Iruka 2:14 - Sateré-Mawé

¹⁴ -Uruimotypot kahato En Tupana poꞌog ywaiti piat ieineꞌen hat. Katupono etum naꞌyn wakuap mesuwat yi totiaria mowepiit hap.

Iruka 2:14 ပူးပေါင်းရင်းမြစ်များ

Mateu 21:9

Miꞌi hawyi typyꞌi rakaria watꞌypmo iꞌewyte yian miaria morekuat Tawi saipepiat iꞌatuꞌe taꞌatuehay pirik wo. Waku kahato En atipy kaipywiat iꞌatuꞌe. Taꞌi Tupana mimotypot kahato En iꞌatuꞌe. Waku sese waku sese Tupana iꞌatuꞌe.

Iruka 1:79

Toimoẽtyhot atipy kaipyi aheineꞌen iꞌypyrywiat turan guꞌuro piat aheineꞌen turan. Aipuꞌap toimoherep aipuꞌap waku puat ahewyry hamo.

Iruka 19:38

-Waku kahato En Tupana iꞌatuꞌe. Waku kahato Emiꞌairo uruporekuat nuat iꞌatuꞌe taꞌatuehay pirik wo. Woꞌowese hap kahato raꞌyn atipy piat pe toineꞌen. Wakuat kahato Tupana toẽtyhot popuo iꞌatuꞌe.

Iruka 2:13

Miꞌi turan teꞌeremoherep taꞌyn mekewat yian miat atipy kaipywiat suut hat wywo Tupana emiitꞌin typyꞌi kahato raꞌyn aikotã atipy piaria suraraꞌin sem ewy. Miꞌiria ti imotypot kahato Tupana taꞌatuwepy puo. -Waku kahato En.

Iruka 2:15

Miꞌi hawyi atipy kaipywiaria teꞌeraꞌaipok i raꞌyn hawyi hũria apykok haria teꞌeroꞌe toꞌope -Toꞌiro watuwat Perẽi kape aikotã aipotypot mienoi kapiat aiꞌakasa hamo iꞌatuꞌe

Iruka 3:22

Hawyi Tupana Paꞌãu putꞌok e raꞌyn iꞌapy tote pykasu ewywuat hawyi tuut raꞌyn wẽtup sehay atipy kaipyi -En wyti uhaꞌyru uimikyꞌe kahato uimowepiit hat sese ereineꞌen e.

Iuwãu 14:27

Uiwyriaꞌin areto raꞌyn eipyꞌasetpyi are wen maꞌato yt eiwanetup koꞌi koꞌi teiꞌo miꞌi hap upi e. Yt eweikenꞌẽ teiꞌo e. Mesup taꞌyn worohoꞌonug Tupana mowepiit hanuaria e. Worohoꞌomowepiit kahato aru eiperia maꞌato yt mesuwat rotiat woꞌomowepiit hap ewy i katupono eimowepiit hap wyti aru eipyꞌa piat toineꞌen e.

Iuwãu 17:4

Taꞌi ewat emotypot hap yn ni miitꞌin me atomoherep Uiꞌywot are e. Atunug naꞌyn wyti yne uipoꞌoro epiat hap emikyꞌesat nug hap Papai are e.

Iuwãu 3:16

Katupono Tupana tiꞌatukyꞌe kahato miitꞌin haype tutum Tosaꞌyru wẽtup ok takat iꞌatuepe e. Miꞌi pote uwe uwe imohey miꞌi haria wyti aru yt ikuꞌuro sese i maꞌato wuatꞌi eꞌat pe raꞌyn iꞌatuehãite hap toineꞌen e Iesui.

