Iruka 4:32 - Sateré-Mawé

³² Miꞌi hawyi teꞌeruwanetup kahato ihay se kahato topotmuꞌe hap ete. Ihay wyti aikotã morekuat ehay ewy.

Iruka 4:32 ပူးပေါင်းရင်းမြစ်များ

Maku 1:22

Miꞌi hawyi teꞌeruwewanetup kahato hawyi teꞌeroꞌe toꞌope -Kat poteĩ Iesui aimuꞌe yt miwan enoi haria ewy i raꞌyn iꞌatuꞌe. Miꞌi ti morekuat ewy raꞌyn wen iꞌatuꞌe.

Iruka 2:47

Miꞌi hawyi toran a ihay kuap haria teꞌeruwanetup kahato ihay kape hawyi teꞌeroꞌe -Iweꞌeg kahato apo iꞌatuꞌe. Miꞌi pote aiwesat hãpyk kahato iꞌatuꞌe.

Iruka 4:33

Miꞌi turan wẽtup ok miit toineꞌen iꞌatuwoꞌomuꞌe hap yat pe ahiag ipiit piat rakat. Miꞌi ti ihay pirik itote.

Iruka 4:36

Miꞌi hawyi torannia miitꞌin teꞌeruwanetup kahato raꞌyn hawyi -Kat poteĩ meketã iꞌatuꞌe. Uwe ehay pyi som tutunug meketã. Taꞌi meiẽwat miit wyti aikotã morekuat ewy esaika kahato. Miꞌi pote ti toiporenotem kuap kahato maꞌãu saꞌag koꞌi iꞌatuꞌe. Miꞌi hawyi tuwat iraꞌyn itote pyi.

Iuwãu 6:63

Taꞌi Tupana Paꞌãu ete uhehay yt uipuꞌi ete i uhehay e. Uhehay Maꞌãu kaipywiat eimuꞌe hap. Miꞌi yn eimoieineꞌen hap wuatꞌi eꞌat piatnuat e.

Iuwãu 7:46

Maꞌato suraraꞌin tiꞌatuwesat -Mehinꞌin yt uruipyhyp kuap i iꞌatuꞌe katupono Miꞌi Miit poꞌog ikahu torannia woꞌomuꞌe haria kai ihay se rakat iꞌatuꞌe suraraꞌin.

2 Kuriniu 4:2

Iraniaꞌin taꞌatuhenoi saꞌag Tupana ehay miitꞌin maꞌat hamo maꞌato aito watimoherep Tupana ehay aikotã toꞌe hap ewy. Yt wahenoi i aikotã iraniaꞌin miitꞌin maꞌat haria ewywuaria henoi hap ewy. Tupana toꞌe hap ewy watoꞌe. Miꞌi hawyi miitꞌin tikuap Tupana ehay pywo piat moherep haria aito hap iꞌewyte Tupana aikuap. Miꞌi hawyi yt aiwemaꞌat hap wywo i wahenoi pywo piat yn wahenoi pote.

1 Tesaronika 1:5

Saꞌawyꞌi ti uruhenoi kahato ehepe sehay wakuat Iesui etiat maꞌato yt uruwat uruẽku kaipyi yn i maꞌato Tupana esaika hap kaipyi iꞌewyte Tupana Paꞌãu kaipyi uruiꞌatumuꞌe eipe. Taꞌi pywuat sese urutoꞌe. Urumimohey mesuwat sehay urutoꞌe uruhenoi ehepe turan. Eweikuap taꞌyn aikotã saꞌawyꞌi urutukupteꞌen eipyꞌasetpiat hap. Taꞌi eikyꞌe uruepiat hap yn ni toineꞌen urukai.

Titu 2:15

Pyno uhaꞌyru Titu uimienoi mesuwat uimiwan miat ehenoi yne Iesui mohey haria epotmuꞌeria pe are. Aikotã woꞌomuꞌe hat sese ewy etiꞌatunapin Iesui ainapin hap ewy. Iꞌaparap hap etikuap hawyi waĩꞌere o iꞌatuepe yt iꞌatumohit wywo teiꞌo maꞌato waĩꞌere iꞌatuepe. -Taꞌi Tupana wyti uipoꞌoro meikowo ehepiat sehay wakuat Iesui etiat moherep hamo ereꞌe o iꞌatuepe. Uito ti ehehaytuwy sese ereꞌe o epotmuꞌeria pe Titu.