Iruka 2:1 - Sateré-Mawé

¹ Mekewat eꞌat pe poꞌog iwato rakat morekuat Aukutu tiꞌatupoꞌoro kahato tesuraraꞌin tomiwan koꞌi wywo torannia tawa piaria miitꞌin set pehik hamo.

Iruka 2:1 ပူးပေါင်းရင်းမြစ်များ

Mateu 22:17

Miꞌi tupono etomoherep to ewanetup hap uruepe sio waku apo iꞌatuporekuat Sesa pe wahaꞌupnug iꞌatuꞌe sio yt tomikyꞌesat ewy imiẽtup ahepiat iꞌatuꞌe.

Mateu 24:14

Mekewat eꞌat pe owokai uhehay wakuat aikotã Tupana topyhuꞌat Morekuatno wuatꞌi miitꞌin muo yi wato hap oktan hap tuwemoherep. Miꞌi hap kaipyi ti aru yne ywania tikuap taꞌyn uhetiat e. Miꞌi hap koꞌi toran naꞌyn hawyi ti miꞌi ti aru ikahuro hap eꞌat sese putꞌok e raꞌyn e Iesui.

Maku 14:9

Miꞌi pote pywo pe ti areꞌe ehepe aikope aikope ti aru mesuwat yi wato hap oktan miitꞌin henoi Tupana ehay wakuat miꞌi hap iꞌewyte te ti aru mesuwat haryporia minug wakuap uhepiat hap taꞌatuhenoi wuatꞌi ywania pe. Yt karãpe i waure wo miitꞌin wanetup hawe uhetiat taꞌatuhenoi uhetiat turan e.

Maku 16:15

Miꞌi hawyi toꞌe i -Uiwyriaꞌin eweiwat ro yne mesuwat yi totiaria wuatꞌi ywania uhehay wakuat enoi hamo e.

Iruka 2:3

Miꞌi hawyi torannia tuwat raꞌyn taꞌatuwatꞌi atuwatꞌi taꞌatuetawa piat tereset pehik hamo.

Iruka 2:5

Toto tuwesetpehik hamo Maria wywo. Mekewat tehaytuwy wywo. Maꞌato miꞌi turan wyti Maria imepytꞌa rakatno raꞌyn toineꞌen

Iruka 3:1

15 anu toineꞌen morekuatno Tiperiu Sesa turan Pũsiu Piratu toineꞌen yi Iuteia tote morekuatno. Miꞌi turan Eroti toineꞌen morekuatno yi Karireia pe. Maꞌato Iꞌywyt Wiripi toineꞌen mekewat yi Itureia tote iꞌewyte Takunite tote. Maꞌato Iritania toineꞌen mekewat Atirene tote.

Iesui Potmuꞌeria 11:28

Wẽtup ok Tupana ehay moherep hat ti mehin Akapu. Miꞌi tiꞌatumuꞌe kahato itotiaria -Pywo ti rat meiũran irane ti yt kat i hin i hamuat iꞌaman yne mesuwat yi tote toineꞌen e. Miꞌi hawyi ti aru mikoi koꞌi topap kahato hawyi yt kat hin i eimiꞌu topyhuꞌat aru e Tupana uhepe e Akapu. Miꞌi hap ewy topyhuꞌat kahato aikotã toꞌe hap ewy mekewat morekuat Kautiu topyhuꞌat morekuat pakup mo hap eꞌat pe ikahuro raꞌyn iꞌaman yne yi wato hap oktan.

Iesui Potmuꞌeria 25:11

Uito yt nakuat i pote waku uiꞌapiheg maꞌato pywo ti rat yt kat i atunug saꞌag e. Pywo ti rat mekewat waĩꞌe hap iwato rakat ete atiꞌatuꞌaparap saꞌag mote pyno waku uiꞌauka uiminug saꞌag poꞌypyi. Maꞌato yt atunug i pote yt naku i uiꞌauka e Pauru. Maꞌato yt pywuat i uikuasa hap ete yt naku i uhum Ierusarẽi miaria pe e. Miꞌi pote koitywy uipopap kahato aiporekuat koro Sesa kape uikuap hamo waku sio yt e hamo e Pauru morekuat Wetu pe.

Iesui Potmuꞌeria 25:21

Maꞌato Pauru toꞌe uhepe -Yt uipap i tawa Ierusarẽi kape maꞌato areto teran aiporekuat koro Sesa kape katupono miꞌi yn ni waku ikuap uhetiat e miꞌi pote uipap kahato howawi e uhepe. Miꞌi hawyi -Pyno waku eꞌe hap ewy areꞌe itote hawyi mesup meiũpe Pauru atimoheg naꞌyn e. Meiũran wyti atipoꞌoro teran wuatꞌi porekuat koro kape uiꞌe Iuteuria piat hap ewy e morekuat Wetu.

Humanu 1:8

Haꞌawyte atikuap eweimohey Iesui hawyi arehum kahato Tupana kape. Uimowepiit kahato haria eipe katupono ewetunug naꞌyn Iesui Eipotypot koro wo pote. Koitywy ti yne mesuwat yi totiaria tikuap kahato raꞌyn eipe Iesui mohey haria raꞌyn hap. Miꞌi pote arehum kahato Tupana kape.

Wiripu 4:22

Morekuat Sesa emiitꞌin suraraꞌin iꞌewyte kuekatu ipoꞌoro ehewowi. Iꞌatu kahato mesuwe Iesui mohey haria. Miꞌiria iꞌewyte kuekatu ipoꞌoro ehewowi.