Iruka 9:51 - Sateré-Mawé

⁵¹ Miꞌi hawyi yt pya raꞌyn Iesui toto atipy kapiat hap eꞌat pote toto teran tawa Ierusarẽi kape yn.

Iruka 9:51 ပူးပေါင်းရင်းမြစ်များ

Maku 16:19

Mio tã e Aikaꞌiwat Iesui hawyi Tupana tioto Iesui atipy kape. Miꞌi hawyi taꞌapyk Tupana po sese kai.

Iruka 12:50

Katupono ahoꞌopot hap ariaꞌyp posak etiat yt i te wen maꞌato miꞌi kape arewanetup kahato e. Saꞌawyꞌi ahetꞌok hat Iuwãu uhetꞌok taꞌyn yꞌy wo maꞌato wẽtup ok uhetꞌok hap toineꞌen ne miꞌi ti aria ewywuat uimosoꞌopot hap sese are.

Iruka 13:22

Miꞌi hawyi Iesui tiꞌatumuꞌe kahato yne tawa hit piaria Tupana ehay wo. Miꞌi hawyi tawa wato Ierusarẽi kapiat epuꞌap upiaria toiꞌatumuꞌe kahato Tupana ehay wo.

Iruka 17:11

Miꞌi hawyi Iesui toto hãpyk kahato yi Karireia yi Samaria sakpo tawa wato Ierusarẽi kape.

Iruka 18:31

Miꞌi hawyi temiitꞌin Iesui terepoꞌok miitꞌin typyꞌi rakaria tokpyi enoi tepiat hamo. -Uhekatuwyria watuwat mesup tawa wato Ierusarẽi kape e. Itote ti aru uiꞌauka irane aikotã saꞌawyꞌi te wuat Tupana ehay moherep haria miwan miat e hap ewywuat topyhuꞌat itote e.

Iruka 19:11

Miꞌi hawyi miitꞌin tuwat tawa wato Ierusarẽi kape. Saꞌawyꞌi wuat Iesui e hap etiat teꞌerewanetup. Pywo yt pya hin I Tupana toineꞌen miitꞌin porekuatno. Waku meremo tuwemoherep teꞌeruwanetup. Iesui tikuap Iꞌatuwanetup hap hawyi iãꞌãkap wuo tohenoi temiitꞌin me.

Iruka 19:28

Mio tã e tohenoi hawyi Iesui toto i raꞌyn muap upi mekewat tawa wato Ierusarẽi kape.

Iruka 24:51

Miꞌi toꞌe Tupana pe turan Iesui taꞌam naꞌyn atipy kape.

Iruka 9:57

Karãpe Iesui toto raꞌyn muap upi temiitꞌin wywo miꞌi turan wẽtup ok miit toꞌe Iesui pe -Areto teran eupi mehin aikowo aikowo ereto hap upi e.

Iuwãu 13:1

Miꞌi tote pyi ienuk koro eꞌat owakai te Iesui tikuap taꞌyn topyꞌa pe taꞌaipok Toꞌywot kapiat mesuwat yi tote pywiat hamuat. Iesui tiꞌatukyꞌe kahato temiitꞌin mesuwarotiaria. Toiꞌatukay kay saꞌawyꞌi miꞌi hawyi toiꞌatumuꞌe kahato. Iesui toineꞌen mesuwat yi totiat turan toiꞌatukyꞌe kahato temiitꞌin hawyi tokuꞌuro hap kape iꞌewyte toiꞌatukyꞌe.

Iuwãu 16:28

Pywo kahato Uiꞌywot kaipywiat Uito ariot raꞌyn miitꞌin kape. Miꞌi rẽ araꞌaipok hamuat i raꞌyn Uiꞌywot kape mesuwat yi totepyi e.

Iuwãu 16:5

Mio wyti maꞌato areto hamuat uipoꞌoro hat kape i raꞌyn are maꞌato eipe yt apo eweiꞌe i uhepe -Aikowo aru pyno ereto Uhyt yt eweiꞌe i uhepe e.

Iuwãu 17:11

Papai araꞌaipok irane ewowi maꞌato ti aru uimohey haria teꞌeropyhuꞌat mesuwarote are. Papai Uito areto raꞌyn ehewowi hawyi waku En iꞌatuꞌapykok hatno ereineꞌen. Waku eset esaika hap upi mekewat set emiium uhepiat puo etiꞌatuꞌapykok. Atikyꞌesat miꞌiria wẽtup ok ewy yn tukupteꞌen aikotã En Uito wẽtup ok ewy yn watoineꞌen hap ewy.

Iuwãu 6:62

Pyno kat eweiꞌe aru eweiꞌakasa Miitꞌin Ykeꞌet taꞌam iraꞌyn aikope toineꞌen saꞌawyꞌi wuat hap kapiat pote e.

Iesui Potmuꞌeria 1:2

Saꞌawyꞌi Iesui tiꞌatuꞌairo temiitꞌin sese hawyi toꞌe iꞌatuepe -Uiwyriaꞌin e worohoꞌopoꞌoro eipe uimoherep wuatꞌi ywania piat hamo e.

Iesui Potmuꞌeria 1:9

Mio tã toꞌe rakirẽ Iesui taꞌam naꞌyn yityꞌok pyi. Miꞌi hawyi teꞌerahaꞌat turan teke raꞌyn ywyhig me. Miꞌi hawyi yt heremo i raꞌyn Iesui.

