Iruka 7:40 - Sateré-Mawé

⁴⁰ Miꞌi hawyi Iesui tikuap woꞌonapin hat wanetup hap hawyi toꞌe woꞌonapin hat pe -Pyno toineꞌen wyti wẽtup uiꞌe epiat hap e Mio tã e pote -Ehenoi ro uimuꞌe hat e Simau.

Iruka 7:40 ပူးပေါင်းရင်းမြစ်များ

Mateu 26:49

Miꞌi hawyi putꞌok toꞌe hawyi tokosap Iesui kape hawyi toꞌe -Wãtym Uimuꞌe hat e. Miꞌi hawyi ti toiꞌãpysig naꞌyn.

Mateu 7:22

Mekewat wehytꞌok hap eꞌat pe ti aru typyꞌi kahato miitꞌin teꞌeroꞌe uhepe -Uikaꞌiwat waku kahato En miꞌi pote esaikap wywo neke uruhenoi henoi kahato ehay miitꞌin me Tupana iꞌatuꞌe aru. Iꞌewyte teꞌeroꞌe aru eset no neke uruisopo maꞌãu saꞌag miitꞌin piit pyi iꞌatuꞌe. Iꞌewyte urutunug kahato neke yt uwe minug kuap i ewywuat koꞌi iꞌatuꞌe aru.

Iruka 18:18

Miꞌi hawyi wẽtup ok Iuteuria ywania akag hekat kahato rakat apo e Iesui pe -Uimuꞌe hat wakuat e kat som waku atunug uheineꞌen wuatꞌi eꞌat piat hap puẽti hamo e.

Iruka 5:22

Mio tã iꞌatuꞌe taꞌatuwanetup hawiat hap Iesui tikuap hawyi toꞌe -Kat poteĩ mio tã eweiꞌe eiwanetup hawe.

Iruka 5:31

Mio tã iꞌatuꞌe pote Iesui tiꞌatuwesat -Uweꞌin ihãite rakaria ti yt ikat i mohag nug hat maꞌato iꞌahuu rakaria yn wyti ikat mohag nug hat e.

Iruka 6:8

Maꞌato Iesui tikuap iꞌatuwanetup hap hawyi toꞌe mekewat miit ipokiã rakat pe -Epoĩꞌam no hawyi waku ereineꞌen yꞌam me miitꞌin pyꞌasetpe. Mio tã e hawyi mekewat miit ipoĩꞌam naꞌyn.

Iruka 7:39

Miꞌi hap kape woꞌonapin hat tehaꞌat hawyi mio tã e tuwanetup hawe -Sio meiẽ miit Tupana ehay moherep hat pote ren toikuap uwe meiẽ haryporia hap. Katupono uwe hemig meiẽwat miit miꞌi hat wyti iꞌaparap kahato hatno toineꞌen e tuwanetup hawe.

Iruka 7:41

Miꞌi hawyi Iesui toꞌe Simau me -Toineꞌen typy ok miit weteweru taꞌatumipuru tineiru upiat haria. Maꞌato wẽtup ok wyti ipuru iꞌatuepiat hat toineꞌen. Wẽtup ok wyti tuwetuweru 500 a parata kapiat. Maꞌato wẽtup ok wyti 50 a parata kapiat yn.

Iuwãu 13:13

Pyno urumuꞌe hat uruporekuat no En eweiꞌe ti uhepe e. Taꞌi Miꞌi ti Uito are. Uito ti Eipotypot Uito ti eimuꞌe hat e.

Iuwãu 16:19

Miꞌi hawyi Iesui tikuap apo iꞌatuꞌe teran tepiat hap miꞌi pote toꞌe -Uiwyriaꞌin apo eweiꞌe teran apo aipok wo Uiꞌywot kape areto e hap ete. Pyno ahenoi raꞌyn ehepe ehepiat ikuap hamo e.

Iuwãu 16:30

Koitywy ti uruimohey raꞌyn En wuatꞌi kuap yne hat iꞌatuꞌe. Miꞌi hawyi pyno yt apo urutoꞌe i raꞌyn epe uwe En hap ete katupono mesup uruimohey raꞌyn Tupana Mipoꞌoro sese En hap iꞌatuꞌe.

Iuwãu 3:2

Miꞌi ti wãtym muo Nikutemu toto Iesui kape. Putꞌok e Iesui ete hawyi toꞌe tope -Urumuꞌe hat e ewat eminug wakuap koꞌi yt uwe misepap ewy i raꞌyn e. Miꞌi pote uruikuap Tupana epoꞌoro urumuꞌe hamo hap mehin e. Miꞌi pote uruikuap Tupana toineꞌen ewywo kahato Mehin e Iesui pe.