Iruka 19:9 - Sateré-Mawé

⁹ Miꞌi hawyi Iesui toꞌe iraniaꞌin itotiaria pe -Mesup taꞌyn Tupana miehakyeraꞌatno topyhuꞌat mehin Sakeu e. Pywo pe ti miꞌi miit ahaꞌaseꞌi Aparãu emiariru howosat rakat toineꞌen wen maꞌato mio raꞌyn Tupana miehakyeraꞌat hatno toineꞌen e.

Iruka 19:9 ပူးပေါင်းရင်းမြစ်များ

Iruka 13:16

Pyno mesuwat haryporia ahaꞌaseꞌi Aparãu emiariru toineꞌen wen maꞌato 18 anu turan ahiag mipoꞌi wo toineꞌen. Kat poteĩ waĩ ere mesuwat mana erepoꞌok hap ete yt naku i yt aipotpap i hap eꞌat pe e Iesui.

Iruka 13:30

Uiꞌywania e eipe ti Tupana ehay kuap yian miat haria eweikupteꞌen maꞌato o iraniaꞌin ywania yt uwe mikuap mo i rakaria wyti aru tuwehytꞌok eheꞌyian me aikope Tupana toineꞌen morekuatno hap tote. Miꞌi hawyi iwatꞌyptia iꞌatuwatꞌypmo eweihytꞌok e Iesui toꞌywania Iuteuria pe.

Iruka 16:24

Miꞌi hawyi tuwẽpowat -Aseꞌi e etipoꞌoro ro meikowo uhowowi Irasaru yꞌy wywo e. Waku topuiꞌiã etiat yꞌy wo uhẽku pen e. Ahoꞌopot kahato raꞌyn mesup uito aria pe e.

Iruka 16:30

Miꞌi hawyi hekat rakat -Yt rat e maꞌato wẽtup ok wẽtem guꞌuro pywiat hat henoi iꞌatuepe pote taren taꞌatumohey e. Teꞌeruwemorem Tupana kape taꞌatuminug saꞌag kaipyi e.

Iruka 2:30

Katupono koran arehaꞌat raꞌyn uheha wo emipoꞌoro woꞌohakyeraꞌat hat.

Iruka 3:8

Waku eiwemoherep yne eiminug yt naku i hap koꞌi hawyi waku rakaria wo eweikupteꞌen. Eiperia ti uruto ti Aparãu emiariruꞌin eweiꞌe maꞌato miꞌi pykai Tupana tunug kuap nu Aparãu emiariruꞌin wo.

Humanu 4:16

Maꞌato Tupana toꞌe Aparãu me -Uiwy e uimohey pote waku pe kahato ereineꞌen uiwanetup hawe e. Miꞌi hap ewy te koitywy toꞌe ahepe -Eweimohey Uhaꞌyru hawyi atum eheineꞌen wuatꞌi eꞌat piat hamuat e. Yt kat saꞌup i ete atum neꞌen neꞌi Uhaꞌyru mohey haria pe e. Uhaꞌyru tum naꞌyn tosuu haꞌup mo e Tupana ahepe mesup. Watat Haꞌyru aipyꞌa pe hawyi watopyhuꞌat ahaꞌaseꞌi pot piat imohey hap ewywuaria. Miꞌi pote yt toꞌe hin i ahepe Tupana -Ewetunug yne waĩꞌuiꞌe hap hawyi waku pe eweikupteꞌen uiwanetup hawe yt toꞌe i ahepe maꞌato aikotã toꞌe Aparãu me miꞌi hap ewy te toꞌe ahepe mesup -Uimohey haria pote worohoꞌoehakyeraꞌat e ahepe mesup.

Karasia 3:14

Saꞌawyꞌi Aparãu Tupana timowaku kahato mekewat tomohey kahato hap kaipyi tegyiꞌat hap kaipyi toipoityro. Miꞌi hap ewy koitywy aito i raꞌyn watoineꞌen wuatꞌi ywania Tupana mipoityro koꞌi raꞌyn watukupteꞌen. Mekewat tomipoityro sese tomipoꞌoro Aipotypot Iesui piat aikyiꞌat hap watomohey hap kaipyi aimohãpyk kuap. Mio koitywy mio tã e Tupana -Koitywy atum Uhaꞌyru mohey haria pe Uipaꞌãu e. Yt kat saꞌup mo i atum iꞌatuepe kat pote Uhaꞌyru upiaria miꞌiria pote e.

Karasia 3:29

-Atipoityro aru Wẽtup Takat Emiariru e Tupana saꞌawyꞌi yian mete Aparãu me. Koitywy Iesui topyhuꞌat Aiporekuat no raꞌyn. Miꞌi hap kaipyi koitywy Tupana wanetup turan Aparãu Emiariruꞌin wo raꞌyn watopyhuꞌat katupono Iesui toineꞌen aiwywo pote Tupana miꞌatupoityro koꞌi sok aito Tupana e Aparãu miat hap ewy topyhuꞌat ahepe koitywy.

Karasia 3:7

Miꞌi hap ewy ti pywo eweikuap taꞌyn mekewat Aparãu Emiariruria imohey haria kahato wo sok taꞌyn hap.

1 Peteru 2:10

Saꞌawyꞌi watoineꞌen aikotã piku piku koꞌi ewy yt iꞌywot i yt ity i rakaria ewy. Gaꞌapy piat hewyry rakaria ewy yt uwe ywania ewy i ahewyry. Maꞌato watomohey Aikaꞌiwat Iesui hawyi Tupana ainug tosakiꞌytꞌin sese tosaꞌyruꞌin sese wo raꞌyn. Miꞌi hawyi Tupana ywania wo watopyhuꞌat. Saꞌawyꞌi yt uwe i aikyꞌe haria -Yt kan hamo i eipe iꞌatuꞌe ahepe. Maꞌato koitywy Tupana mikyꞌe koꞌi kahato aito. Ahehakyeraꞌat raꞌyn Tupana yt ahewaku pykai hin i aikyꞌe. Miꞌi pote Tupana etama puaria aito watopyhuꞌat.