Iruka 7:41 - Sateré-Mawé

⁴¹ Miꞌi hawyi Iesui toꞌe Simau me -Toineꞌen typy ok miit weteweru taꞌatumipuru tineiru upiat haria. Maꞌato wẽtup ok wyti ipuru iꞌatuepiat hat toineꞌen. Wẽtup ok wyti tuwetuweru 500 a parata kapiat. Maꞌato wẽtup ok wyti 50 a parata kapiat yn.

Iruka 7:41 ပူးပေါင်းရင်းမြစ်များ

Mateu 18:28

Miꞌi tã e hawyi mekewat ipotpap nug hat toto raꞌyn hawyi teke tetereropat haria kape. Miꞌi turan wẽtup ok toineꞌen weteweru hat 100 iꞌape parata kawiat hawyi totat temiit hutꞌypy ete hawyi toꞌe -Ehaꞌup nug no eweterut uhepiat hap e.

Mateu 6:12

Tupana waure wo ereineꞌen uruminug yne yt naku i hap koꞌi kai aikotã uruto urutukupteꞌen waure wo miitꞌin yt naku i nug uruetiat hap kai hap ewy

Maku 6:37

Maꞌato Iesui tiꞌatuwesat -Pyno waku eipe eweiꞌatupoi o e. Miꞌi hawyi taꞌatuwesat -Aikotã etikyꞌesat Mehin miitꞌin sem poi hap iꞌatuꞌe. Etikyꞌesat man iwato watikyiꞌat miitꞌin miꞌu wo iꞌatuꞌe. Katupono 200 a ahetineiru yn waku iꞌatupoi saꞌup mo iꞌatuꞌe. Karania ewaty motpap hap upi miꞌi tã hap ewy puẽti hamo iꞌatuꞌe.

Iruka 11:4

Uruiꞌaparap kahato ewowi Tupana miꞌi pote uruhẽtup kahato ewowi waure wo ereineꞌen uruminug saꞌag koꞌi ete hap waku eweiꞌe e. Tukupteꞌen kahato urumaꞌat haria uruetiat iꞌaparap haria. Miꞌi hap saꞌag koꞌi ete waure wo teran urutukupteꞌen haype aikotã En ereineꞌen waure wo eetiat uruꞌaparap hap koꞌi kai hap ewy waku eweiꞌe. Mesuwat eꞌat pe iꞌatu kahato uruiãꞌãg ahiag ehay wo yt naku i nug hamo miꞌi pote uruporeroto uruiãꞌãg hap sakpuo urukosap hamo waku eweiꞌe e.

Iruka 12:48

Maꞌato heropat hat yt ikuap i kahato kat som tokaꞌiwat mikyꞌesat hawyi miꞌi hat yt inug i tokaꞌiwat mikyꞌesat ewy yt toikuap i pote. Miꞌi hat iꞌewyte ikaꞌiwat tiꞌpok pok aru maꞌato yt kahato i aikotã toipok pok teropat hat ikuap hat oktan. Maꞌato uwe toineꞌen imikuap mo aikotã tokaꞌiwat mikyꞌesat ewy kuap hamuat miꞌi kaipyi ti tokaꞌiwat poꞌog wakuat nug hap koꞌi toikyꞌesat.

Iruka 13:4

Taꞌi saꞌawyꞌi sese 18 surara topap yne taꞌatuꞌyat nu kawiat ywaiti rakat taꞌat iꞌatuepiit ete hawyi yt nakuaria i pote eweiꞌe. Taꞌi poꞌog tawa Ierusarẽi miaria kai yt naku i nug haria miꞌiria pote Tupana tiꞌatumoma yne eweiꞌe eiwoꞌope.

Iruka 7:40

Miꞌi hawyi Iesui tikuap woꞌonapin hat wanetup hap hawyi toꞌe woꞌonapin hat pe -Pyno toineꞌen wyti wẽtup uiꞌe epiat hap e Mio tã e pote -Ehenoi ro uimuꞌe hat e Simau.

Iruka 7:47

Pyno atimoherep epe mekewat haryporia timoherep wyti iwato kahato woꞌokyꞌe hat. Maꞌato uwe imohãpyk kurin kat yn iꞌaparap hap miꞌi hat wyti imoherep kurin yn woꞌokyꞌe hap.

Humanu 3:23

Katupono yne ywania yne miitꞌin yt naku i nug haria tukupteꞌen. Katupono yne miitꞌin yt Uito ewy hin i iꞌatuewaku hap ete are e Tupana ahepiat.

Humanu 5:20

Miꞌi hawyi nimuaria Tupana ehay moherep haria timoherep kahato kat som Tupana tikyꞌesat kat som yt hap. Miꞌi hawyi poꞌog saꞌag nug haria wo te teꞌeropyhuꞌat saꞌawyꞌi te wuat kai katupono iꞌatu kahato Tupana waĩꞌe hap putꞌok e hawyi iꞌaparap kahato hap topyhuꞌat. Katupono yt watunug i pote miꞌi kaipyi hotꞌokꞌe raꞌyn ahete yt nakuap i kahato aito hap. Miꞌi pykai aikyꞌe teran katupono Tupana aikyꞌe hap poꞌog hesaika aiminug saꞌag kai.