Iruka 3:23 - Sateré-Mawé

²³ Karãpe Iesui haꞌawynug topotpap 30 anu turan. Hewowi iraniaꞌin teꞌeruwanetup -Meiẽ ti Iuse saꞌyru neꞌi Eri emiariru neꞌi iꞌatuꞌe. Pyno Iesui ywot hit ewywuat Iuse imotag hap topyhuꞌat. Pyno Iesui eꞌaseꞌi Iuse ywot Eri e hap toineꞌen miwan me iꞌatuꞌe.

Iruka 3:23 ပူးပေါင်းရင်းမြစ်များ

Mateu 1:1

Uito ti Iesui potmuꞌe Mateu. Miꞌi uimiwan me atimoherep yne Aipotypot Iesui etiat uiꞌakasa hap koꞌi uimikuap koꞌi. Mesuwe saꞌawyꞌi wuaria aipotypot Iesui eꞌaseꞌiꞌin set koꞌi atipehik katupono Iesui ti morekuat Tawi saipepiat sese Iꞌewyte Aparãu saipepiat sese.

Mateu 1:16

Miꞌi hawyi Iako imoherep Iuse. Miꞌi ti mana Maria eꞌaito wuatnuat toineꞌen. Miꞌi ti mana Maria kaipyi tuwemoherep Iesui mekewat Tupana Mipoꞌoro Wuatꞌi Ywania Porekuatnuat E Hap Het Rakat.

Mateu 1:6

Miꞌi hawyi Iese imoherep aiporekuat saꞌawyꞌi wuatnuat Tawi. Miꞌi hawyi morekuat koro Tawi kaipyi tuwemoherep morekuat Sarumau tomimaꞌat tomiꞌauka Uria eharyꞌi kaipyi.

Mateu 13:55

Katupono ti miꞌi toineꞌen mekewat panꞌi panꞌi e hat saꞌyru neꞌi iꞌatuꞌe iꞌewyte Maria mepyt neꞌi rat iꞌatuꞌe iꞌewyte Tiaku ywyt iꞌewyte Iuse iꞌewyte Simau hawyi Iuta iꞌywytꞌin toineꞌen.

Mateu 4:17

Itote ti Iesui haꞌawynug naꞌyn miitꞌin muꞌe hap. -Eweiwemorem no Tupana kape katupono yt pya hin i Tupana topyhuꞌat Miitꞌin Porekuatno sese hap e.

Maku 6:3

Miꞌi hawyi teꞌeroꞌe toꞌope -Yt saꞌawyꞌi wuat meiũpiat panꞌi panꞌi e hat i apo meiẽ iꞌatuꞌe. Yt mana Maria mepyt i apo miꞌi Miit iꞌatuꞌe. Yt Tiaku Iuse Iuta Simau ykeꞌet i apo miꞌi Miit Iesui iꞌatuꞌe. Iꞌewyte iwat yt Iesui inytꞌin i apo tukupteꞌen meiũpe iꞌatuꞌe toꞌope. Miꞌi hawyi yt taꞌatumohey hin i Iesui haype. Miꞌi pote yt teꞌeruwanetup teran i Iesui kape. -Yt toimoherep kuap i wakuap Tupana etiat iꞌatuꞌe toꞌope.

Iruka 2:48

Miꞌi hawyi karãpe iꞌywotꞌin tipuẽti hawyi teꞌeruwanetup kahato raꞌyn hawyi ity toꞌe -Uimepyt kat poteĩ meketã etunug. Eꞌywot hawyi uito paa urutoꞌe kahato raꞌyn ekat turan e.

Iruka 3:31

Eriakĩ ywot Merea iꞌatuꞌe. Merea ywot Mena iꞌatuꞌe. Mena ywot Matata iꞌatuꞌe. Matata ywot Natã iꞌatuꞌe. Miꞌi hawyi Natã ywot ahaꞌaseꞌi Morekuat Tawi iꞌatuꞌe.

Iruka 4:22

Miꞌi hawyi torannia Iesui ehay ikuap hawyi teꞌeruwanetup kahato ihay hãpyk kahato hap kape. Hawyi teꞌeroꞌe Kat poteĩ ihay hãpyk kahato iꞌatuꞌe. Meiẽ apo yt Iuse saꞌyru hin i iꞌatuꞌe.

Iuwãu 1:45

Wiripi tikuap taꞌyn Iesui hawyi toto raꞌyn towy ok Natanaeu puẽti hamo. Toipuẽti hawyi toꞌe -Are paĩ koitywy watipuẽti raꞌyn Tupana Mipoꞌoro Aiporekuatnuat sese mekewat saꞌawyꞌi wuat Muisei miwan miat mienoi ewy mekewat Tupana ehay nimuat eꞌyian miat miwan miat mienoi ewy e. Miꞌi miit ti Iesui e hap het rakat mekewat mehin Iuse saꞌyru e. Miꞌi ti mekewat tawa Nasare kaipywiat e. Wiripi towy ok Natanaeu pe.

Iuwãu 6:42

Miꞌi haype teꞌeroꞌe toꞌope -Taꞌi watikuap kahato uwe en iꞌatuꞌe eꞌywot uwe ety hap uruikuap iꞌatuꞌe. Taꞌi Iuse saꞌyru ti en iꞌatuꞌe. Katuponoĩ atipy kaipywiat Uito ere iꞌatuꞌe.

Iesui Potmuꞌeria 1:1

Uimikyꞌe Teowiru pyno mesuwat waku uimiwan ewowiat mehin Teowiru atipoꞌoro. Uito ti ewy Iruka. Haꞌawyte atipoꞌoro wẽtup uimiwan Iesui etiat ewowi mehin. Haꞌawyte uimiwan me ahenoi epe yne Iesui minug saꞌawyꞌi wuat hap koꞌi ete iꞌewyte imienoi saꞌawyꞌi wuat koꞌi hap ahenoi. Mekewat miwan ahetꞌok Iesui etiat Iruka mienoi are.