Iruka 4:17 - Sateré-Mawé

¹⁷ Itote taꞌatuium mekewat Isaia miwan. Miꞌi toiꞌapypok imowẽpap hamo. Itote toipuẽti mio tã e miwan miat hap.

Iruka 4:17 ပူးပေါင်းရင်းမြစ်များ

Iruka 16:29

Maꞌato Aparãu tiwesat -Uhaꞌyru e tukupteꞌen kahato eꞌywytꞌin napin hanuaria itote. Waku teꞌeruwanetup Muisei potnapin hap koꞌi kape iꞌewyte Tupana ehay enoi haria mienoi kape e.

Iruka 20:42

Katupono saꞌawyꞌi sese ahaꞌaseꞌi pot morekuat Tawi toꞌe tomiwan me towepy hawe -Uipotypot koro Tupana toꞌe Uipotypot koro Tupana pe -Eraꞌapyk o Uimimotypot no mesuwe uipo sese kai e.

Iruka 4:16

Miꞌi hawyi toto iraꞌyn tawa Nasare kape aiũpe saꞌawyꞌi tuwemotag hap kape. Itote teke raꞌyn Tupana motypot hap eꞌat pe mekewat woꞌomuꞌe koro hap yat pe. Aikotã taꞌatueko ewy. Itote ipoĩꞌam Tupana ehay mowẽpap hamo.

Iruka 4:18

Miꞌi ti toimowẽpap mio tã e hap -Uipotypot wyti hum topaꞌãu uhepe miꞌi ti uiꞌairo tehay wakuat enoi ihakyꞌeꞌi rakaria piat hamo. Iꞌewyte uipoꞌoro tehay enoi mipyhik koꞌi piat hamo. Iꞌewyte yt ihapytig i rakaria piat henoi hamo. Iꞌewyte mekewat miitꞌin mimohit koꞌi ehehakyeraꞌat hamo e.

Iruka 4:20

Miꞌi hawyi Iesui timowẽpap kahu raꞌyn popera hawyi toiꞌapyhik taꞌyn hawyi tutum naꞌyn mekewat woꞌomuꞌe yat piat woꞌopowyro hat pe hawyi taꞌapyk taꞌyn. Miꞌi turan torannia miitꞌin itotiaria teꞌerehaꞌat Iesui kape yt teꞌerehapo ywyk hin i.

Iesui Potmuꞌeria 13:15

Miꞌi tote mekewat Tupana yat piat miitꞌin akag tomowẽpap Muisei woꞌonapin yianmiat Tupana mienoi toimowẽpap. Miꞌi hawyi toiꞌatukay kay Pauruꞌin -Uiwyriaꞌin eweiꞌatupoꞌoro ro wẽtup ok eipyꞌasetpiat urumuꞌe Tupana ehay wuat hamo e Pauruꞌin me.

Iesui Potmuꞌeria 13:27

Taꞌi tawa Ierusarẽi miaria akag koꞌi iꞌewyte yt ikuap i mekewat wakuat Miit. Taꞌi yne Sapatu eꞌat pe taꞌatumowẽpap yianmiat Iesui ieineꞌen hamuat hap etiat maꞌato yt taꞌatumohey i putꞌok e hawyi. Yt taꞌatukuap i Miꞌi hawyi taꞌatuhekatup aikotã miat iꞌaparap hap iꞌauka hamo maꞌato yt toiꞌaparap hin i e.

Iesui Potmuꞌeria 7:42

Miꞌi hawyi Tupana toꞌe -Pyno waku eweipyhuꞌat ehetupana wẽtup kawiat wywo e Tupana. Miꞌi hawyi taꞌatumotypot tupana wo aat waty waikiru koꞌi e. -Uruetupana kahato en aat waty waikiru iꞌatuꞌe saꞌag ahaꞌaseꞌiꞌin e.