Iruka 8:8 - Sateré-Mawé8 Iraniaꞌin yi wakuat rote hewo hewo go tote e. Miꞌiria ti iꞌatuehãite kahato hawyi wẽtup sat kaipyi 100 iãꞌỹi tuwemoherep e. Pyno ehewaure kaꞌa pote iwanetup kahato o mesuwat uhehay iãꞌãkap puat uimienoi ape e Iesui miitꞌin sem me. အခန်းကိုကြည့်ပါ။ |
Iruka 8:8
25 ပူးပေါင်းရင်းမြစ်များ
Maꞌato mekewat iãꞌỹi hewo yi wakuat rotiaria ti tukupteꞌen aikotã miitꞌin ikuap Tupana ehay hawyi topyhuꞌat iꞌe hap ewy. Miꞌiria ti aikotã haat kahato rakaria ewy tukupteꞌen. Wẽtup kaipyi 100 toipuẽti hap ewy wẽtup ok kaipyi 60 hap saꞌawyꞌi wuat imikoi kai hap ewy hawyi iraniaꞌin 30 iãꞌỹi hap ewy toipuẽti saꞌawyꞌi wuat imikoi kai.
Miꞌi pote Tupana ehay yt tuwenug i e. Maꞌato mekewat yi wakuat upiat ti wẽtup ok wẽtup ok wanetup haria ewy e. Saꞌawyꞌi taꞌatuwanetup Tupana ehay kapiat hawyi taꞌatukyꞌesat kahato. Miꞌiria tuwenug naꞌyn e. Taꞌi aikotã wẽtup ok 30 saka hap ewy saꞌawyꞌi wuat wẽtup saka ewy toikoi hawyi. Miꞌi hawyi wẽtup ok 60 saka hap ewy tomikoi kaipyi toipuẽti hawyi wẽtup ok 100 saka hap ewy raꞌyn toipuẽti. Miꞌiria Tupana ehay pywo iꞌatuꞌe pote tuwenug kahato raꞌyn iꞌatuieineꞌen hap tote e Iesui topotmuꞌeria pe.
Maꞌato mekewat hãꞌỹi yi wakuat rotiat hewo rakaria wyti wẽtup ok wẽtup ok wanetup hat ewywuat e. Miꞌiria ti iꞌatupyꞌa piat yi wakuat ewywuat pote teꞌeruwanetup aat kaꞌap Tupana ehay kape hawyi yt taꞌatuwaure hin i maꞌato taꞌatuhytmoĩ kahato taꞌatupyꞌa pe Tupana ehay hawyi taꞌatunug naꞌyn Tupana mikyꞌesat ewy e. Miꞌi pote mikoi haat kahato rakat ewywuat teꞌeropyhuꞌat teꞌeruwenug kahato rakaria ewy e Iesui.
-Tupana uruikyꞌesat kahato tawa Korosi piaria Epaꞌãu eiam kahato wo eweꞌeg hamo iꞌewyte emikyꞌesat nug kuap hap urutoꞌe mesuwe uruhẽtup. Uruikyꞌesat miꞌiria aikotã iꞌyp iꞌywa kahato rakat ewy hewo hewo kahato hap ewy wyti uruikyꞌesat kahato miꞌiria Tupana urutoꞌe. Pyno uruikyꞌesat miꞌiria wakuap yn nug haria En ewy hap uruikyꞌesat. Iꞌewyte uruikyꞌesat ekuap hap ihatꞌok ewy ewy putꞌok e Esaꞌyru mohey haria ete urutoꞌe uruhẽtup Tupana pe.
-Pywo ti wuatꞌi uimohey haria pe mio tã e te Tupana Paꞌãu are aikotã areꞌe tawa Simina piaria pe hap ewy e. Waku ehewaure kaꞌa kahato Tupana Paꞌãu e hap uiwẽ pywiat e hap kape e torannia 7 Tupana motypot yat piaria pe. Uwe uwe ahiag miat toiãꞌãg hap akit hat topyhuꞌat tokuꞌuro hap kape miꞌi hat yt ikuꞌuro i typuat hap mekewat wuatꞌi eꞌat piat miitꞌin mosoꞌopot aat kaꞌap hap e Tupana Paꞌãu ahepe.
Uimohey haria ehewaure kaꞌa kahato ro kat som Tupana Paꞌãu toꞌe topotmuꞌeria pe Tupana motypot yat piaria pe yi Asia tote e. Ewetum no ehewaure kaꞌa Tupana Paꞌãu einapin hap kape e. Uimohey haria e pywo pe ti uimikoi ypia pe toineꞌen wẽtup uimikoi ywa pyꞌasetpe eimoieineꞌen wuatꞌi eꞌat piat hap e. Uwe uwe uimohey tokuꞌuro hap kape iꞌewyte uwe uwe topyhuꞌat ahiag potiãꞌãg hap akit hat tokuꞌuro hap kape miꞌi hat pe aru areꞌe -Waku etuꞌu ro uimikoi ypia ywa eimoieineꞌen wuatꞌi eꞌat piat hamo areꞌe aru e Tupana Paꞌãu ehepe e mekewat waikiru ipupiat rakat uimiwan nug hamuat tawa Ewesu piaria pe.
ကြော်ငြာတွေ