Iruka 7:6 - Sateré-Mawé

⁶ Miꞌi hawyi Iesui toto raꞌyn iꞌatuwywo maꞌato karãpe yt pya i raꞌyn toꞌyat kai hawyi surara akag Humanu tiꞌatupoꞌoro raꞌyn towyriaꞌin tehay enoi Iesui piat hamo. Mio tã e -Uikaꞌiwat yt eremoherep sese teiꞌo uhewowi katupono uhewaku hap wyti yt putꞌok e i uiꞌyat piat ereke hamo e.

Iruka 7:6 ပူးပေါင်းရင်းမြစ်များ

Mateu 20:28

Uito Eheykeꞌet wuatꞌi miitꞌin eropat hat kahato areineꞌen wuatꞌi miitꞌin powyro hat e. Uito Eiporekuat koro areineꞌen wen maꞌato yt iraniaꞌin morekuaria ewywuat i. Iꞌewyte atum irane uheineꞌen hap saꞌup miitꞌin kyiꞌat Tupana watnuat hamo e Iesui topotmuꞌeria pe.

Mateu 3:11

Uito ti worohoꞌosetꞌok yꞌy wo neꞌi. Urutoiat yne raꞌyn uruminug saꞌag yt nakuat i hap koꞌi eiꞌe moherep hap. Maꞌato Uhaipe piat tuut rakat wyti aru ehetꞌok Tupana Paꞌãu wakuatno raꞌyn iꞌewyte aria wo raꞌyn. Taꞌi miꞌi miit ri poꞌog poꞌog uikawiat wakuat are e. Uiat uhewaku hap ti yt putꞌok e hin i hemiit ipysei hamo ipy sokpe pag hamo e.

Maku 5:24

Miꞌi hawyi toto Iesui Iairu upi. Maꞌato mekewat typyꞌi rakaria tuwat yne hupi. Miꞌi hawyi muap upi taꞌatupyhuhik neꞌi Iesui.

Iruka 5:8

Miꞌi hap kape Simau Peteru taꞌakasa hawyi tuwepỹꞌãtutuk Iesui kape hawyi toꞌe -Uikaꞌiwat waku erepik uiꞌyatype pyi katupono uito areineꞌen iꞌaparap kahato hat pote e.

Iruka 7:4

Miꞌi hawyi tuwat raꞌyn Iesui kape hawyi taꞌatupuẽti raꞌyn hawyi taꞌatuhenoi raꞌyn kat hamo tuwat Iesui kapiat hap hawyi mio tã iꞌatuꞌe -Pyno waku etipowyro mekewat surara akag katupono waku rakat. Miitꞌin mimotypot wo toineꞌen iꞌatuꞌe.

Iruka 7:5

Kat pote miꞌi ti aiꞌywania powyro kahato hat iꞌatuꞌe. Tutunug naꞌyn aiwat aiwoꞌomuꞌe hap yat koro iꞌatuꞌe.

Iruka 7:7

Maꞌato waku wẽtup ehay wo yn pykai etimowaku kuap kahato raꞌyn uhemiit hat e.

Iruka 8:49

Miꞌi turan Iesui piat henoi imoehãite hap turan putꞌok e wẽtup ok Iairu yat kaipyi. Miꞌi toꞌe Iairu piat henoi hamo. -Uhyt e ikuꞌuro sese raꞌyn wyti esakiꞌyt e. Pyno yt kan hamo i wahenoi poꞌog aimuꞌe hat Iesui pe e.

Iesui Potmuꞌeria 10:38

Miꞌi tote saꞌawyꞌi Tupana tum naꞌyn yne tesaika hap. -En ni Uimiꞌairo miitꞌin yne Ehakyeraꞌat hanuat e. Miꞌi pote woromoieineꞌen Uipaꞌãu Wakuat no e Tupana saꞌawyꞌi Iesui tawa Nasare piat pe e. Miꞌi hawyi hewyry kahato urumuꞌe hamo urumoehãite hamo uruwoꞌoewaku hamo wakuap yn nug hamo ahiagnia yne atusiu hamo katupono Tupana Paꞌãu Wakuat toineꞌen iwywo uhytꞌiꞌin manaꞌin e Peteru.

Tiaku 4:10

-Ehamo Tupana aremoti kahato uipyꞌa pe paa e hap wywo watoꞌe. Pywo pe pote Tupana mimotypot sese koꞌi watopyhuꞌat wuatꞌi eꞌat pe wuatꞌi ehamo.

Tiaku 4:6

-Atiꞌatumoesaika kahato waure wuat gupteꞌen haria pe. Miꞌiria pe atum neꞌen kahato wakuap miꞌiria pe maꞌato iraniaꞌin me -Uito poꞌog e haria ewanikap wo areineꞌen e Tupana ahepe. Uhegyiꞌat hap poꞌog atum paa e haria pe e Tupana ahepe.