Iruka 22:57 - Sateré-Mawé

⁵⁷ Maꞌato Peteru toꞌe -Yt atikuap i uito Miꞌi Miit paĩ e.

Iruka 22:57 ပူးပေါင်းရင်းမြစ်များ

Mateu 10:33

Maꞌato uwe toꞌe miitꞌin me -Uito ti yt atomohey Tupana e miꞌi hat pe Uito iꞌewyte areꞌe woroꞌairo hap eꞌat pe uiꞌyat pe meiẽ ti yt uimohey hat i are atipy pe.

Mateu 26:70

Miꞌi pote Peteru tiwesat -Yt uito i rat e. Yt atikuap i ehay e.

Iruka 12:9

Maꞌato -Yt atimohey i eweiꞌe iraniaꞌin me uhepiat iꞌewyte Uito ahenoi Uiꞌywot atipy piat iꞌewyte yne Tupana yatypiat ieineꞌen haria itotiaria pe mio tã e hat etiat yt uimohey i hap etiat.

Iruka 22:56

Miꞌi hawyi wẽtup piꞌã miitꞌin eropat hat tehaꞌat kahato raꞌyn Peteru kape aria kupykiat iwemopẽ turan hawyi toꞌe -Miꞌi ti mekewat Iesui wywo hewyry rakat hap atikuap e.

Iruka 22:58

Miꞌi hawyi meiũran wẽtup ok tehaꞌat kahato Peteru ewowi hawyi toꞌe -Are paĩ worokuap kahato en e. En ni wẽtup ok Iesui emiit sese e Peteru pe maꞌato toiwesat -Eso kahato yt atikuap i rat Mekewat Miit e.

Iuwãu 18:25

Miꞌi turan Iesui potmuꞌe Peteru toineꞌen yꞌam me aria kupyke tuwemope. Miꞌi hap tote iraniaꞌin apo iꞌatuꞌe Peteru pe -Uhyt mimi iꞌatuꞌe en apo wẽtup ok Iesui potmuꞌe sio yt iꞌatuꞌe. Maꞌato Peteru tiwesat -Yt rat e yt uito i rat e.

Iuwãu 18:27

Miꞌi hawyi Peteru toꞌe -U yt uito i rat e. Yt atikuap i Miꞌi Miit e haty wo. Mio tã e saꞌag turan waipaka paiꞌat ihay raꞌyn.

Iesui Potmuꞌeria 3:19

Aikotã Tupana henoi yian mete hap ewy ti topyhuꞌat mesup. Miꞌi pote waku mio tã eweiꞌe ro Tupana pe -Koitywy paa urutoꞌe ewowi Tupana katupono yt naku i kahato urutunug Esaꞌyru ete eweiꞌe pote meremo waure wo topyhuꞌat eiminug saꞌag ete e. Miꞌi hawyi waku pe i raꞌyn iwywo eweikupteꞌen mehinꞌin manaꞌin e. Miꞌi hawyi ti aru Tupana mimowepiit koꞌi wo i raꞌyn wuatꞌi eꞌat pe eweikupteꞌen katupono tutum ehepe Topaꞌãu Wakuat eimoesaika hamuat hap hawyi e. Taꞌi eiwemorem Tupana kape i raꞌyn pote waku pe iwywo eweikupteꞌen e Peteru.

1 Iuwãu 1:9

Maꞌato watoꞌe Tupana pe aipyꞌa pyi -Uiꞌywot atiꞌaparap kahato epe uhehay wo uiminug saꞌag wo watoꞌe pote aimohãpyk kahato. Miꞌi hawyi -Waku pe ereineꞌen mesup e ahepe watoiat yne aiminug saꞌag hawyi. Tupana aikyꞌe kahato pote toineꞌen kahato aikawiatno hamo. Yt aiꞌatoiat teran hin i watiꞌaparap topiat pykai aikyꞌe kahato. Aiꞌapiheg hamuat pykai aikyꞌe hap wywo aiꞌapiheg are.