Iesui Potmuꞌeria 10:36

Mesup taꞌyn Tupana tipoꞌoro raꞌyn uruꞌywania pe temiit Iesui wuatꞌi ywania ehakyeraꞌat hanuat e Peteru. Koitywy ti Tupana Mipoꞌoro topyhuꞌat aipuꞌap Tupana kapiat hat e. Mesup mio tã e Tupana wuatꞌi pe -Koitywy waku raꞌyn eweiõꞌẽ uhowowi katupono Uhaꞌyru Iesui tunug naꞌyn aiwoꞌopiat woꞌowese hap e. Taꞌi mesup ti aiwoꞌoewaku hap tutunug naꞌyn e. Saꞌawyꞌi te ti uruepe Isareu ywania pe yn mio tã e maꞌato mesup wuatꞌi ywania pe mio tã e -Uhemiit Iesui ti atunug naꞌyn Wuatꞌi Porekuaria Porekuat no e Tupana wuatꞌi pusu kuap haria pe e Peteru.

Humanu 5:1

Watimohey Iesui hawyi -Waku kahato eipe e Tupana ahepe. Mio tã e ahepe hawyi aiwepiit kahato katupono aiwoꞌowese hap kahato topyhuꞌat Tupana wywo. Watimohey Haꞌyru hawyi Aiporekuat no topyhuꞌat hawyi watikuap kahato Tupana aiwywo hap e. Miꞌi hawyi meremo watoꞌe tope -Egyiꞌat kahato Tupana katupono yt uruewaku i kahato ewowi saꞌawyꞌi pykai ewaku kahato uruepe urutoꞌe mesup epe. Yt nakuaria i uruto pykai urukyꞌe urutoꞌe. Yt kat i wakuap uruminug pykai urukyꞌe kahato En katupono haꞌawytepyi urukyꞌe urutoꞌe. Ewanikaptia uruto te turan urukyꞌe kahato watoꞌe.

Ewesu 1:6

Pyno toꞌiro watuwehum Tupana kape -Egyiꞌat hap yt uwe ewywuat hin i waku watoꞌe. Poꞌog poꞌog torannia kai ewese hap waku watoꞌe. Urukyꞌe hap moherep hamuat etum Esaꞌyru uruepe. Wẽtup yn Esaꞌyru pykai etum neꞌen neꞌi uruepe yt kat saꞌup mo i etum uruepe urutoꞌe waku watoꞌe. Miꞌi ti Esaꞌyru Emikyꞌe kahato etum naꞌyn uruepe uruehakyeraꞌat hamuat. Waku kahato En Tupana urutoꞌe ewowi.

Ewesu 1:9

Saꞌawyꞌi emikyꞌesat ewy ereꞌe ewepe -Atum aru Uhaꞌyru pe wuatꞌi ywania ere. Atum neꞌen neꞌi aru Uhaꞌyru wuatꞌi miitꞌin me Iꞌatuporekuat no. Uimowepiit hap ewy atum aru ereꞌe saꞌawyꞌi ewepe ewanetup hawe yt kat i miitꞌin te turan. Tupana uruikuap teran kat pote urukyꞌe kahato hap. Miꞌi tã yt uruikuap hin i te wen maꞌato urukyꞌe hap miꞌi uruikuap taꞌyn. Waku kahato En urutoꞌe epe Tupana.

Ewesu 2:4

Maꞌato saꞌag watunug tuete pykai aikyꞌe kahato te Tupana. Yt tuwepyk hin i katupono haty aikyꞌe hap tuete.

Ewesu 2:7

Miꞌi hawyi Tupana toꞌe Tosaꞌyru pe -Eraꞌapyk to mesuwe uikai atipy pe wuatꞌi Porekuat no e Tosaꞌyru pe. Miꞌi tote hap ewy aito iꞌewyte watoineꞌen iwywo morekuaria wo are. Miꞌi hap ewy watoineꞌen iwywo katupono aito wẽtup ok miit ewy iwywo. Pyno mesup toimoherep taꞌyn towese hap ahepe wuatꞌi eꞌat pe. Miꞌi pote -Egyiꞌat kahato watoꞌe Tupana pe. Yt uwe i poꞌog ekai iwese rakat watoꞌe.

