Iruka 5:14 - Sateré-Mawé

¹⁴ Miꞌi hawyi Iesui toꞌe tomioehãite pe -Yt uwe pe teiꞌo ehenoi emoehãite uhepiat hap e. Maꞌato waku ereto paꞌi koro kape ewepiok hamo sio waku raꞌyn epihi tokãꞌã sese raꞌyn hap kuap hamo. Ereto hawyi waku etum ehũ Tupana motypot hamo aikotã Muisei e hap ewy.

Iruka 5:14 ပူးပေါင်းရင်းမြစ်များ

Mateu 10:18

Iꞌewyte yt iwese i epiat rakaria ti aru ehereto morekuaria po piat eipag hamo. Maꞌato morekuaria po piat raꞌyn eweikupteꞌen turan waku ehehay uhehay wo. Waku eweiꞌatumuꞌe yt Iuteuria yn i uhehay wo.

Mateu 12:16

Miꞌi hawyi toiꞌatupoꞌoro raꞌyn toran toꞌe iꞌatuepe -Yt uwe pe teiꞌo ewehenoi uwe uito e hap e.

Mateu 8:4

Miꞌi hawyi Iesui toꞌe -Pyno erewanetup uhehay kape uhyt. Pyno yt uwe pe teiꞌo ehenoi uiminug etiat e maꞌato waku ereto ro paꞌiria kape hawyi waku ehenoi ro paꞌiria kape. Miꞌi kaipyi ti aru ekuap taꞌyn wuatꞌi miitꞌin ehãite raꞌyn hap etiat e. Pyno waku ereto hawyi waku etum Tupana motypot hamuat aikotã Muisei mienoi ewy.

Mateu 9:30

Miꞌi hawyi meremo iꞌatuehapytig naꞌyn hawyi Iesui tiꞌatunapin -Uhytꞌiꞌin yt uwe pe teiꞌo ewehenoi uiminug eimoehapytig hap e haty wo tomimoehãite koꞌi pe.

Maku 1:44

Waku ereto ro paꞌiria kape hawyi etomoherep to iꞌatuepe emog uhepiat hap. Miꞌi hawyi aikotã ahaꞌaseꞌi Muisei ainapin hap ewy etum emiium hawyi iraniaꞌin emoehãite hap taꞌatukuap taꞌyn e.

Maku 6:11

Maꞌato tawa piaria yt iꞌatuwese i ehete yt teꞌeruwanetup teran i eimienoi uhetiat kape miꞌi pote eweiwat i raꞌyn iꞌatuetawa pyi e. Eiwenoꞌẽ hamo waku meiẽwat tawa sawiu eipy etiat koꞌi eiwepypitpitꞌok kahato iꞌatuehamo. Miꞌi tã ewetunug hawyi ti aru taꞌatukuap taꞌyn Tupana etiat yt taꞌatuwese i hap e Iesui topotpoꞌororia 12 ok takaria pe. Miꞌi hawyi tuwat raꞌyn typyꞌok tuereto tawa koꞌi upi Iesui yatypepyi ihay enoi hamo.

Iruka 17:14

Miꞌi hawyi Iesui taꞌakasa iꞌatuewowiat hawyi toikuap iꞌatuehay hawyi toꞌe iꞌatuepe -Eweiwat ro paꞌi koꞌi kape eipiit moherep iꞌatuepiat hamo ehehãite hap moherep hamo e iꞌatuepe. Tohenoi hawyi hepihi pihi rakaria tuwat raꞌyn paꞌi koꞌi kape yt taꞌatuehãite hin mywo i te tuwat maꞌato muap upiat tuwat hap tote iꞌatuehãite raꞌyn taꞌatuehepihi kãꞌã raꞌyn iꞌatupe kahuria raꞌyn.

Iruka 5:13

Miꞌi hawyi Iesui topoha hawyi totemig hawyi toꞌe -Taꞌi woromoehãite teran uhyt e. Pyno koran ehãite raꞌyn. Mio tã e hawyi meremo hepihi tuweityk taꞌyn.

Iruka 9:5

Maꞌato mekewat tawa piaria yt eikyꞌesat i pote waku meremo eiwenoꞌẽ mekewat tawa pyi maꞌato eiwenoꞌẽ turan waku eiwepiit pitꞌok eipy tawa sawiu meimuẽ ti miitꞌin yt nakuaria i e hap moherep hamo e.