Iruka 7:13 - Sateré-Mawé

¹³ Miꞌi hawyi Iesui tehaꞌat hawyi toimohaty kahato topyꞌa pe hawyi toikyꞌe kahato hawyi toꞌe -Yt erewak teiꞌo mana e

Iruka 7:13 ပူးပေါင်းရင်းမြစ်များ

Maku 8:2

Miꞌi hawyi temiitꞌin me toꞌe raꞌyn -Uimimuꞌeria meiũpiaria ti myẽꞌym eꞌat pe raꞌyn myẽꞌym wãtym naꞌyn uhupi uhehay kuap hamo e. Miꞌi pote ti yt kat i raꞌyn topyhuꞌat iꞌatumiꞌu wuat e.

Iruka 10:1

Wẽtup eꞌat Iesui tiꞌatuꞌairo iraniaꞌin 70 ok temiitꞌin wo Miꞌiria ti toiꞌatupoꞌoro typy ok tuereto teꞌyian me yne tawa koꞌi kape aikowo toto teran hap tawa koꞌi upi.

Iruka 11:1

Wẽtup eꞌat pe Iesui toto tehay teran Tupana wywuat hamo. Miꞌi hawyi ihay kahato Toꞌywot wywo hawyi wẽtup ok ipotmuꞌe hẽtup Iesui pe -Uruporekuat urumuꞌe ro En Tupana kapiat Tupana wywuat uruehay hamuat hap ete e. Aikotã ahetꞌok hat Iuwãu tiꞌatumuꞌe topotmuꞌeria hap ewy e katupono uruikyꞌesat En ewywuat uruehay Tupana wywuat hap e.

Iruka 11:39

Miꞌi hawyi Iesui toꞌe -Pywo pe ti eheko ewy ewetunug kahato. Iraniaꞌin teꞌerehaꞌat hawyi waku kahato eiperia iꞌatuꞌe. Yt eweiwaure hin i eiposei hamo iꞌewyte eheparatu koꞌi ehekuiꞌa koꞌi eweikoho kahato raꞌyn wen maꞌato miꞌi pykai eweikupteꞌen aikotã kuiꞌa okpe ete yn eweikoho hap katupono waku eiminug iraniaꞌin teꞌerehaꞌat turan maꞌato eipyꞌa pe ipit pit hap yn toineꞌen.

Iruka 12:42

Miꞌi hawyi Iesui tiwesat -Pyno Uito apo are -Uwe toineꞌen wyti aru uheropat haria sese wo uiꞌyat piaria apykok hamo. Pywo uwe toineꞌen uiꞌyat piaria apykok hamo tokaꞌiwat tuut turan miꞌi ti topyhuꞌat netap kaꞌiwat mipoityro wo. Taꞌi tohekatup haria pe iꞌatueropat hatno wo toineꞌen wyti aru iꞌatupoi hamo e.

Iruka 13:15

Miꞌi hawyi Iesui tiwesat -Typy hẽku rakat neꞌi wyti en e. Yne eꞌat pe eweterepoꞌok eihũria iꞌatumoeꞌyꞌu hap kape e Iesui Tupana motypot yat apykok hat pe.

Iruka 17:5

Miꞌi hawyi 12 ok takaria ipotmuꞌeria tõꞌẽ Iesui ewowi hawyi teꞌeroꞌe Iesui pe -Urukaꞌiwat uruimohey wen maꞌato uruikyꞌesat poꞌog urumohey mowato hamuat hap uruikyꞌesat iꞌatuꞌe.

Iruka 17:6

Miꞌi tã iꞌatuꞌe pote Iesui tiꞌatuwesat -Uiwyriaꞌin watomohey Tupana pote tutunug yne. Eimimohey yt iwato hin i Mutata pykai mekewat ariaꞌyp kape -Ewehep to yi pyi hawyi yꞌy piat pe ewekoi raꞌyn eweiꞌe pote eiꞌe hap ewy topyhuꞌat.

Iruka 18:6

-Pyno eiwewanetup to mekewat hiwu miẽtup uhehay iãꞌãkap Miꞌi hawyi Iesui toꞌe -Eiwewanetup to mekewat uwe waku uwe waku ehay kape e.

