Iruka 8:27 - Sateré-Mawé

²⁷ Hawyi tuwẽtem naꞌyn yara wato pyi turan putꞌok e raꞌyn hewowi wẽtup ok ahiagnia sem ipiit piat rakat tawa Kerasa piat ieineꞌen hat. Miꞌi ti yt toineꞌen kuap i towyriaꞌin wywo tetawa pe katupono ipyꞌahak kahato hawyi hesoꞌok tuereto pote. Miꞌi haype toineꞌen woꞌosyp hap tote yn yt tesokpe pe i.

Iruka 8:27 ပူးပေါင်းရင်းမြစ်များ

Mateu 4:24

Miꞌi hawyi yi Siria piaria tikuap taꞌyn Iesui misepap koꞌi. Miꞌi hawyi tõꞌẽ tõꞌẽ pya wuaria. Taꞌatuerut kahato iꞌahuu rakaria torannia hawyi Iesui tiꞌatumoehãite kahato ipiit heg nakaria maꞌãu saꞌag koꞌi mimoesoꞌok koꞌi ipo kĩꞌã rakaria ipy kĩꞌã rakaria ikuꞌuro kuꞌuro rakaria taꞌatuerut hewowi hawyi toiꞌatumoehãite yne raꞌyn.

Maku 5:15

Miꞌi hawyi teꞌeraꞌakasa mekewat miit Iesui yatype apyk pe raꞌyn waku i raꞌyn tuwepainug me raꞌyn toineꞌen yt kat i raꞌyn ahiagnia ipiit pe.

Iruka 8:26

Miꞌi hawyi yi Kerasa eꞌy sakpo putꞌok iꞌatuꞌe yi Karireia kaipyi hawyi yi Kerasa wã tote teꞌeruwehik taꞌyn.

Iruka 8:28

Tehaꞌat Iesui kape hawyi tehay pirik wo tuwewahik yi totiat hawyi iwẽpapꞌi tehay pirik wo -Worokuap En Tupana Ywaitiat Ieineꞌen hat Saꞌyru En e. Kat aru etunug uhete e haty wo Iesui pe. Uhyt waĩ urusatyꞌi satyꞌi teiꞌo e ahiagnia miit piit pyi.