Iruka 18:9 - Sateré-Mawé

⁹ Miꞌi hawyi wẽtup sehay iãꞌãkap wuo Iesui henoi miitꞌin me katupono tukupteꞌen itote -Uruto poꞌog wakuaria torannia kai e haria yt iraniaꞌin atukyꞌe hin i haria.

Iruka 18:9 ပူးပေါင်းရင်းမြစ်များ

Iruka 10:29

Miꞌi pote mekewat miwan kuap hat imowato hap toimoherep taꞌyn pote apo e Iesui pe -Uwe pyno waku atikyꞌe iraniaꞌin apo e.

Iruka 15:2

Miꞌiria Iesui tiꞌatumuꞌe kahato miꞌiria. Miꞌi hawyi iraniaꞌin itotiaria woꞌonapin haria wanꞌi wanꞌi haria teꞌeroꞌe -Kat poteĩ Iesui ihay yt nakuaria i wywo iꞌatuꞌe. Iꞌewyte tenuk yt nakuaria wywo iꞌatuꞌe toꞌope.

Iruka 16:15

Miꞌi pote Iesui tiꞌatuwesat -Eiperia miitꞌin mimotypot haria wo eweikupteꞌen neran pykai Tupana tikuap kahato raꞌyn aikotã eipyꞌa piat hap koꞌi e. Taꞌi eweikupteꞌen miitꞌin mimotypotno maꞌato yt nakuaria i wo eweikupteꞌen Tupana wywo e.

Iruka 18:11

Miꞌi hawyi so mekewat uito poꞌog iraniaꞌin kai e hat toꞌe -Uito waku sese kahato atunug e so uito poꞌog waku iraniaꞌin kai e so tuwepe tuwanetup hawe e. Arehum ewowi uiwaku hap upi e so. Uito yt iraniaꞌin ewy hin i iꞌatuminug saꞌag hap ete e so. Are paĩ e uito ti yt miitꞌin maꞌat hat ewy hin i e. Uito yt areineꞌen i wuatꞌi haryporia wywo ehat i e. Waku kahato uito paĩ e so. Pyno arehum kahato ewowi Tupana katupono uito yt mekewat yt naku i rakat ewy i. Miꞌi ti miitꞌin poreraꞌat hatno toineꞌen e so tuwepe Tupana motypot yat pe e.

Iruka 19:7

Maꞌato iraniaꞌin tikuap Sakeu yat kapiat Iesui to hap hawyi teꞌeroꞌe toꞌope -Yt naku i Iesui iꞌatuꞌe katupono yt nakuat i rakat yat kape toto iꞌatuꞌe. Ahewanikap yat kape toto iꞌatuꞌe toꞌope.

Iruka 7:39

Miꞌi hap kape woꞌonapin hat tehaꞌat hawyi mio tã e tuwanetup hawe -Sio meiẽ miit Tupana ehay moherep hat pote ren toikuap uwe meiẽ haryporia hap. Katupono uwe hemig meiẽwat miit miꞌi hat wyti iꞌaparap kahato hatno toineꞌen e tuwanetup hawe.

Iuwãu 8:48

-Saꞌawyꞌi te wuat uruꞌe hap ewy ti en iꞌatuꞌe. En ni wẽtup ywania yi saꞌag Samaria kaipywiat iꞌatuꞌe. En ni ahiag ipiit piat rakat iꞌatuꞌe Iesui pe.

Iuwãu 9:28

Mio tã e pote iꞌatupyꞌahak kahato tuete -Yt naku i en iꞌatuꞌe. En wyti iwat hemiit maꞌato uruto ti aseꞌi Muisei emiitꞌin naꞌyn iꞌatuꞌe.

Iuwãu 9:34

Mio tã e pote poꞌog iꞌatupyꞌahak tuete -Ehire pyi te ti yt nakuat i ereineꞌen yt eꞌywot wekuap i rakat en paĩ iꞌatuꞌe. Miit yt iweꞌeg i rakat en iꞌatuꞌe. Aikotã pyno urumuꞌe teran en yt nakuat i en pykai iꞌatuꞌe. Miꞌi hawyi taꞌatuporenotem haty wo Tupana motypot yat pyi mekewat iha pakup takat.

Iesui Potmuꞌeria 22:21

Maꞌato uiwesat -Motoro e katupono woropoꞌoro pya kahato yt Iuteuria i muꞌe hamo e uhepe e Pauru Iuteuria pe.

Humanu 10:3

Haꞌawyte yt taꞌatumohey i Tupana kapiat muap Iesui. Taꞌatuwaure muap Tupana kuap sese hamuat hawyi mesup taꞌatukat rẽ wẽtup muap Tupana kapiat kuap hamo e. Tupana kapiat muap pun haria uiꞌywania. -Yt watikyꞌesat i En uruporekuat nuat hap iꞌatuꞌe Tupana Mipoꞌoro Iesui pe. Taꞌatunug taꞌatupuꞌap taꞌatuwanetup hawe yt Tupana kapiat muap ewywuat i. Miꞌi hawyi waku kahato urupuꞌap Tupana kapiat iꞌatuꞌe iraniaꞌin me maꞌato yt pywo pe i.

Humanu 14:10

Miꞌi pote yt naku i watoꞌe aiwoꞌope -Uiwanetup hawe mekewat miit yt kat hamuat i yt naku i watoꞌe mesuwe kat pote Tupana yn waku aipatꞌok uwe waku uwe yt hap e hamuat are. Mekewat eꞌat pe wyti aru toihoꞌomoherep uwe tomohey sese haria. Yt naku i watoꞌe wẽtup ok Iesui mohey hat pe -Yt worokyꞌesat i kahato en mana mehin watoꞌe. Yt naku i watimohit aiwanetup hawe iraniaꞌin Iesui mohey haria katupono Tupana yn aikuap sio waku sio yt hap. Miꞌi yn toꞌe kuap. Meiũran wyti aru yne aito watoineꞌen iꞌam me Tupana ehay ahepiat kuap hamuat sio waku rakat no watoineꞌen aipyꞌa pe aiwanetup hawe sio yt naku i hap kuap hamo.

Humanu 14:3

Yt aiwoꞌoꞌewy hin i miꞌu eko ete katupono wẽtup ok Iesui mohey hat iꞌu yne miꞌu koꞌi hat maꞌato wẽtup ok yt ihãite i te Iesui mohey hap ete rakat -Waĩ waĩꞌe neꞌi miꞌu koꞌi ete. Miꞌi hawyi miꞌu u yne hat yt naku i toꞌe yt iꞌu yne i hat pe -Yt naku i kahato en mehin mana e yt etuꞌu yne i miꞌu uruꞌewy yt naku i mio tã watoꞌe imohey pakup hat pe. Katupono -Uhaꞌyru mohey hat en mote waku ereineꞌen uipyꞌa pe e Tupana ahepe.

Humanu 7:9

Saꞌawyꞌi uito sio waku kahato areineꞌen areꞌe miꞌi turan putꞌok e Tupana e hap Muisei mimoherep uhete -Yt naku i etunug e. Miꞌi hawyi atikuap Tupana waĩꞌe hap hawyi atunug ne saꞌag katupono uipiit mikyꞌesat saꞌag hap -Etunug no e. Miꞌi hawyi yt naku i pe areineꞌen are uiwepe. Yt naku i nug hat uito are.