Iruka 19:8

Miꞌi hawyi Iesui toto mekewat muap pyhyp hat upi toꞌyat kape. Putꞌok iꞌatuꞌe itote hawyi teꞌerenuk hawyi Sakeu Iꞌam me toineꞌen Iesui pe toꞌe hamo -Uikaꞌiwat e ipatꞌok uhekat yne ti rat atimoꞌẽ mesup yt hekat i rakaria pe e. Iꞌewyte uwe uwe uimimaꞌat haria pe tukupteꞌen atimohãpyk kahato uimimaꞌat hap etiat e. Pywo ti rat miitꞌin ekareꞌen pyhyp hap koꞌi miitꞌin maꞌat hap koꞌi atum mesup iꞌatuepe e. Wẽtup hyt uꞌi atat uimipohari pote poꞌog atum 4 hyt uꞌi atiporeraꞌaipok tuwewawi e. Pywo uwe uimimaꞌat haria uheso hap kaipyi atum wyti aru 4 poꞌog uimipohari hap kai e Iesui pe Sakeu.

Iruka 22:61

Miꞌi hawyi Iesui tuwemorem Peteru ewowi hawyi ihaꞌat kahato howawi hawyi Peteru paa e kahato katupono Iesui mienoi hotꞌokꞌe raꞌyn tuwanetup hawyi Iesui e hap saꞌawyꞌi wuat -Mesuwat ewãtym waipaka ehay owakai te myẽꞌym mo -Yt atikuap i Miꞌi Miit ereꞌe aru uhepiat e hap kape Peteru tuwanetup hawyi paa e.

Iruka 24:3

Miꞌi hawyi Iesui emiitꞌin haryporia kawiat tuwehytꞌok taꞌyn woꞌosyp hawe mekewat yi kaꞌa pe hawyi maꞌato Iesui piit yt taꞌatupuẽti hin i itote.

Iruka 24:34

Putꞌok iꞌatuꞌe hawyi itotiaria teꞌeroꞌe typy ok takaria pe -Pywo pe ti rat tuwẽtem naꞌyn Aikaꞌiwat Iesui katupono tuwemoherep taꞌyn mesup Simau me iꞌewyte uhepe e.

Iruka 7:12

Karãpe yt pya i raꞌyn tawa eꞌokenꞌypy tote putꞌok iꞌatuꞌe hamuat turan tõꞌẽ raꞌyn mekewat hiwu mepyt wẽtup ok takat syp hamo. Miꞌi turan tuwat typyꞌi kahato tawa piaria ity upi.

Iruka 7:14

Hawyi tokosap taꞌyn hewowi hawyi totemig naꞌyn heiam hereto turan hawyi teꞌeropyhuꞌat raꞌyn hereto haria hawyi Iesui toꞌe -Pyno epoĩꞌam no kurum e.

Iruka 7:19

Miꞌiria ti toiꞌatupoꞌoro raꞌyn tokaꞌiwat Iesui piat apo iꞌatuꞌe hamo. -Urukaꞌiwat apo En tuut hamuat wyti e hap taꞌyn apo En iꞌatuꞌe sio poꞌog wẽtup ok te uruhekatup iꞌatuꞌe hamo.

Iruka 8:52

Teke hawyi Iesui tiꞌatupuẽti itote miitꞌin wak haria hakiꞌyt ikuꞌuro pote teꞌeruwak taꞌatueko ewy. Miꞌiria pe Iesui toꞌe -Yt eweiwak teiꞌo e eipoꞌinik to e. Yt ikuꞌuro i rat maꞌato toket neꞌi rat e.

Iuwãu 11:2

Mekewat Maria ti Iesui py koꞌi pen mohag hy hekat rakat wuat hat hawyi toimogag ipy koꞌi toꞌasap wywo rakat. Miꞌi Maria kywyt ti iꞌahuu kahato toineꞌen.

Iuwãu 11:3

Miꞌi hawyi mana Mata iꞌewyte mana Maria teꞌeruwehaypoꞌoro Iesui kape -Mimi iꞌatuꞌe urukywyt emikyꞌe kahato wyti iꞌahuu kahato teꞌerehay poꞌoro.

Iuwãu 20:13

Miꞌi hawyi miꞌiria teꞌeroꞌe mana Maria pe -Kat pote kahu erewak mana iꞌatuꞌe. -Yt uwe i raꞌyn uikaꞌiwat tosyp hawe pote an arewak e. Taꞌatueroꞌok taꞌyn sig an Uikaꞌiwat piit hawyi yt atikuap i raꞌyn aikope mio taꞌatupag ipiit hap pote an arewak e.

