Iruka 22:11 - Sateré-Mawé

¹¹ Miꞌi hawyi waku eweiꞌe ro getap kaꞌiwat pe -Urupoꞌoro hat Iesui tuwehay poꞌoro ewowi uhyt katupono toikuap teran -Aiũwat mekewat akipy wato waku rakat Uito uhemiitꞌin wywo man teneg u hamuat eweiꞌe ro getap kaꞌiwat pe.

Iruka 22:11 ပူးပေါင်းရင်းမြစ်များ

Mateu 21:3

Maꞌato -Kan hamo ewetioto uruhũ iꞌatuꞌe pote o -Taꞌi Aikaꞌiwat wyti ipuru porapꞌi eihũ koꞌi eweiꞌe o miꞌi pote aru meremo -Hẽto pyno eweitioto ro iꞌatuꞌe aru ehepe e. Miꞌi hap ewy yne ti aru eweipuẽti itote e Iesui typy ok takaria tomipoꞌororia pe.

Maku 14:14

Miꞌi upi o eweiwat hawyi ti aru putꞌok eweiꞌe heineꞌen hap tote. Miꞌi tote hawyi ehẽtup mekewat netap kaꞌiwat pe -Aiũwat akipy keĩ waku woꞌomuꞌe hat temiitꞌin nywo teman teneg u wãtym muo mesup eweiꞌe o netap kaꞌiwat pe e.

Iruka 19:31

Itotiaria tikuap teran aru kan hamo iꞌatuhũ asaity eweipok e pote waku eweiꞌatuwesat miꞌiria -Taꞌi Aikaꞌiwat Iesui tikyꞌesat wyti eihũ waku eweiꞌe apo e haria pe e Iesui temiitꞌin typy ok takaria pe.

Iruka 19:34

Miꞌi hawyi Iesui emiitꞌin iꞌatuwesat -Aikaꞌiwat Iesui tikyꞌesat kahato ti eihũ iꞌatuꞌe.

Iruka 19:5

Putꞌok e Iesui ariaꞌyp ypyke hawyi tehaꞌat kahato ywaiti hawyi toꞌe -Uhyt Sakeu e eraꞌapyk to uhowowi uhyt e. Mesuwat eꞌat pe areineꞌen ewywo eꞌyat pe mehin e.

Iruka 22:10

Miꞌi tupono toiꞌatuwesat -Eweiwat tawa wato Ierusarẽi kape hawyi meremo itote eweipuẽti aru ihainia kamuti piat yꞌy sat hat itote are e. Miꞌi hawyi hewatꞌypmo eweiwat ro hawyi teke raꞌyn wẽtup getap we.

Iruka 22:12

Miꞌi eweiꞌe mekewat getap kaꞌiwat pe hawyi toimoherep aru ehepe wẽtup akipy iwato rakat ywaiti rakat piat are e. Miꞌi pe tukupteꞌen yne aimikyꞌesat mekewat ienuk hap nug hamuat aru are e. --Waku miꞌi akipy koro tote ewetunug eimiꞌu are e.

Iuwãu 11:28

Mio tã e mana Mata hawyi taꞌaipok i raꞌyn toꞌyat kape. Miꞌi hawyi toikay kay tokypyꞌyt Maria iweran turan tohenoi hamo -Tuut raꞌyn ti Aimuꞌe hat e. Miꞌi ti ekay kay raꞌyn Maria e.

Iesui Aru E Hap 3:20

Uimohey haria pywo ti rat areineꞌen ehoꞌokenꞌypy ete hawyi miꞌi kaipyi worohoꞌokay kay -Mehinꞌin manaꞌin are areke teran eiꞌyat pe areꞌe aat kaꞌap Uiꞌywot Tupana motypot yat piaria pe e. Uwe uwe kay kay uiꞌe hap ikuap hawyi uiwesat -Waku Mehin waku Mimi -Ereke ro e. Miꞌi hat pe areke sese hawyi arenuk iwywo iꞌewyte tenuk uiwywo itote -Ereke ro Mehin Mimi e haria pya pe areineꞌen e Iesui ahepe.