Iruka 5:21 - Sateré-Mawé

²¹ Mio tã toꞌe pote iraniaꞌin wanꞌi wanꞌi e haria Iꞌewyte woꞌonapin haria teꞌeroꞌe toꞌope -Uweĩ pyno meiẽ miit iꞌatuꞌe. Ihay saꞌag kahato Tupana ete iꞌatuꞌe. Yt uwe kuap i rat imohãpyk kuap aiminug saꞌag katupono Tupana yn wyti hesaika aiminug saꞌag moweityk hamo iꞌatuꞌe.

Iruka 5:21 ပူးပေါင်းရင်းမြစ်များ

Mateu 26:65

Mio tã e pote paꞌi koro tuwekamisa wato hiot hawyi toꞌe i -Taꞌi heso kahato ti Tupana ete tuwepehik pehik topyꞌahak haype e. Pyno koitywy watikuap kahato raꞌyn sese heso hap. Taꞌi tuwekuasa kahato raꞌyn ti tehay wo. Ahehamo kahato raꞌyn tuwemaꞌat sese raꞌyn. Pyno watikuap taꞌyn koitywy. Toran naꞌyn ahehay e paꞌi koro iraniaꞌin me.

Mateu 9:3

Miꞌi turan iraniaꞌin woꞌonapin kuap sese haria teꞌeroꞌe teꞌeruwanetup hawe. -Taꞌi meiẽwat miit wyti ihay saꞌag kahato Tupana ete iꞌatuꞌe taꞌatupyꞌa pe.

Iruka 3:8

Waku eiwemoherep yne eiminug yt naku i hap koꞌi hawyi waku rakaria wo eweikupteꞌen. Eiperia ti uruto ti Aparãu emiariruꞌin eweiꞌe maꞌato miꞌi pykai Tupana tunug kuap nu Aparãu emiariruꞌin wo.

Iruka 5:17

Wẽtup eꞌat pe Iesui tiꞌatumuꞌe iraniaꞌin woꞌomuꞌe haria iꞌewyte iraniaꞌin woꞌonapin haria. Miꞌiria tukupteꞌen yt pya hin i iꞌywyt pe. Iꞌewyte tõꞌẽ kahato iraniaꞌin tawa koꞌi yi Karireia piat kaipyi iꞌewyte yi Iuteia piat kaipyi iꞌewyte tawa Ierusarẽi kaipyi. Mekewat eꞌat pe toineꞌen kahato Tupana esaika hap Iesui ete miitꞌin moehãite hamuat.

Iruka 5:22

Mio tã iꞌatuꞌe taꞌatuwanetup hawiat hap Iesui tikuap hawyi toꞌe -Kat poteĩ mio tã eweiꞌe eiwanetup hawe.

Iruka 7:49

Mio tã e hawyi mekewat yparakai ywyt piat apyk haria apo iꞌatuꞌe raꞌyn toꞌope -Uweĩ pyno meiẽ aiminug saꞌag moweityk kuap hat apo iꞌatuꞌe toꞌope.

Iuwãu 10:33

-Yt eminug wakuap koꞌi poꞌypyi i ti uruiꞌauka teran En iꞌatuꞌe maꞌato eꞌe hap poꞌypyi iꞌatuꞌe. En ni miit kawiat neꞌi maꞌato ti ewewi erenug Tupana wo iꞌatuꞌe.

Humanu 8:33

Koitywy Tupana toꞌe ahetiat -Yt kat i saꞌag atipuẽti Uhaꞌyru mohey haria kai uiwanetup hawe e katupono uimiꞌairoria kahato miꞌiria e Tupana. Yt kan hamo i iraniaꞌin teꞌeroꞌe uhepe -Yt naku i kahato Esaꞌyru mohey haria katupono miꞌiria ti uimimoewaku koꞌi sese e Tupana ahepiat.