Iruka 21:8 - Sateré-Mawé

⁸ Miꞌi hawyi Iesui tiꞌatuwesat topotpoꞌororia pe -Eiweꞌeg wo o are katupono wyti aru uhet wywo uhet eroꞌok haria putꞌok iꞌatuꞌe ehepe eimaꞌat hamo are. -Uito miitꞌin porekuatno Tupana mipoꞌoro iꞌatuꞌe wyti aru. -Uito ti ariot raꞌyn eiporekuat koro wuat iꞌatuꞌe aru maꞌato yt eweiwanetup teiꞌo iꞌatueso rakaria kape are katupono eimaꞌat hamo tõꞌẽ are.

Iruka 21:8 ပူးပေါင်းရင်းမြစ်များ

Mateu 24:11

Miꞌi hawyi ti aru wẽtup ok wẽtup ok tuwemowato -Uito ti meiũ Tupana mipoꞌoro tehay enoi hanuat iꞌatuꞌe aikowo aikowo tuwemowato maꞌato ti aru yt pywo pe ti e. Iꞌatu rakaria maꞌat haria wo teꞌeropyhuꞌat. Ipotmuꞌeria ti aru iꞌatu kahato e.

Mateu 3:2

Mio tã e toiꞌatumuꞌe -Eweiꞌatoiat ro yne eiminug saꞌag koꞌi e katupono mio tuut ti aru raꞌyn aikaꞌiwat e.

Mateu 4:17

Itote ti Iesui haꞌawynug naꞌyn miitꞌin muꞌe hap. -Eweiwemorem no Tupana kape katupono yt pya hin i Tupana topyhuꞌat Miitꞌin Porekuatno sese hap e.

Iruka 17:23

Miꞌi hap eꞌat pe aru iraniaꞌin teꞌeroꞌe ehepe eimaꞌat hamo -Pywo ti rat taꞌaipok taꞌyn Aheykeꞌet Aikywyt kuepe raꞌyn toineꞌen i raꞌyn iꞌatueso ehepe. -Pyno toꞌiro Aheykeꞌet Aikywyt ewowi iꞌatuꞌe aru ehepe iraniaꞌin eimaꞌat hamo maꞌato yt eweiwat reiꞌo miꞌiria upi.

Iruka 21:7

Miꞌi hawyi hekatuwyria apo iꞌatuꞌe Iesui pe -Urumuꞌe hat karãpe aru paĩ mesuwat nu koro koꞌi hewo hewo hap topyhuꞌat iꞌatuꞌe. Aikotã aru pyno uruikuap mekewat eꞌat putꞌok e hap iꞌatuꞌe Iesui pe.

Iruka 21:9

Taꞌi mekewat eꞌat pe wyti aru wuꞌuka hap koꞌi kahato eweikuap yne mesuwarotiat e. Miꞌi hawyi yt kat hin i woꞌowese hap mesuwarote hap ewywuat eweipuẽti aru are e. Miitꞌin toꞌoꞌatuꞌuka kahato wyti aru hap kape eiwaꞌakasa pykai yt eweikenꞌẽ miꞌi pupi katupono poꞌog poꞌog saꞌag miꞌi eꞌat kai turan putꞌok e mekewat hoꞌopot hoꞌopot hap eꞌat koro are e.

Iuwãu 5:43

Ariot ti Uiꞌywot ehay pyi maꞌato yt eiwese i uhete maꞌato miitꞌin tuwehay pywiat neꞌi suut hat putꞌok e eipyꞌasetpe hawyi miꞌi ete eiwese raꞌyn e.

Iuwãu 8:24

Haꞌawyte areꞌe ehepe -Eiminug saꞌag koꞌi yt hep i te turan ti aru eweipap yt uimohey i pote are e Iesui nagnia pe.

Iuwãu 8:28

Miꞌi pote Iesui toꞌe -Maꞌato meiũran eweimopoĩꞌam eheykeꞌet ariaꞌyp posak ete hap eꞌat pe ti aru eweikuap taꞌyn uwe Uito e. Iꞌewyte ti aru eweikuap yt kat i atunug uiwehay pyi maꞌato Uiꞌywot ehay yn uinapin hap ewy ahenoi ehepiat hap e.

