Iruka 9:4 - Sateré-Mawé

⁴ Karãpe eiwehytꞌok taꞌyn wẽtup tawa pe hawyi uwe -Ereke ro uiꞌyat pe e hat yat pe waku eweikupteꞌen. Karamuo eiwenoꞌẽ iraꞌyn mekewat tawa pywiat hap kape.

Iruka 9:4 ပူးပေါင်းရင်းမြစ်များ

Mateu 10:11

Miꞌi hawyi karãpe ewehytꞌok wẽtup tawa piat turan sio miitꞌin typyꞌi rakaria pyꞌasetpiat turan waku eweikat iraniaꞌin eikyꞌe haria waku ereke uiꞌyat pe e haria. Miꞌiria yat pe waku eweikupteꞌen eweiꞌaipok teran itote pywiat hap kape.

Maku 6:10

Miꞌi hawyi putꞌok eweiꞌe wẽtup tawa pe hawyi waku wuatꞌi eꞌat pe wẽtup netap we yn waku ewehenuk iꞌewyte eweiket e. Waku miꞌi pe eweikupteꞌen eito hap kape e.

Iruka 9:3

Miꞌi hawyi toꞌe topotmuꞌeria pe -Yt kat reiꞌo ewetioto eiwewywo yt eipoꞌyha i wyti iꞌewyte yt ehekuriwuꞌa i wyti iꞌewyte yt eimiꞌu i wyti iꞌewyte uhetineiru i wyti iꞌewyte wẽtup ehesokpe yn waku ewetioto e.

Iruka 9:5

Maꞌato mekewat tawa piaria yt eikyꞌesat i pote waku meremo eiwenoꞌẽ mekewat tawa pyi maꞌato eiwenoꞌẽ turan waku eiwepiit pitꞌok eipy tawa sawiu meimuẽ ti miitꞌin yt nakuaria i e hap moherep hamo e.

Iesui Potmuꞌeria 16:15

Miꞌi hawyi mana Iritia timohey Iesui yne toꞌyat piaria wywo hawyi tuwesetꞌok yꞌy pe toꞌyat piaria torannia wywo. Miꞌi hawyi -Mimiꞌin e Pauruꞌin me koitywy ti atomohey kahato raꞌyn Aikaꞌiwat atipy piat e. Miꞌi tupono uimohey ehepiat pote eweikupteꞌen no meiũpe uiꞌyat piaria yatype mimiꞌin e mana Iritia Pauruꞌin me. Ihay awaĩ hawyi urutopyhuꞌat iꞌyat pe.