Wiripu 2:11

Miꞌi hap eꞌat pe yne yne toꞌe -Pywo ti pywo ti Iesui Tupana Mipoꞌoro Aiporekuat nuat Aikaꞌiwat koro wuat iꞌatuꞌe aru torannia. Tuwemohit kahato saꞌawyꞌi Iesui miꞌi pote ti aru Tupana timowato kahato Aikaꞌiwat. Mekewat eꞌat pe yne yne -Tupana iꞌatuꞌe Emipoꞌoro Aiporekuat nuat Aikaꞌiwat sese hap uruikuap taꞌyn iꞌatuꞌe. Uruimotypot kahato En iꞌatuꞌe. Uruꞌywot sese En iꞌatuꞌe aru. Maꞌato aito aikotã Iesui tuwemohit waku watuwemohit ewy are.

Wiripu 2:13

Are paĩ Tupana tikyꞌesat kahato watunug tomikyꞌesat ewywuat hap. Miꞌi pote ainapin aat kaꞌap aiwanetup hawe kat som kat som waku watunug hap. Karãpe aiwẽ pyi yt watunug neran i imikyꞌesat koꞌi miꞌi hawyi perupꞌi popuo aimuꞌe aiwanetup hawe -Etunug o etunug o e. Miꞌi hawyi meiũran -Waku Uhyt waku Mimi watoꞌe Tupana pe katupono toikyꞌesat kahato tehay upiat watuwat hap.

Korosi 1:20

Tupana atoiat haria yne aitoria saꞌawyꞌi iꞌewyte atipy piaria ahyt Tupana atoiat haria saꞌawyꞌi. Miꞌi hawyi Tupana watunug ahewanikap mo. Miꞌi pote wẽtup eꞌat pe toꞌe Tosaꞌyru pe -Woronug En muap ewywuat miitꞌin aipok uhowawiat hamuat. Ekuꞌuro ariaꞌyp posak ete hawyi taꞌat yne esuu raꞌyn hawyi uiwaure haria uikat kuap taꞌyn. Miꞌi esuu wo atiꞌatumowehik yne miitꞌin emohey haria uhowowi i raꞌyn e mesuwarotiat yi totiaria iꞌewyte atipy piaria uiꞌatoiat haria e. Miꞌi hawyi aru woꞌowese hap i raꞌyn topyhuꞌat e Tupana Tosaꞌyru pe.

2 Tesaronika 2:16

Uruhẽtup kahato Aipotypot Aikaꞌiwat Iesui pe iꞌewyte Aiꞌywot hegyiꞌat rakat kape -Etiꞌatumoesaika ro emohey haria tawa Tesaronika piaria yt kat pupiat i iꞌatuwuwu hamo urutoꞌe. Etiꞌatumoesaika ro miꞌiria wakuap nug hamo iꞌewyte wakuap enoi hamo.

Iesui Aru E Hap 5:13

Miꞌi hawyi uito Iuwãu wẽtup i wepy hap atikuap Tupana Hũ Kuteiru motypot kahato hap wepy hap. Wuatꞌi atipy piaria iꞌewyte wuatꞌi yi totiaria wepy hap atikuap wuatꞌi yi ywytꞌok piaria iꞌewyte yꞌy wato piaria wepy hap atikuap. Mio tã iꞌatuꞌe -Uruimotypot kahato En iꞌatuꞌe. Eraꞌapyk to wuatꞌi Morekuat eiam note uruporekuat koro wo Mehin Mimi iꞌatuꞌe. Ereineꞌen no Wuatꞌi Akag Wato wo iꞌatuꞌe. Ereineꞌen no Wuatꞌi Kawiat Poꞌog Nakatno iꞌatuꞌe. Yt uwe i poꞌog hesaika ekai Mimi Mehin iꞌatuꞌe. Taꞌi ewaku hap uruikuap kahato iꞌatuꞌe. Waku kahato En watoꞌe wuatꞌi eꞌat pe katupono wuatꞌi eꞌat pe gaꞌatpo mukiꞌite mesup wuatꞌi eꞌat pe ewaku hap putꞌok e urumimotypot no eminug koꞌi.