1 Kuriniu 6:9

Yt uwe i aru woꞌomaꞌatꞌi maꞌatꞌi hat toineꞌen aikope Tupana toineꞌen Morekuat nuat hap tote. Eweꞌeg wo o eiwemaꞌat hap pupi katupono eweikupteꞌen wuatꞌi haryporia wywo wuatꞌi ihainia wywo pote yt karãpe i putꞌok eweiꞌe Tupana etawa pe. Iꞌewyte yt uwe i mo wuat minug tupanaria motypot haria itote. Seꞌaito wywuat ieineꞌen hat seharyꞌi wywuat ieineꞌen hat yt uwe i aru itote. Haryporiaꞌin eꞌaito wo haryporia te iꞌewyte ihainiaꞌin eꞌaito wo ihainiaꞌin ne haria yt uwe i itote.

Ewesu 5:6

Miꞌi tupono waku aiweꞌeg wo miꞌi koꞌi saꞌag nug hap pupi katupono iꞌatu kahato ahãꞌãg haria iꞌatuehay se ahãꞌãg neran yt naku i nug hamo. Yt teꞌerokenꞌẽ hin i miꞌi saꞌag nug hamo. Miꞌiria aimaꞌat kuap kahato. Waku aiweꞌeg wo are. Iꞌatu iraniaꞌin -Atunug yne Tupana waĩꞌe hap e haria. Aiweꞌeg wo o miꞌi ewywuat aheineꞌen pote katupono Tupana ipyꞌahak kahato yt tomikyꞌesat i nug haria ete. Toiꞌatuꞌapiheg miꞌiria.

2 Tesaronika 2:3

Aiweꞌeg wo o aimaꞌat iꞌatuepiat hap pupi katupono yt tuut i te rat Iesui. Yt heꞌat i te katupono ti aru Iesui mohey haria sok ihay atoiat haria tukupteꞌen aru huut hap owakai. Iꞌewyte huut hap eꞌyian me ti aru tuwemoherep Tupana ewanikap mekewat ahiagnia akag. Miꞌi ti yne saꞌag eiam tuwemoherep Iesui eꞌyian mete.

2 Timoteu 3:13

Maꞌato miitꞌin saꞌag nug haria woꞌomaꞌatꞌi maꞌatꞌi haria ti aru poꞌog poꞌog tuwemoherep. Iꞌatuminug saꞌag kaipyi meiũran poꞌog saꞌag teꞌeropyhuꞌat. Miꞌi hawyi wuatꞌi maꞌat hamo teꞌeropyhuꞌat. Iꞌewyte miꞌi hawyi wuatꞌi miitꞌin maꞌat hatno teꞌeropyhuꞌat.

1 Iuwãu 4:1

Uiwyriaꞌin yt eweimohey teiꞌo yne woꞌomuꞌe haria -Uito Tupana Paꞌãu eiam iꞌatuꞌe pykai. Waku eweikat i kat i miꞌiria sio Tupana Paꞌãu eiam sio yt hap kuap hamo. Katupono iꞌatu kahato woꞌomuꞌe haria mesuwat yi totiaria yt pywo piat haria i katupono wẽtup paꞌãu iꞌatupiit pe.

2 Iuwãu 1:7

Taꞌi typyꞌi kahato ti mesuwarotiaria aimaꞌatꞌi maꞌatꞌi hanuaria. Wẽtup sehay wuat aimaꞌat reran haype -Iesui ti yt miit kawiat i iꞌatuꞌe saꞌag. Tupana yt tuwemoherep miit no iꞌatuꞌe reran haype. Aikaꞌiwat ewanikaptia ti miꞌiria.

Iesui Aru E Hap 1:3

Uimohey haria waku ehewaure kaꞌa ewetum kahato mesuwat uhehay wakuat kape e. Waku eweimowẽpapꞌi mowẽpapꞌi kahato mesuwat miwan ehepiat ikuap hawywiat ehepiat inug hamuat hap kape aikotã aikotã Tupana tunug hap ahenoi ehepe eꞌyian mete e. Yt pya hin i Mesuwat uhehay Tupana tipytꞌatnug hamuat eꞌat. Eweimowẽpap mesuwat uhehay pote aru toineꞌen eipoityro kahato hap eimowepiit hap e Iesui ahepe.

Iesui Aru E Hap 12:9

Miꞌi hawyi toiꞌatuꞌokhytpugha moiꞌok hesuraraꞌin nywo waikiru kaipyi yi kape. Moiꞌok koro wẽtup het ahiag e wẽtup het miitꞌin moꞌakagꞌaia hat. Wẽtup het Satanai e.