Iruka 3:16 - Sateré-Mawé

¹⁶ Mio tã iꞌatuꞌe pote Iuwãu tiꞌatuwesat -Uito ti worohoꞌosetꞌok yꞌy wo yn maꞌato wẽtup ok poꞌog uikawiat waku rakat putꞌok e hamuat. Katupono uiat uhewaku hap wyti yt putꞌok e i ipy saity pok hamo. Maꞌato miꞌi ti aru ehetꞌok Tupana Paꞌãu wakuatno raꞌyn iꞌewyte aria wo.

Iruka 3:16 ပူးပေါင်းရင်းမြစ်များ

Mateu 3:11

Uito ti worohoꞌosetꞌok yꞌy wo neꞌi. Urutoiat yne raꞌyn uruminug saꞌag yt nakuat i hap koꞌi eiꞌe moherep hap. Maꞌato Uhaipe piat tuut rakat wyti aru ehetꞌok Tupana Paꞌãu wakuatno raꞌyn iꞌewyte aria wo raꞌyn. Taꞌi miꞌi miit ri poꞌog poꞌog uikawiat wakuat are e. Uiat uhewaku hap ti yt putꞌok e hin i hemiit ipysei hamo ipy sokpe pag hamo e.

Mateu 3:12

Ipo pe ti toineꞌen awati iãꞌỹi airo hap ypꞌype. Miꞌi hawyi toiporeraꞌat hãꞌỹi hawyi toheiam nug naꞌyn hawyi tohytmoĩ raꞌyn waku puo maꞌato mekewat iꞌape koꞌi ti toiwuk taꞌyn yt karãpiat i hasep takat aria pe.

Iuwãu 1:26

Miꞌi hawyi Iuwãu tiꞌatuwesat -Uito ti worohoꞌosetꞌok yꞌy wo e. Maꞌato toineꞌen eipyꞌasetpe wẽtup ok yt eimikuap i te e.

Iuwãu 1:27

Miꞌi miit ti uhewatꞌypmuat tuut irane. Miꞌi miit waku sakpo e rakat poꞌog waku kahato uikai e. Pywo ti uiwat uhewaku hap yt putꞌok e hin i ipy saity pok hamo e Iuwãu Iesui waku kahato hap moherep hamuat.

Iuwãu 1:33

Saꞌawyꞌi yt atikuap i miꞌi miit maꞌato uipoꞌoro miitꞌin setꞌok yꞌy wuat hat Tupana mio tã e uhepe -Meiũran ti aru tuut ewowi miitꞌin setꞌok Uipaꞌãu wakuatnuat sese hanuat e. Miꞌi hawyi uipaꞌãu topyhuꞌat aru ipiit ete hawyi aru etikuap taꞌyn miꞌi miit uimipoꞌoro raꞌyn miitꞌin setꞌok Tupana Paꞌãu wywuat hanuat e Iuwãu me e.

Iuwãu 7:38

Pywo pe ti uimohey haria pya piat pe aikotã yꞌy tuwẽtem yresa ewywuat aat kaꞌap teꞌyꞌutui hap monik hamuat.

Iesui Potmuꞌeria 1:5

Aikotã saꞌawyꞌi areꞌe ehepe hap ewy -Tupana ehetꞌok kahato irane Topaꞌãu wo uiwyriaꞌin areꞌe saꞌawyꞌi. Saꞌawyꞌi sese Iuwãu ehetꞌok yꞌy wo maꞌato mesup Tupana toꞌe uhepe -Uhaꞌyru e wẽtup eꞌat pe aru yne esaipepiaria atiꞌatusetꞌok Uipaꞌãu Wakuat no e uhepe. Pyno miꞌi toꞌe hap ewy irane einug eipe Topaꞌãu Wakuat no uiwyriaꞌin e. Miꞌi pote waku ewehekatup o meiũpe tawa Ierusarẽi me Tupana Paꞌãu Wakuat uut hap eꞌat e. Areto irane atipy kape hawyi Uiꞌywot tipoꞌoro meremo ehewowi Uipaꞌãu Wakuat aikotã areꞌe saꞌawyꞌi ehepe hap ewy e. Miꞌi hawyi waku kahato eweikupteꞌen eipiit yne puo Tupana Paꞌãu Wakuat topyhuꞌat hawyi e Iesui temiitꞌin me.

Iesui Potmuꞌeria 10:44

Mio tã e Peteru turan Tupana Paꞌãu Wakuat putꞌok e raꞌyn ikuap haria pe.

Iesui Potmuꞌeria 2:33

Taꞌi Tupana timowato kahato ti Tomipoꞌoro Iesui e. Miꞌi pe tutum Topaꞌãu Wakuat iꞌewyte mesup ti Iesui tum Ipaꞌãu uruepe aikotã eiꞌakasa hap ewy. Eimikuap hap ewy ti mio tutum Topaꞌãu Wakuat uruepe e.

1 Kuriniu 12:13

Ipatꞌok aito Iuteu ywania ipatꞌok wẽtup ywania aito ipatꞌok aito miit emiit ipatꞌok miit akag koꞌi maꞌato aito Iesui mohey haria pote Tupana Paꞌãu eiam aito. Miꞌi pote Tupana Paꞌãu ahetꞌok taꞌyn -Iesui piit eipe e raꞌyn ahepe.