Iruka 9:12 - Sateré-Mawé

¹² Miꞌi hawyi wãtym i kape hemiitꞌin 12 ok takaria teꞌeroꞌe Iesui pe -Urumuꞌe hat etiꞌatupoꞌoro i ro miitꞌin sem tawa koꞌi kape itotiat iꞌatuket hamo iꞌewyte itote taꞌatupuẽti kuap taꞌatumiꞌu wuat koꞌi. Meiũpiat yahig wato totiat yt kat i pote iꞌatuꞌe.

Iruka 9:12 ပူးပေါင်းရင်းမြစ်များ

Mateu 14:13

Miꞌi hawyi Iesui tikuap taꞌyn Iuwãu etiat hawyi Iesui tuwẽtem iraꞌyn yara puo hawyi toto raꞌyn tuweran aikope miitꞌin yt uwe i hap kape. Maꞌato miitꞌin sem tikuap aiũpe toineꞌen hap hawyi tuwat raꞌyn typyꞌi kahato yi upi Iesui upi.

Mateu 15:23

Maꞌato Iesui yt tiwesat hin i miꞌi pote hemiitꞌin tokokaꞌat hewowi hawyi teꞌeroꞌe -Etipoꞌoro ro meiẽwat haryporia katupono ihay pirik kahato raꞌyn iꞌatuꞌe.

Mateu 15:32

Miꞌi hawyi Iesui tiꞌatukay kay temiitꞌin hawyi toꞌe iꞌatuepe -Taꞌi atiꞌatukyꞌe kahato meimewaria miitꞌin kat pote ti myẽꞌym eꞌat naꞌyn tukupteꞌen uiwywo meiũpe maꞌato yt kat i hin i iꞌatumiꞌu wuat koꞌi. Yt atiꞌatupoꞌoro teran hin i iꞌatuesyꞌat wywo katupono iꞌatuesyꞌat wywo neꞌi tuwat pote ti ren teꞌereꞌat iꞌatuperup neꞌi muap upi e.

Iruka 9:11

Maꞌato miitꞌin typyꞌi rakaria tikuap hawyi tuwat raꞌyn Iesui upi. Putꞌok iꞌatuꞌe hawyi waku kahato eiweꞌe e Iesui Iꞌatuepe hawyi toiꞌatumuꞌe kahato Tupana toineꞌen morekuatno hap ete. Iꞌewyte toiꞌatumoehãite kahato taꞌatumoehãite hap kyꞌesat haria.

Iruka 9:13

Mio tã iꞌatuꞌe hawyi Iesui toꞌe -Eweiꞌatupoi ro hesyꞌat rakaria e temiitꞌin me. Miꞌi hawyi -Mehin kurin kahato aimiꞌu mesuwe iꞌatuꞌe. Toineꞌen aimiꞌu 5 man typy pira yn wuatꞌi poi hamo yt putꞌok e kuap i iꞌatuꞌe. Sio apo etikyꞌesat urutuwat tawa kape miꞌu kyiꞌat poꞌog iwato hamo typyꞌi rakaria moenuk hamo iꞌatuꞌe.

Iuwãu 6:1

Mio tã toꞌe kahu hawyi toto raꞌyn Iesui yi Karireia hyemyiꞌa sakpo mekewat ihyemyiꞌa Tiperiati e hap het rakat sakpo.

Wiripu 1:19

Pyno waku ewehẽtup o aheTupana kape -Etihep o Pauru woꞌopyhik hap wyi eweiꞌe o are. Mio tã eweiꞌe pote atikuap arẽtem aru mesuwepyi morekuaria woꞌopyhik hap kaipyi are. Taꞌi atikuap aru Aipotypot Iesui tipoꞌoro Topaꞌãu uihep mesuwepyi hamo uiꞌapypok hamo are.