Iruka 8:54 - Sateré-Mawé

⁵⁴ Iesui teke raꞌyn ikuꞌuro rakat kape iwywuat pe hawyi toipopytyk taꞌyn hawyi toꞌe tehay pirik wo -Piꞌã epoĩꞌam no e.

Iruka 8:54 ပူးပေါင်းရင်းမြစ်များ

Mateu 9:25

Mio tã e Iesui hawyi tuwenoꞌẽ yne raꞌyn itote pyi hawyi Iesui teke raꞌyn mekewat akipy pe piꞌã hin ieineꞌen hap kape hawyi toipopytyk hawyi toimopoĩꞌam iraꞌyn piꞌã hin ikuꞌuro rakat.

Maku 1:31

Miꞌi hawyi toto raꞌyn hewowi. Putꞌok toꞌe hawyi toipopytyk taꞌyn hawyi meremo tokosap iꞌahuu hap. Tehãite meremo hawyi toteropat raꞌyn Iesuiꞌin.

Maku 8:23

Miꞌi hawyi Iesui tiꞌykesat ereto raꞌyn yt iha pytig i rakat tawa pyi. Miꞌi hap tote iha pe kuitu e raꞌyn hawyi totemig topo wo. Miꞌi hawyi apo e yt ihapytig rakat pe -Ereꞌakasa raꞌyn apo e.

Maku 9:27

Maꞌato Iesui timopoĩꞌam naꞌyn topo wo hawyi ipoĩꞌam waku raꞌyn hete.

Iruka 8:51

Miꞌi hawyi Iesui putꞌok e Iairu yat ete hawyi Iesui toꞌe miitꞌin sem me -Yt atikyꞌesat i miitꞌin typyꞌi poityꞌi ikuꞌuro rakat yatype e. Waku Peteru Iuwãu Tiaku iꞌewyte iꞌywot ity yn atikyꞌesat ikuꞌuro yatype e.

Iruka 8:53

Miꞌi pote wak haria toꞌokyryꞌi neꞌi Iesui ehay ete -Pywo ti rat ikuꞌuro sese hakiꞌyt iꞌatuꞌe.

Iruka 8:55

Miꞌi hawyi tuwehymut iraꞌyn hakiꞌyt ikuꞌuro rakat hawyi -Koitywy etopoi ro emepyt mana e.

Iuwãu 11:43

Miꞌi hawyi Iesui toꞌe tehay pirik wo -Irasaru erẽtem no e.

Iuwãu 5:21

Iꞌywot tiꞌatumoieineꞌen pakup i map haria. Miꞌi hap ewy ti Haꞌyru tiꞌatumoieineꞌen tomiꞌairoria koꞌi e.

Iesui Potmuꞌeria 9:40

Miꞌi hawyi Peteru toꞌe iꞌatuepe -Manaꞌin pywo ti rat atikuap taꞌyn e. Pyno uhehay teran Tupana wywo e. Pyno uiꞌatoiat mesuwe porapꞌi e. Tuwat hiwu koꞌi itote pyi hawyi Peteru tuwepỹꞌãtutuk hawyi toꞌe -Iesui e timoieineꞌen i ro mana Tapita e. Miꞌi hawyi tuwemorem iꞌokpuk takat kape hawyi toꞌe -Mana Tapita epoĩꞌam no guꞌuro pyi e. Miꞌi hawyi mehitꞌe raꞌyn mana Tapita hawyi tehaꞌat raꞌyn Peteru kape. Miꞌi hawyi mana Tapita tuweꞌãpeꞌokꞌam naꞌyn teꞌyni pyi.

Humanu 4:17

Mio tã e Tupana Aparãu me miwan me nimo te -Woronug aru wuatꞌi ywania ywot pot no e. Wuatꞌi ywania eꞌaseꞌi koro wo ereineꞌen aru uiꞌe hap ewy e. Atunug waku yne esaipepiaria uimohey haria eꞌewy e Tupana Aparãu me nimo te. Miꞌi hawyi toiwesat -Woromohey En paĩ e. Atimohey yne eꞌe hap -Atunug aru eꞌe hap atimohey e Aparãu Tupana pe. Atimohey kahato uikuꞌuro rakirẽ uimoieineꞌen kuap hat En hap e Aparãu. Atimohey kahato etunug kuap yne yne yt kat kawiat i hap atimohey e.