Iruka 8:1 - Sateré-Mawé

¹ Miꞌi hawyi Iesui toto yne tawa koꞌi upi temiitꞌin 12 ok takaria wywo sehay wakuat enoi hamo. Aikotã Tupana topyhuꞌat irane Wuatꞌi Ywania Porekuatno hap tomohey hawyi hap moherep hamo raꞌyn yne tawa hit yne tawa watoꞌin koꞌi upi.

Iruka 8:1 ပူးပေါင်းရင်းမြစ်များ

Mateu 11:1

Miꞌi hawyi tohenoi henoi yne raꞌyn temiitꞌin 12 ok takaria pe aikotã waku taꞌatunug hamuat hap. Miꞌi hawyi Iesui toto iraꞌyn temiitꞌin wywo mekewat tawa pyi iraniaꞌin muꞌe hamo hawyi tohenoi henoi raꞌyn tehay miitꞌin me mekewat irania tawa koꞌi yt pya i itote pywiat rakaria kape.

Mateu 13:19

Pyno mekewat iãꞌỹi muap upiat hewo muap ẽpe upiat hewo rakat ewy wuat wyti karãpe miitꞌin teꞌeruwanetup Tupana ehay kape wen maꞌato yt toikuap i. Miꞌi ti aikotã muap ẽpe upiat iãꞌỹi ewy topyhuꞌat katupono miꞌi ti karãpe yt nakuap i putꞌok e raꞌyn hawyi toihep taꞌyn ipyꞌa pyi iãꞌỹi hap ewy e.

Mateu 4:23

Miꞌi hawyi Iesui toto i itote pyi yi wato Karireia piaria muꞌe hamo i raꞌyn. Toiꞌatumuꞌe kahato sehay wakuatno Tupana motypot yat pe. Iꞌewyte iꞌahuu rakaria toiꞌatumoehãite kahato aikotã aikotã iꞌatuꞌahuu rakaria toiꞌatumoehãite kahato itote.

Mateu 9:35

Miꞌi hawyi Iesui toto wuatꞌi tawa koꞌi kape miitꞌin muꞌe tehay wuat hamo. Iꞌewyte yne Tupana motypot yat pe teke iꞌatumuꞌe hamo. Toiꞌatumuꞌe kahato tehay wakuat ete. Iꞌewyte tohenoi henoi kahato toieineꞌen morekuatno hap yt pya i raꞌyn hap etiat. Iꞌewyte toimoehãite kahato torannia aikotã aikotã iꞌahuu rakaria.

Maku 1:39

Miꞌi hawyi toto i raꞌyn Iesui yi Karireia piat Tupana motypot yat piaria enoi hamo. Iꞌewyte itote turan toiꞌatusopo ahiagnia miitꞌin piit pyi.

Iruka 1:80

Miꞌi turan Iuwãu itag kahato raꞌyn hesaika kahato raꞌyn iꞌewyte ipiit esaika kahato raꞌyn iꞌewyte ihãite kahato. Miꞌi turan toineꞌen yahig wato tote karamuo toimoherep toꞌywania muꞌe hap kape.

Iruka 20:1

Wẽtup eꞌat pe Iesui toineꞌen Tupana motypot yat pe turan toiꞌatumuꞌe kahato itotiaria tehay wakuat Tupana etiat. Miꞌi turan putꞌok iꞌatuꞌe howawi paꞌi akag koꞌi miwan ehay enoi haria wywo iꞌewyte nagnia akag koꞌi wywo.

Iruka 4:18

Miꞌi ti toimowẽpap mio tã e hap -Uipotypot wyti hum topaꞌãu uhepe miꞌi ti uiꞌairo tehay wakuat enoi ihakyꞌeꞌi rakaria piat hamo. Iꞌewyte uipoꞌoro tehay enoi mipyhik koꞌi piat hamo. Iꞌewyte yt ihapytig i rakaria piat henoi hamo. Iꞌewyte mekewat miitꞌin mimohit koꞌi ehehakyeraꞌat hamo e.

Iruka 9:6

Mio tã e hawyi tuwat raꞌyn hemiitꞌin wuatꞌi miitꞌin piat sehay wakuat Iesui etiat enoi hamo. Iꞌewyte tuwat turan taꞌatumoehãite kahato wuatꞌi tawa puo iꞌahuu rakaria.

Iesui Potmuꞌeria 10:38

Miꞌi tote saꞌawyꞌi Tupana tum naꞌyn yne tesaika hap. -En ni Uimiꞌairo miitꞌin yne Ehakyeraꞌat hanuat e. Miꞌi pote woromoieineꞌen Uipaꞌãu Wakuat no e Tupana saꞌawyꞌi Iesui tawa Nasare piat pe e. Miꞌi hawyi hewyry kahato urumuꞌe hamo urumoehãite hamo uruwoꞌoewaku hamo wakuap yn nug hamo ahiagnia yne atusiu hamo katupono Tupana Paꞌãu Wakuat toineꞌen iwywo uhytꞌiꞌin manaꞌin e Peteru.

Iesui Potmuꞌeria 13:32

Uruto ti iꞌewyte henoi haria te e. Yt heso hin i ti Tupana saꞌawyꞌi aiꞌywania pe. Aikotã saꞌawyꞌi te Tupana toꞌe miꞌi hap ewy ti mesup tutunug naꞌyn e.

Humanu 10:15

Iꞌewyte yt watipoꞌoro i wẽtup ok iꞌatuepe Iesui ehay etiat iꞌatumuꞌe hamo pote yt karãpe i taꞌatukuap katupono yt uwe i henoi iꞌatupyꞌasetpe iꞌatumuꞌe hamo Tupana etiat pote yt taꞌatumohey kuap i. Miꞌi pote ti -Waku kahato uhehay wakuat moherep haria tukupteꞌen e Tupana. Ikahu kahato iꞌatupy koꞌi uiwanetup hawe katupono uhehay ereto hamuat iꞌatupy koꞌi e Tupana. Aikotã Tupana toꞌe hap ewy -Karãpe wẽtup ok toto uhehay moherep hamo iraniaꞌin kape uiwanetup hawe miꞌi miit wakuat kahato wo toineꞌen e. Ipy koꞌi iꞌewyte ikahuria ewy teꞌeropyhuꞌat uiwanetup hawe katupono iꞌatukohyewyry kahato uhehay moherep hamo pote e.