Iruka 19:5 - Sateré-Mawé

⁵ Putꞌok e Iesui ariaꞌyp ypyke hawyi tehaꞌat kahato ywaiti hawyi toꞌe -Uhyt Sakeu e eraꞌapyk to uhowowi uhyt e. Mesuwat eꞌat pe areineꞌen ewywo eꞌyat pe mehin e.

Iruka 19:5 ပူးပေါင်းရင်းမြစ်များ

Iruka 19:10

Mesup taꞌyn Tupana miehakyeraꞌatno topyhuꞌat. Pywo ti Uito Eheykeꞌet ariot mesuwat mytyyp kape hoꞌowasat rakaria ehakyeraꞌat hamo.

Iruka 19:2

Miꞌi tawa pe toineꞌen hekat kahato rakat Sakeu e hap het rakat. Miꞌi miit ri yt naku i kahato rakat toineꞌen iraniaꞌin wanetup hawe katupono ipotpap Iuteu ywania wanikaptia morekuat powyro toꞌywania ekareꞌen pyhyp hamo.

Iruka 19:4

Miꞌi pote punꞌe iraniaꞌin eꞌyian me wẽtup ariaꞌyp muap upiat kape hawyi meremo taꞌam haga tote ywaipe pyi tehaꞌat kahato Iesui ewowi tokosap turan.

Iruka 19:6

Miꞌi hawyi meremo taꞌapyk hawyi iwepiit hap wywo -Pyno waku kahato ereineꞌen uiꞌyat pe e Iesui pe.

Iuwãu 1:48

Miꞌi hawyi Natanaeu toꞌe Iesui pe -Aikotã tuponoĩ uikuap En Uhyt e. Miꞌi pote Iesui tiwesat -Haꞌawyte neke ewy Wiripi piat ekay kay hap eꞌyian mete mekewat Wiku yp ywytꞌokpype ereineꞌen turan eweran turan tig araꞌakasa ewowi e.

Iuwãu 14:23

Mio tã e pote Iesui tiwesat -Iuta pywo pe ti uwe uwe uikyꞌe uwe uwe uhehay nug hat toineꞌen miꞌi hat ti aru Uiꞌywot mikyꞌe wo topyhuꞌat e. Miꞌi hat kape ti aru Uiꞌywot wywo ariot hawyi miꞌi hat pytꞌatnug hamo urutukupteꞌen e. Miꞌi hat topyhuꞌat uruꞌyat ewywuat e.

2 Kuriniu 6:1

Urutoria Iesui ehay moherep haria sese. Miꞌi pote koitywy uruhẽtup kahato ehupi. Eipe iꞌewyte uruꞌewy te wẽtup piit ewy yn Tupana wywo. Watuwepotpap kahato wuatꞌi ywania piat ikuap Haꞌyru etiat hamo. Pyno Tupana eropat haria aito pote uruhẽtup ehupi urupyꞌa pyi kahato. Yt eweikupteꞌen neiꞌo Tupana piat eikyꞌe hap ete iraꞌak takaria wo neꞌi. Tupana tum naꞌyn ehepe kat koꞌi kat koꞌi topotpap nug hamuat yt kat saꞌup i. Yt naku i Tupana miium ahepiat koꞌi watiporerokosap neꞌi. Yt naku i watipun imiium koꞌi.

Ewesu 3:17

-Etunug no Emipoꞌoro Iesui kawiat eꞌyat sese itote. Ereineꞌen itote emohey haria pyꞌasetpe. Atikyꞌesat iꞌatusapo yi pe iheg me ariaꞌyp wato gaꞌapy piat hap ewy. Atikyꞌesat miꞌiria iheg me woꞌokyꞌe hawe iꞌewyte ekyꞌe hawe hap atikyꞌesat are.

Epereu 13:2

Karãpe putꞌok e aiꞌyat pe yt aimikuap i te wen miꞌi pykai waku -Ereke ro mehin mana waku watoꞌe. Eweikupteꞌen no meiũpe waku watoꞌe. Aimiꞌu raꞌyn waku watoꞌe iꞌatuepe yt aimikuap i pe katupono Tupana tipoꞌoro tuereto temiit ahowawi atipy piaria yt aimikuap i koꞌi aiwese hap kuap hamo. Saꞌawyꞌi Tupana tipoꞌoro temiitꞌin atipy piaria tehay moherep hamo. Miꞌi hawyi taꞌatupoityro kahato Aparãu saꞌawyꞌi. Miꞌi ewywuat waku watuwewyꞌinug yt eimikuap i te rakaria e Tupana ahepe mesup.

Iesui Aru E Hap 3:20

Uimohey haria pywo ti rat areineꞌen ehoꞌokenꞌypy ete hawyi miꞌi kaipyi worohoꞌokay kay -Mehinꞌin manaꞌin are areke teran eiꞌyat pe areꞌe aat kaꞌap Uiꞌywot Tupana motypot yat piaria pe e. Uwe uwe kay kay uiꞌe hap ikuap hawyi uiwesat -Waku Mehin waku Mimi -Ereke ro e. Miꞌi hat pe areke sese hawyi arenuk iwywo iꞌewyte tenuk uiwywo itote -Ereke ro Mehin Mimi e haria pya pe areineꞌen e Iesui ahepe.