Iruka 22:2 - Sateré-Mawé

² Miꞌi hawyi itote paꞌi kororia iꞌewyte waĩꞌe hap enoi haria tikat kahato aikotã waku migꞌi wo Iesui auka hamo hap taꞌatukat tawa Ierusarẽi me wen maꞌato yt taꞌatupuẽti i katupono Iesui kyꞌe haria sem mupi teꞌerokenꞌẽ kahato itote.

Iruka 22:2 ပူးပေါင်းရင်းမြစ်များ

Mateu 12:14

Miꞌi hawyi itotiaria Wariseuria tuwenoꞌẽ itote pyi hawyi taꞌatukat raꞌyn aikotã Iesui auka hamo.

Mateu 21:38

Miꞌi hawyi so putꞌok e raꞌyn watꞌypmuat hawyi yi wato imipuru apykok haria teꞌerahaꞌat hewowi hawyi teꞌeroꞌe toꞌope -Meiẽ raꞌyn ti tuut yi kaꞌiwat saipepiat iꞌatuꞌe. Pyno waku watiꞌauka meiẽwat haꞌyru hawyi iꞌywot mikoi ypia aiwatno topyhuꞌat iꞌatuꞌe toꞌope.

Mateu 26:2

-Pyno mukiꞌite eꞌihatꞌok hawyi ti aru aiꞌywania tuwat yne raꞌyn ienuk hap nug hamo mekewat ahewanikaptia saꞌawyꞌi wuat Esituꞌin po pywiat hoꞌopot hap kaipywiat ahenoꞌẽ hap kapiat watetup hap eꞌat nug hamo e. Miꞌi turan Uito Eheykeꞌet ewanikaptia po pe areineꞌen uiꞌauka ariaꞌyp posak etiat hamuat e Iesui.

Maku 14:1

Typy eꞌat man teneg u hap eꞌat koꞌi owakai te paꞌi akag koꞌi miwan enoi haria wywo teꞌeruwaꞌatunug tawa wato Ierusarẽi kape saꞌawyꞌi wuat Iuteu ywania ehakyeraꞌat hap taꞌatuewanikaptia Esituꞌin po pyi eꞌat kapiat watetup hamo teꞌeruwaꞌatunug itote. Miꞌi hawyi teꞌeroꞌe toꞌope -Aikotã som pyno waku watipyhik hawyi watiꞌauka Iesui yt uwe mikuap mo i iꞌatuꞌe.

Iruka 20:19

Mio tã toꞌe hawyi paꞌi akag koꞌi iꞌewyte nagnia ehay enoi haria teꞌeroꞌe toꞌope -Yt naku i Iesui ehay ahete iꞌatuꞌe toꞌope. Miꞌi pote taꞌatupytyk teran Iesui iꞌauka hamo maꞌato miitꞌin pupi teꞌerokenꞌẽ katupono iraniaꞌin Iesui mimuꞌeria -Waku kahato aimuꞌe Iesui iꞌatuꞌe toꞌope miꞌi tupono yt taꞌatupytyk kuap i.

Iuwãu 11:57

Miꞌi hawyi paꞌi koro koꞌi iꞌewyte Tupana motypot yat akag koꞌi teꞌeroꞌe iraniaꞌin me -Eweikuap Iesui aikope toineꞌen hap pote ewehenoi o uruepe iꞌatuꞌe katupono taꞌatupytyk teran ipyhik hamo taꞌatuꞌauka teran haype.

Iesui Potmuꞌeria 4:27

Katupono mesup taꞌyn teꞌeruwaꞌatunug kahato meiũpe tawa Ierusarẽi me Emipoꞌoro Iesui etiat saꞌag taꞌatuehay hamo iꞌatuꞌe. Tupana iꞌatuꞌe mesup taꞌyn morekuaria teꞌeruwaꞌatunug toꞌonapin saꞌag neꞌi Emiꞌairo uruporekuat nuat Iesui mohit hamo mesuwe iꞌatuꞌe. Uruꞌywot mesup taꞌyn mekewat morekuat Eroti iꞌewyte morekuat Pũsiu Piratu teꞌeruwaꞌatunug Isareu ywania iraniaꞌin ywania wywo toꞌonapin saꞌag neꞌi hamo iꞌatuꞌe. Koitywy tawa Ierusarẽi me taꞌatukat aat kaꞌap aikotã aikotã waku eropat sese haria Iesui mohey haria yne moma hamo taꞌatukat toꞌonapin saꞌag hap tote Tupana iꞌatuꞌe.