Iruka 4:41 - Sateré-Mawé

⁴¹ Miꞌi hawyi maꞌãu saꞌag koꞌi tuwenoꞌẽ kahato raꞌyn miitꞌin piit pyi. Miꞌi turan iꞌatuehay pirik kahato -En wyti Tupana saꞌyru iꞌatuꞌe. Taꞌatukuap wyti Iesui Tupana mipoꞌoro woꞌehakyeraꞌat hat. Mio tã iꞌatuꞌe pote Iesui -Eipoꞌinik to e iꞌatuepe.

Iruka 4:41 ပူးပေါင်းရင်းမြစ်များ

Mateu 26:63

Maꞌato yt kat e hin i. Miꞌi hawyi paꞌi koro toꞌe i -Ehenoi ro Tupana Saꞌyru En hap Miitꞌin Porekuat nuat hap sio apo yt e.

Mateu 4:3

Miꞌi turan putꞌok e ahiag itote hãꞌãg hamo. Miꞌi hawyi toꞌe Iesui pe -Mehin e pywo Tupana Saꞌyru sese En mote etunug no meikowat nu koꞌi kawiat man emiꞌu wo e Iesui pe.

Mateu 8:16

Mekewat ewãtymꞌi turan taꞌatueropoꞌok kahato raꞌyn ahiag ipiit piat rakaria Iesui kape. Miꞌi hawyi miꞌiria kaipyi toiꞌatusopo kahato raꞌyn ahiagnia wẽtup tehay wo yn. Iꞌewyte toiꞌatumoehãite yne raꞌyn iꞌahuu rakaria.

Mateu 8:29

Miꞌiria ti iꞌatuehay pirik kahato itote -Uruikuap taꞌyn En Tupana saꞌyru. Kat som etikyꞌesat urukaipyi sio eriot meikowo uruꞌapiheg hamo urukuꞌuro hap yian mete iꞌatuꞌe.

Mateu 8:4

Miꞌi hawyi Iesui toꞌe -Pyno erewanetup uhehay kape uhyt. Pyno yt uwe pe teiꞌo ehenoi uiminug etiat e maꞌato waku ereto ro paꞌiria kape hawyi waku ehenoi ro paꞌiria kape. Miꞌi kaipyi ti aru ekuap taꞌyn wuatꞌi miitꞌin ehãite raꞌyn hap etiat e. Pyno waku ereto hawyi waku etum Tupana motypot hamuat aikotã Muisei mienoi ewy.

Maku 1:25

Miꞌi pote Iesui waĩꞌe haty wo -Epoꞌinik to ahiag e. Erẽtem no meiẽwat miit piit pyi e.

Maku 1:32

Miꞌi hawyi aat minꞌe turan taꞌatuerut Iesui kape wuatꞌi iꞌahuu rakaria wuatꞌi ahiag ipiit piat rakaria.

Maku 1:34

Miꞌi hawyi itote Iesui tiꞌatumoehãite iꞌatu kahato iꞌahuu rakaria. Iꞌewyte ahiagnia toiꞌatusopo kahato miitꞌin piit pyi. Miꞌi hawyi toꞌe i ahiagnia pe -Eipoꞌinik to ahiagnia e. Iesui yt tero i ahiagnia iꞌatuehay hamo katupono taꞌatukuap taꞌyn uwe Iesui.

Maku 3:11

Iꞌewyte maꞌãu saꞌag koꞌi ipiit piat rakaria tõꞌẽ Iesui ewowi. Miꞌi hawyi teꞌerehaꞌat Iesui kape hawyi ahiag koꞌi kak iꞌatuꞌe. Taꞌatuewo yi kape raꞌyn Iesui yatype hawyi taꞌatuehay pirik wo -Tupana saꞌyru ti en iꞌatuꞌe.

Iruka 4:39

Miꞌi hawyi toto raꞌyn hewowi hawyi toineꞌen mekewat heꞌyni ywyt pe. Itote pyi toꞌe ahuu kape hawyi meremo ahuu tokosap taꞌyn ipiit pyi hawyi meremo ipoĩꞌam iraꞌyn hawyi toterepat raꞌyn Iesui.

Iuwãu 20:31

Maꞌato kat koꞌi kat koꞌi atiwan mesuwat uimiwan me ahenoi kahato raꞌyn haty wo uipyꞌa pyi katupono atikyꞌesat kahato uimiwan kuap haria tukupteꞌen aru Iesui mohey haria. Atikyꞌesat kahato eweimohey Iesui ti Tupana Saꞌyru sese hap iꞌewyte atikyꞌesat ewetunug Iesui Eipotypot koro sese hap atikyꞌesat uimiwan etiat wemuꞌe haria. Eweimohey ro Iesui are uipyꞌa pyi. Pywo pe ti Iesui upiaria sese eweikupteꞌen pote waku pe eweikupteꞌen Tupana pya pe iꞌewyte wuatꞌi eꞌat piat eweikupteꞌen mesuwe iꞌewyte atipy pe are.

Tiaku 2:19

-Uruto ti uruimohey kahato Tupana iꞌatuꞌe uhepe iraniaꞌin. Uruimohey sese Tupana wẽtup yn toineꞌen iꞌatuꞌe uhepe. Pyno waku miꞌi tã watomohey iꞌatuepe wen maꞌato eiweꞌeg wo o katupono iꞌewyte ahiag timohey kahato wy wẽtup yn Tupana toineꞌen hap tokenꞌẽ popuo. Ahiagnia timohey Tupana toineꞌen hap wen maꞌato yt Tupana mikyꞌesat ewywuat nug hin i haria wo tukupteꞌen. Ahiagnia taꞌatumohey saꞌag pykai.