Iruka 8:40 - Sateré-Mawé

⁴⁰ Miꞌi hawyi Iesui tuweꞌysakpo iraꞌyn turan miitꞌin typyꞌi kahato toiꞌatupuẽti itote. Iꞌatuwepiit kahato katupono taꞌatuhekatup kahato Iesui putꞌok e hap.

Iruka 8:40 ပူးပေါင်းရင်းမြစ်များ

Mateu 9:1

Miꞌi hawyi Iesui teke raꞌyn yara pe hawyi taꞌaipok iraꞌyn yꞌy sakpo tetawa kape iraꞌyn.

Maku 12:37

-Kat poteĩ pyno Tawi emiariru yn topyhuꞌat Wuatꞌi Porekuat no eweiꞌe maꞌato Tawi toꞌe -Uikaꞌiwat ti toꞌe Uhekaꞌiwat pe e e Iesui. Miꞌi hawyi mio tã e Iesui pote ti Tupana motypot hawiaria -Taꞌi ihay se kahato ti Iesui iꞌatuꞌe raꞌyn toꞌope.

Maku 5:21

Miꞌi hawyi Iesui toto i raꞌyn temiitꞌin nywo yara puo yi Karireia hyemyiꞌa wato sakpo. Miꞌi hawyi putꞌok iꞌatuꞌe hawyi miitꞌin tõꞌẽ tõꞌẽ hewowi yẽpeke yi kyt hap upi.

Maku 6:20

Morekuat Eroti tikuap taꞌyn Iuwãu wakuat kahato hap. Miꞌi hawyi toikawiatno Iuwãu katupono morekuat tikuap teran Iuwãu ehay aikotã kahato hap. Toikuap hawyi ikenmuꞌe kahato tuwete.

Iruka 19:48

Miꞌi hawyi hewanikaptia tiꞌatukat kahato aikotã waku Iesui auka hap maꞌato yne itotiaria iꞌatupap kahato Iesui ehay upi pote yt taꞌatupuẽti i muap iꞌauka hamuat.

Iruka 19:6

Miꞌi hawyi meremo taꞌapyk hawyi iwepiit hap wywo -Pyno waku kahato ereineꞌen uiꞌyat pe e Iesui pe.

Iruka 5:1

Miꞌi hawyi wẽtup eꞌat pe miitꞌin sem tohik kahato raꞌyn Iesui pote yt tuwanetup kuap i Tupana ehay kape. Miꞌi pote tuweꞌysakpo mekewat yꞌy Kenesare hyemyiꞌa eꞌyẽpe kape.

Iruka 8:39

Maꞌato Iesui -Yt uhyt waku poꞌog eraꞌaipok eꞌyat kape hawyi ehenoi aikotã Tupana tunug ehetiat hap koꞌi. Mio tã e hawyi mekewat miit toto raꞌyn wuatꞌi tawa koꞌi kape hawyi tohenoi henoi raꞌyn tepiat Iesui minug koꞌi tetawa piaria pe toto. Miꞌi tote yne tawa piaria pe aikotã Iesui tunug tetiat hap tohenoi kahato.

Iuwãu 5:35

Taꞌi saꞌawyꞌi Iuwãu mienoi uhetiat ariãty ewy hẽtyhot yne e. Haꞌawyte ran eweikupteꞌen Iuwãu ehay upi ihay se kahato eweiꞌe saꞌawyꞌi.

Iesui Potmuꞌeria 10:33

Miꞌi hawyi meremo worokay kay uruewawi Tupana mikyꞌesat ewy e. Pywo ti rat waku kahato eriot hap mehin e. Miꞌi pote ti urutuwaꞌatunug kahato meiũpe mesup ehay kuap hamo mehin e. Iꞌewyte ti uruikuap taꞌyn Tupana toineꞌen meiũpe hap e. Miꞌi pote ehenoi ro uruepe aikotã som yne yne imikyꞌesat ewywuat hap e surara Kuneriu Peteru pe.