Iruka 24:52 - Sateré-Mawé

⁵² Miꞌi hawyi taꞌatumotypot kahato itote Tupana hawyi teꞌeraꞌaipok taꞌyn tawa wato Ierusarẽi kape iꞌatuwepiit sakpo hap wywo.

Iruka 24:52 ပူးပေါင်းရင်းမြစ်များ

Mateu 28:17

Miꞌi hawyi putꞌok taꞌatuꞌe itote i raꞌyn hawyi teꞌeraꞌakasa i raꞌyn taꞌatukaꞌiwat Iesui kape. Miꞌi hawyi teꞌeruwehum kahato taꞌatumotypot kahato Iesui. Taꞌatumohey kahato maꞌato wẽtup ok wẽtup ok imohey ran.

Mateu 28:9

Miꞌi turan iꞌatukohyeput nuat iwat turan Iesui tiꞌatupuẽti muap tote -Manaꞌin ariot iraꞌyn e. -Mimi iꞌatuꞌe hawyi iꞌatuporokaꞌat ipy ete imotypot hap wywo.

Iruka 24:51

Miꞌi toꞌe Tupana pe turan Iesui taꞌam naꞌyn atipy kape.

Iruka 24:53

Putꞌok iꞌatuꞌe hawyi teꞌeropyhuꞌat Tupana motypot yat hawe hawyi -Waku kahato En Tupana taꞌatuꞌe itote aat kaꞌap.

Iuwãu 14:28

Areto irane eipyꞌasetpyi uhemiitꞌin maꞌato miꞌi hawyi ti aru ariot rẽ ehewowi iraꞌyn e. Yt paa eweiꞌe teiꞌo maꞌato waku eiwemowepiit areto hap ete katupono areto aru Uiꞌywot kape. Miꞌi ti poꞌog uikai toineꞌen e.

Iuwãu 16:22

Miꞌi hap ewy ti mesup areto hamuat raꞌyn eiꞌyatypepyi miꞌi pote yt eiwepiit hin i maꞌato meiũran worohoꞌopuẽti i raꞌyn hawyi ti aru maꞌato meremo raꞌyn eiwepiit hap tuut aikotã aity iwepiit aiꞌywãꞌĩ hap eꞌat pe hap ewy e. Aremoherep i raꞌyn eipyꞌasetpe hawyi eimowepiit sese hap topyhuꞌat eiwepiit sakpo hap ewy aikotã imepyt pakup hap ewy are. Areineꞌen i eiwywo hawyi eiwepiit sese hap toineꞌen eipyꞌa pe iheg me toineꞌen yt uwe i raꞌyn eiwepiit hap porap kuap hat e.

Iuwãu 16:7

Pywo pe ti areꞌe ehepe meiũpe yn areineꞌen pote ti ren yt tuut i eipowyro pakup i hamuat Tupana Paꞌãu maꞌato areto meiũpe pyi pote ti aru atipoꞌoro kuap eipowyro pakup i hanuat e.

Iuwãu 20:28

-Uikaꞌiwat e koitywy woromohey kahato raꞌyn Uhetupana kahato raꞌyn En e Tume.

Iesui Potmuꞌeria 1:12

Miꞌi hawyi Ipotpoꞌororia teꞌeraꞌaipok i raꞌyn Uriweiria ypia pyi tawa wato Ierusarẽi kape yityꞌok ãpype kaipyi teꞌeraꞌaipok i. Yt pya pyi i teꞌeraꞌaipok aikotã Iuteu ywania iꞌatuewyry yt pya i Tupana motypot eꞌat turan hap ewy.

1 Peteru 1:8

Taꞌi atikuap kahato Iesui uito katupono araꞌakasa uito maꞌato eiperia yt eweiꞌakasa i eheha wo Aikaꞌiwat Iesui. Maꞌato yt eweiꞌakasa pykai i eweimohey kahato raꞌyn. Miꞌi hawyi eimowepiit hap kahato toineꞌen imohey hap kaipyi. Mekewat wepiit hap Iesui tum tomohey hap kaipyi. Waku kahato mekewat. Yt watimoherep kuap i miitꞌin me Iesui piat aimowepiit sese hap. Ahowapy kahato Iesui motypot hap wywo miꞌi pote aimowepiit kahato poꞌog torannia kai. Yt heremo i maꞌato aipyꞌa pe toineꞌen aimikyꞌe sese aimimohey Iesui are.