Iruka 5:1 - Sateré-Mawé

¹ Miꞌi hawyi wẽtup eꞌat pe miitꞌin sem tohik kahato raꞌyn Iesui pote yt tuwanetup kuap i Tupana ehay kape. Miꞌi pote tuweꞌysakpo mekewat yꞌy Kenesare hyemyiꞌa eꞌyẽpe kape.

Iruka 5:1 ပူးပေါင်းရင်းမြစ်များ

Mateu 11:12

Iuwãu henoi raꞌyn aikotã Tupana topyhuꞌat wyti aru aiporekuatno hap etiat. Miꞌi hawyi miꞌi mohey hanuaria taꞌatuhãꞌãg kahato iraniaꞌin porerokosap yt naku i nug hap pywiat Tupana toineꞌen aiporekuatnuat mohey hanuaria wo.

Mateu 14:34

Miꞌi hawyi Iesui iꞌewyte hemiitꞌin teꞌereꞌysakpo raꞌyn hawyi putꞌok iꞌatuꞌe raꞌyn mekewat yi Kenesare tote raꞌyn.

Maku 3:9

Miꞌi hawyi miitꞌin iꞌatu pote Iesui toꞌe temiitꞌin me -Eweterut ro meikowo yara katupono ti miitꞌin uiꞌakit kuap neꞌi raꞌyn e.

Maku 4:1

Miꞌi hawyi Iesui toto i raꞌyn yi Karireia hyemyiꞌa eꞌyikytꞌok upi miitꞌin atumuꞌe hamo. Miꞌi hap tote typyꞌi rakaria teꞌeruwaꞌatunug hewowi. Miꞌi hawyi Iesui teke yara pe hawyi taꞌapyk yara pe yowa tote pywiat miitꞌin atumuꞌe hamo. Miꞌi pykai miitꞌin yi kyt upi tukupteꞌen.

Maku 5:24

Miꞌi hawyi toto Iesui Iairu upi. Maꞌato mekewat typyꞌi rakaria tuwat yne hupi. Miꞌi hawyi muap upi taꞌatupyhuhik neꞌi Iesui.

Maku 6:53

Miꞌi hawyi putꞌok iꞌatuꞌe tama Kenesare wã tote i raꞌyn.

Iruka 12:1

Miꞌi hawyi miitꞌin sem kahato teꞌeruwaꞌatunug Iesui ewowi pote toꞌopykit pykit neꞌi iꞌatu kahato hemig neran haria. Miꞌi hawyi Iesui toꞌe temiitꞌin me -Eiweꞌeg wo o Tupana ehay ran enoi haria pupi e. Miꞌiria typy sehay enoi haria e. Sehay ikahu kahato rakatno taꞌatuhenoi wen maꞌato iꞌatuminug koꞌi yt naku i kahato e. Typy hẽku rakaria ewywuaria miꞌiria. Taꞌi mani puk koꞌi ewywuat neꞌi miꞌi haria are e. Mani kurin kat ipyyp takat watopag mani pakup we hawyi toimoꞌokpuk neꞌi ipakup takat e. Pyno miꞌiria ti iꞌatuminug saꞌag koꞌi timowato neꞌi aru yt naku i nug ehepiat hamo e.

Iruka 5:2

Miꞌi tote taꞌakasa typy yara mekewat ihyemyiꞌa eꞌyẽpe eꞌyi kyt rote. Maꞌato miꞌiria ti pira pytyk haria wesuki koho haria.

Iruka 8:22

Wẽtup eꞌat pe Iesui toꞌe temiitꞌin me -Toꞌiro yara puo hyemyiꞌa wato sakpo e. Miꞌi hawyi toto raꞌyn yara wato kape hawyi teke temiitꞌin wywo. Tuwehytꞌok yara pe hawyi tuwat raꞌyn hyemyiꞌa wato sokpo e.

Iruka 8:23

Yꞌy pyꞌasetpiat turan Iesui toket raꞌyn. Miꞌi turan ywytu kahato putꞌok e yꞌy ete hyemyiꞌa wato pyꞌasetpiat ikupteꞌen turan hawyi ywytu tipetek kahato raꞌyn yara pote yꞌy teke teke raꞌyn iꞌatueꞌyara pe. Miꞌi pote -Yt naku i kahato pote wataꞌapyꞌat hamuat raꞌyn iꞌatuꞌe taꞌyn. Ipoityꞌi kahato raꞌyn iꞌatuete.

Iruka 8:33

Miꞌi hawyi tuwenoꞌẽ raꞌyn mekewat miit hesoꞌok rakat piit pyi hamaut koꞌi kapiat tuwehytꞌok hamo. Miꞌi hawyi hamaut koꞌi ikohyeput i kohyeput i yityꞌok tote pyi yꞌy wato kape hawyi hewo hewo raꞌyn yꞌy wato pe hawyi topap yne raꞌyn.

Iruka 8:45

Miꞌi hawyi tesokpe emig hawyi Iesui apo e -Uweĩ uhemig hat meikope e. Mio tã e pote Peteru toꞌe Iesui pe -Uikaꞌiwat miitꞌin typyꞌi kahato rakaria pyꞌasetpe ahewyry pote miitꞌin ahemig hemig kahato e.

Iuwãu 1:40

Miꞌi hawyi wẽtup ok Iuwãu potmuꞌe Ãtere e hap het rakat toineꞌen porapꞌi Iesui wywo.

Iuwãu 6:1

Mio tã toꞌe kahu hawyi toto raꞌyn Iesui yi Karireia hyemyiꞌa sakpo mekewat ihyemyiꞌa Tiperiati e hap het rakat sakpo.

Epereu 13:7

Waku watimotypot aiꞌapykok haria aimuꞌe haria mesuwarotiaria iꞌewyte saꞌawyꞌi wuaria Tupana ehay moherep haria. Yt naku i waure wo neꞌi miꞌiria kai watopyhuꞌat katupono miꞌiria aimotag Tupana mohey hap etiaria wo tukupteꞌen. Waku watukupteꞌen aiꞌapykok haria saipepiaria wo iꞌatuminug wakuap nug haria wo. Waku iꞌatuiãꞌãkap wo watoineꞌen iꞌatuminug wakuap koꞌi nug hap ete. Miꞌiria Tupana mimotypot wuatnuaria. Waku aito watunug miꞌiria minug wakuat ewywuat. Waku watomohey Tupana miꞌiria piat imohey hap oktan.