio tã toꞌe ahepe Iesui etiat -Meiũ ti pywuat sese e. Miꞌi Miit kape atipy piaria teꞌeraꞌakasa yne. Miꞌi ti imoherep taꞌyn kat ywania puo kat ywania puo miꞌi hap tuwemoherep taꞌyn tehay wo. Miꞌi hawyi ti iꞌatu kahato raꞌyn imohey haria mesuwat yi tote. Miꞌi hawyi Tupana tioto i raꞌyn atipy kape i are.

Titu 2:13

Miꞌi hawyi Iesui putꞌok e hap eꞌat yn naꞌyn wahekatup Tupana motypot eꞌat sese raꞌyn. Taꞌi Uhetupana iꞌewyte Iesui Ahehakyeraꞌat hat poꞌog wuatꞌi kai putꞌok e irane. Putꞌok e hawyi ikahu hap sese watikuap taꞌyn. Mekewat eꞌat pe ti wahekatup kahato turan tuut.

1 Iuwãu 5:20

Koitywy watikuap kahato Tupana saꞌyruꞌin sakiꞌytꞌin aito hap. Taꞌi watikuap Tupana Saꞌyru hawyi Tupana moherep hat sese topyhuꞌat poꞌog poꞌog mekewat pywuat etiat kuap hamo. Miꞌi tupono mekewat Tupana Mipoꞌoro Aiporekuat nuat hat watikuap hawyi topoꞌoro hat Tupana watikuap iꞌewyte. Saꞌawyꞌi watikuap teran uwe Tupana hap maꞌato yt heremo hin i Tupana ahepe. Maꞌato mesup heremo raꞌyn aheTupana katupono Haꞌyru imoherep ahepe. Tupana Haꞌyru ti Toꞌywot ewywuat wẽtup miit ewy. Karãpe wataꞌakasa Haꞌyru kape pote Iꞌywot kape ti raꞌyn wataꞌakasa wy are. Miꞌi pote mesup -Worokuap kahato En watoꞌe yn Tupana pe. Koitywy uiwyriaꞌin watoineꞌen Tupana pe aikotã Tupana eiam ewy miꞌi pe watopyhuꞌat. Saꞌawyꞌi watomohey Iesui ti Tupana Saꞌyru e hap hawyi Iesui po pe watopyhuꞌat. Ipyꞌa pe kahato watoineꞌen. Aikaꞌiwat yat piaria ewywuaria watopyhuꞌat. Iesui ti Tupana sese miꞌi pote Tupana pe watoineꞌen Iesui pe watoineꞌen pote. Iesui ti wuatꞌi eꞌat piat ieineꞌen hat iꞌewyte aito wuatꞌi eꞌat piat watoineꞌen Iesui wywo wẽtup miit piit ewywuat pote are.

1 Iuwãu 5:7

Toineꞌen myẽꞌym aimuꞌe haria mesuwat yi totiaria pywo Iesui Tupana Mipoꞌoro Eiporekuat nuat e haria.