Iuwãu 20:15

Miꞌi pote -Kat pote kahu erewak mana e uwe kahu etikat e. Mikoi kaꞌiwat sio e yn tuwanetup hawe miꞌi hawyi toꞌe -Aikope kahu etioto mesuwiat piit mimi e. Ehenoi uhepiat pote ten atat iraꞌyn e.

Iuwãu 4:1

Miꞌi hawyi nagnia ehay enoi haria Wariseuria koꞌi tikuap taꞌyn Iesui potmuꞌeria poꞌog miitꞌin setꞌok haria wo Iuwãu kai.

Iuwãu 6:23

Miꞌi hawyi tõꞌẽ poꞌog yara puo aikope saꞌawyꞌi Iesui tiꞌatupoi man wo hap kape. Aikope waku e Tupana pe hap kape tõꞌẽ tõꞌẽ tawa Tiperiati kaipyi.

1 Kuriniu 7:30

Eiweꞌeg wo o ehekareꞌen wywo katupono yne mesuwarotiat ahekat yt toineꞌen motꞌi i. Karãpe watat ipakup takat ahekareꞌen hawyi yt naku i watoꞌe aipyꞌa pe -Mio uito poꞌog iraniaꞌin kai katupono uhekat poꞌog ikahu iraniaꞌin kai yt naku i watoꞌe. Waku watuwehum Tupana miium kape wen maꞌato yt naku i watomohey neiꞌo ahekat. Tupana kape yn waku watuwehum ahekat aipo pe hawyi. Waku watunug Tupana mikyꞌesat ewy sio imikyꞌesat aimikyꞌesat sio yt sio imikyꞌesat aimowepiit sio yt. Waku watunug imikyꞌesat sio watuwak sio yt katupono aiwak hap tokosap hawyi poꞌog aimowepiit hap toineꞌen.

1 Tesaronika 4:13

Uruwyriaꞌin uruikyꞌesat eweikuap kahato pywuat sehay aikotã ikuꞌuro rakaria tukupteꞌen hamuat hap. Yt uruikyꞌesat i eweikupteꞌen Iesui mohey ran haria wo neꞌi katupono taꞌatuwy kuꞌuro pote toꞌokakꞌi kahato -Yt karãpe i raꞌyn aru wataꞌakasa aiwy kape taꞌatuehaype.

Epereu 2:17

Miꞌi hawyi tuweꞌywãꞌĩ miit no tuwemoherep. Miit kahato no raꞌyn topyhuꞌat. Miꞌi tupono waku kahato Miit Miꞌi hat. Tuwemoehakyꞌeꞌi tuwewi aikawiatno hatno Ahepaꞌi Koro topyhuꞌat pote tohaꞌup nug naꞌyn aiminug saꞌag Tupana pe. Tutuꞌu yne aiꞌapiheg hap koꞌi hawyi aiwywo topyhuꞌat. Iꞌywot Tupana waure wo topyhuꞌat aiminug saꞌag koꞌi kai koitywy. Yt karãpe i aimaꞌat hatno topyhuꞌat iꞌewyte yt karãpe i Toꞌywot maꞌat hatno topyhuꞌat. Miꞌi pote Ahepaꞌi sese Miꞌi.

Epereu 4:15

Katupono Ahepaꞌi Tupana wywuat ihay aikawiatno hat yt mesuwarotiaria yt ewy hin i. Karãpe ahete ahatek hap putꞌok e hap haty hap topyhuꞌat hawyi toikuap kahato katupono Miꞌi Paꞌi hatyꞌu kahato satek hap saꞌawyꞌi tuwete. Iꞌewyte yt ahesaika i hap toikuap kahato katupono saꞌawyꞌi mesuwe aiꞌewy tohãꞌãg tosero hap mesuwat yi tote. Saꞌawyꞌi hãꞌãg ahiag kaipywiat hap toikuap kahato yt naku i nug hamuat hap katupono ahiag hãꞌãg kahato Iesui yne yt naku i nug hamuat katupono Iesui aipiit puꞌi ewywuat kawiat sese Ahepaꞌi Koro hawyi yne toiãꞌãg ahiag miat hap toikuap maꞌato yt taꞌat i tomaꞌat hap upi. Taꞌi Aikaꞌiwat no kahato ti Ahepaꞌi toineꞌen. Karãpe yt naku i hap ahete pote aikawiatno hamo topyhuꞌat aipowyro kahato ahiag sopo hamo.