Iruka 17:19 - Sateré-Mawé

¹⁹ Miꞌi hawyi toꞌe -Waku eraꞌaipok eꞌyat kape mehin e. Mesup waku pe ereineꞌen i raꞌyn katupono uimohey hawyi emoehãite hap toineꞌen mesup e Iesui tomimohãite pe.

Iruka 17:19 ပူးပေါင်းရင်းမြစ်များ

Iruka 8:48

Miꞌi hawyi Iesui toꞌe tomimoehãite hat pe -Uhakiꞌyt pyno waku raꞌyn en e. Uimohey hap kaipyi emoehãite hap etipuẽti raꞌyn e. Waku pyno eraꞌaipok i raꞌyn eꞌyat kape ewepiit hap wywo e.

Iruka 7:50

Maꞌato Iesui toꞌe haryporia pe -Uimohey epiat hap ehakyeraꞌat raꞌyn. Pyno waku ereto ro ewepiit hap wywo e.

Maku 10:52

Miꞌi hawyi Iesui toꞌe tope -Pyno koitywy waku raꞌyn eha ete katupono uimohey hap emoehãite raꞌyn e. Miꞌi hawyi meremo waku raꞌyn tuete taꞌakasa i raꞌyn. Miꞌi hawyi Patimeu toto muap upi Iesui upi saꞌawyꞌi wuat yt iha pytig i rakat.

Maku 5:34

Miꞌi hawyi Iesui toꞌe -Uheinyt ewat uimohey hap emoehãite raꞌyn e. Miꞌi hawyi ti aru ehãite raꞌyn e. Miꞌi tupono ewepiit ro katupono yt kat i raꞌyn ehoꞌopat hap.

Iruka 18:42

-Pyno waku raꞌyn emikyꞌesat ewy atunug e Iesui. Eraꞌakasa raꞌyn katupono uimohey kahato hap emoehãite hap topyhuꞌat e Iesui yt iha pytig i rakat pe.

Mateu 9:22

Temig hawyi Iesui tuwemorem hawyi taꞌakasa raꞌyn haryporia kape hawyi toꞌe -Pyno eremowepiit ro uhakiꞌyt katupono ti ehãite iraꞌyn. Kat pote ti uimohey epiat hap kaipyi wyti ehãite iraꞌyn. Mio tã e turan meremo ihãite iraꞌyn haryporia.