Iruka 17:5 - Sateré-Mawé

⁵ Miꞌi hawyi 12 ok takaria ipotmuꞌeria tõꞌẽ Iesui ewowi hawyi teꞌeroꞌe Iesui pe -Urukaꞌiwat uruimohey wen maꞌato uruikyꞌesat poꞌog urumohey mowato hamuat hap uruikyꞌesat iꞌatuꞌe.

Iruka 17:5 ပူးပေါင်းရင်းမြစ်များ

Maku 6:30

Miꞌi hawyi imipoꞌororia 12 ok takaria teꞌeraꞌaipok i raꞌyn Iesui ewowi woꞌopotmuꞌe haria wuatꞌi tawa kaipyi. Miꞌi hawyi taꞌatuhenoi henoi Iesui pe aikotã taꞌatuminug koꞌi iꞌewyte taꞌatumienoi wuatꞌi tawa puat koꞌi.

Maku 9:24

Miꞌi hawyi hirokat ywot toꞌe haty wo -Taꞌi atimohey maꞌato yt kahato i e. Pyno uipowyro poꞌog uhepiat Tupana mohey hamuat e.

Iruka 7:13

Miꞌi hawyi Iesui tehaꞌat hawyi toimohaty kahato topyꞌa pe hawyi toikyꞌe kahato hawyi toꞌe -Yt erewak teiꞌo mana e

Iruka 7:19

Miꞌiria ti toiꞌatupoꞌoro raꞌyn tokaꞌiwat Iesui piat apo iꞌatuꞌe hamo. -Urukaꞌiwat apo En tuut hamuat wyti e hap taꞌyn apo En iꞌatuꞌe sio poꞌog wẽtup ok te uruhekatup iꞌatuꞌe hamo.

Wiripu 4:13

Maꞌato yt uiwekaipyi i tuut uhesaika hap maꞌato Aipotypot Iesui kaipyi atipuẽti. Miꞌi ti kat e hap kat e hap etiat -Uimoesaika hap wuatꞌi etiat kuap hap ete uimowatetup are Tupana pe. Iꞌewyte waku kahato eipe miꞌi e hap ti ereꞌe Tupana pe.

2 Tesaronika 1:3

Uruwyriaꞌin karãpe urutuwekuekatu ehewowi turan -Waku kahato En Tupana uruꞌe hap yn topyhuꞌat. Tupana urutuwehum kahato eete katupono itag naꞌyn poꞌog poꞌog iꞌatukai emohey hap urutoꞌe. Koitywy woꞌokyꞌe kahato haria wo raꞌyn tukupteꞌen waku kahato urutoꞌe. Miꞌi tupono ehewaku hap upi urutuwehum aat kaꞌap Tupana ete.

Epereu 12:2

Aikotã seput haria teꞌerahaꞌat popuo taꞌatueput hap etiat -Putꞌok are iꞌatuꞌe hamuat hap kape yn hap ewy waku watehaꞌat aiwanetup hawe -Putꞌok are aru Iesui yatype aiꞌe hap kape yn katupono Iesui topyhuꞌat seput haria akag ewy katupono toimohey Tupana poꞌog torannia kai. Uiwyriaꞌin waku Iesui piat Tupana mohey hap ewy waku watomohey Tupana are. Iesui ti aimoehãite kuap kahato Tupana mohey hap ete. Haꞌawytepyi watomohey Iesui hawyi aiwanetup hap Iesui yn topyhuꞌat miꞌi hap ewy waku watomohey te Iesui putꞌok watoꞌe iꞌyatypiat hap eꞌat kape. Aikotã seput haria taꞌatusaꞌawynug hawyi te ikahuro hap kape teꞌeruwanetup hap ewy Iesui toineꞌen mesuwiat turan seput hat ewy topyhuꞌat. Putꞌok e Tupana etiat hap kape yn iha ariaꞌyp posak kape yn iha Tupana mikyꞌesat nug hap kape yn iha. Miꞌi hap yn imowepiit hap. Miꞌi hawyi tutuꞌu aiꞌapiheg hap ariaꞌyp posak ete. Yt toikyꞌesat hin i miitꞌin mikyryꞌi hap pykai. Toikuap kahato tomohit hap maꞌato yt tuwemoti hin i ariaꞌyp posak totiat toineꞌen saꞌag hap miitꞌin ehaꞌat hap pupi. Tokuꞌuro hawyi taꞌapyk Tupana po sese kai aikope Tupana piat topainug hap tote. Tokuꞌuro hap no aikawiatno hap kape yn toto toineꞌen mesuwe turan. Tupana mikyꞌesat nug hap yn imowepiit hap mesuwarote topyhuꞌat tohoꞌopot hap eꞌat turan. Iesui seput hat akag ewy toineꞌen meiũpe turan.