Iruka 8:29 - Sateré-Mawé

²⁹ Mio tã iꞌatuꞌe katupono Iesui tiꞌatusopo teran mekewat miit piit pyi ahiagnia pote. Saꞌawyꞌi ahiagnia topytyk tuereto mekewat miit ipiit ete hawyi hesoꞌok kahato tuereto. Iꞌewyte iraniaꞌin ipoꞌi poꞌi haity iheg rakatno pykai toiterek neꞌi. Iꞌewyte ipy ipo koꞌi taꞌatupoꞌi poꞌi pykai toiterek neꞌi hawyi ahiag tioto yahig wato kape.

Iruka 8:29 ပူးပေါင်းရင်းမြစ်များ

Maku 5:8

Miꞌi tã e katupono Iesui toꞌe raꞌyn paꞌãu saꞌag me -Erẽtem no meiũwat miit piit pyi e.

Iruka 8:28

Tehaꞌat Iesui kape hawyi tehay pirik wo tuwewahik yi totiat hawyi iwẽpapꞌi tehay pirik wo -Worokuap En Tupana Ywaitiat Ieineꞌen hat Saꞌyru En e. Kat aru etunug uhete e haty wo Iesui pe. Uhyt waĩ urusatyꞌi satyꞌi teiꞌo e ahiagnia miit piit pyi.

Iruka 8:30

Miꞌi hat pe Iesui toꞌe -Kat eĩ eset e tope. Miꞌi hawyi -Isem e rat uhet katupono saꞌawyꞌi ahiagnia typyꞌi kahato rakaria tuwehytꞌok uipiit pe pote hawyi miitꞌin uhetꞌok Isem Iꞌatuꞌe.

Iruka 9:39

Maꞌato maꞌãu saꞌag teke hawyi meremo uimepyt ihay pirik tuereto hawyi hesoꞌok kahato hawyi iwẽ inãpuk taꞌyn. Maꞌãu saꞌag tiꞌahyk ahyk kahato hawyi tuereto pote yt ipohep kuap i maꞌãu saꞌag uimepyt ete pyi.

Iruka 9:42

Miꞌi hawyi kurum putꞌok e Iesui etiat turan maꞌãu saꞌag teke iraꞌyn kurum piit pe hawyi maꞌãu saꞌag tipun tipun kahato raꞌyn yi tote. Miꞌi pote Iesui toꞌe maꞌãu saꞌag me -Erẽtem no maꞌãu saꞌag e. Mio tã e hawyi waku iraꞌyn kurum ete hawyi tohenoi iraꞌyn kurum iꞌywot pe.