Ewesu 1:20

Tupana esaika hap iwato kahato uruete are aikotã saꞌawyꞌi etihep urukaꞌiwat guꞌuro pyi hap ewy esaika are. Miꞌi hawyi -Eraꞌapyk o meiũpe uipo sese kai ere itote Esaꞌyru pe. Eraꞌapyk to mesuwe atipy pe ere. Miꞌi hawyi topyhuꞌat eꞌe hap ewy esaika sese hap ewywuat topyhuꞌat. Esaika kahato hap ewy etimoherep uruepe Esaꞌyru mohey haria pe are Tupana pe aat kaꞌap.

Wiripu 3:14

Yt poriꞌok poriꞌok yt areput hin i. Hãpyk kahato areput atikyꞌesat kahato -Waku kahato ereput uhyt e hap yn atikyꞌesat Aipotypot e hap. Atikyꞌesat Tupana tum uhepe mekewat seput haria eꞌamatap ewy mekewat uipainug hap ewy. Atikyꞌesat kahato Tupana toꞌe uhepe areput kahu hawyi -Toꞌiro atipy kape kat pote Uimipoꞌoro Uhaꞌyru mohey kahato hat en. Itote atum epe uimiium wuatꞌi eꞌat piat e hap atikyꞌesat. Miꞌi pote seput sese hat ewy areineꞌen Iesui wanetup hap ewywuat kape areput.

1 Timoteu 3:16

Tupana mienoi Iesui etiat watikuap kahato maꞌato yt karãpe i watikuap yne yne. Tupana yn ikuap sese hat. Miꞌi hawyi ikuap hat sese tuwemoherep taꞌyn ahowawi. Mio tã toꞌe ahepe Iesui etiat -Meiũ ti pywuat sese e. Miꞌi Miit kape atipy piaria teꞌeraꞌakasa yne. Miꞌi ti imoherep taꞌyn kat ywania puo kat ywania puo miꞌi hap tuwemoherep taꞌyn tehay wo. Miꞌi hawyi ti iꞌatu kahato raꞌyn imohey haria mesuwat yi tote. Miꞌi hawyi Tupana tioto i raꞌyn atipy kape i are.

Epereu 12:2

Aikotã seput haria teꞌerahaꞌat popuo taꞌatueput hap etiat -Putꞌok are iꞌatuꞌe hamuat hap kape yn hap ewy waku watehaꞌat aiwanetup hawe -Putꞌok are aru Iesui yatype aiꞌe hap kape yn katupono Iesui topyhuꞌat seput haria akag ewy katupono toimohey Tupana poꞌog torannia kai. Uiwyriaꞌin waku Iesui piat Tupana mohey hap ewy waku watomohey Tupana are. Iesui ti aimoehãite kuap kahato Tupana mohey hap ete. Haꞌawytepyi watomohey Iesui hawyi aiwanetup hap Iesui yn topyhuꞌat miꞌi hap ewy waku watomohey te Iesui putꞌok watoꞌe iꞌyatypiat hap eꞌat kape. Aikotã seput haria taꞌatusaꞌawynug hawyi te ikahuro hap kape teꞌeruwanetup hap ewy Iesui toineꞌen mesuwiat turan seput hat ewy topyhuꞌat. Putꞌok e Tupana etiat hap kape yn iha ariaꞌyp posak kape yn iha Tupana mikyꞌesat nug hap kape yn iha. Miꞌi hap yn imowepiit hap. Miꞌi hawyi tutuꞌu aiꞌapiheg hap ariaꞌyp posak ete. Yt toikyꞌesat hin i miitꞌin mikyryꞌi hap pykai. Toikuap kahato tomohit hap maꞌato yt tuwemoti hin i ariaꞌyp posak totiat toineꞌen saꞌag hap miitꞌin ehaꞌat hap pupi. Tokuꞌuro hawyi taꞌapyk Tupana po sese kai aikope Tupana piat topainug hap tote. Tokuꞌuro hap no aikawiatno hap kape yn toto toineꞌen mesuwe turan. Tupana mikyꞌesat nug hap yn imowepiit hap mesuwarote topyhuꞌat tohoꞌopot hap eꞌat turan. Iesui seput hat akag ewy toineꞌen meiũpe turan.

Epereu 6:20

Katupono mekewat Aimimohey Iesui teke Tupana eiam koro sese pe raꞌyn. Saꞌawyꞌi Ahepaꞌi Iesui teke Tupana eiam sese pe. Hewatꞌypmo ti aito. Ahepaꞌi mekewat Mekeseteki ewywuat poꞌog nakat Ahepaꞌi Koro wuatꞌi eꞌat piat. Yianme teke aikotã aheꞌyara tuwemoheg iꞌasaity ete. Miꞌi hap ewy watomohey Tupana e hap -Atunug aru e hap watomohey kahato miꞌi e hap hawyi aimoheg kahato Tupana ete wuatꞌi eꞌat pe saity iheg nakat ewy.

1 Peteru 3:22

Mesup taꞌyn Aheykeꞌet Iesui teke raꞌyn atipy pe. Koitywy taꞌapyk Tupana po sese kai taꞌapyk. Miꞌi tote Tupana mimotypot no topyhuꞌat -Koitywy Uhaꞌyru woronug En wuatꞌi miitꞌin Akag wuatꞌi porekuaria Akag wuatꞌi atipy piaria akag wo woronug En e Tupana Tosaꞌyru pe. Yne esaika hap atum epe e Tupana Tosaꞌyru pe Iesui pe.