Iruka 17:16 - Sateré-Mawé

¹⁶ Tuwepỹꞌãtutuk Iesui ewowi hawyi ihay -Waku kahato uhete etunug Uikaꞌiwat e. Uimoehãite raꞌyn En e Iesui pe. Miꞌi miit aipok hat yt Iesui ywania kaipywiat hat i maꞌato yi Samaria ywania kaipywiat suut hat. Samaria ywania yt taꞌatukyꞌe hin i Iesui ywania pykai topyhuꞌat Iesui mimoehãite hamuat. Iesui Iuteu kaipywiat hat toineꞌen.

Iruka 17:16 ပူးပေါင်းရင်းမြစ်များ

Mateu 10:5

Miꞌiria 12 ok ti Iesui tiꞌatupoꞌoro tehay henoi hamo maꞌato mio tã e iꞌatuepe toiꞌatunapin -Pyno koitywy worohoꞌopoꞌoro raꞌyn uhehay wakuat moherep hamo aiꞌywania Iuteu kape. Maꞌato yt atikyꞌesat i eweiwat iraniaꞌin ywania kape neꞌi. Iꞌewyte yt eweihytꞌok teiꞌo mekewat yi Samaria piat tawa koꞌi kape.

Mateu 2:11

Miꞌi hawyi tuwehytꞌok taꞌyn iꞌyat pe taꞌatupuẽti taꞌyn hirokat ity Maria wywo. Miꞌi hawyi teꞌeruwepỹꞌãtutuk hirokat motypot hamo. -Waku taꞌatuꞌe hawyi taꞌatumiereto koꞌi taꞌatuꞌapypok taꞌyn imehit rakat uru kawiat hawyi taꞌatuium neꞌen neꞌi hirokat pe ikyꞌe hap. Miꞌi hawyi taꞌatuium ikamhigse rakat miwuk wo ikyꞌe hap. Miꞌi hawyi mohag hy Mira e hap taꞌatuium hirokat motypot haype.

Maku 5:33

Miꞌi hawyi haryporia tikuap taꞌyn tomoehãite hap pote tuut i raꞌyn hawyi tuwepỹꞌãtutuk howa kape tyry toꞌe wywo hawyi tohenoi raꞌyn Iesui piat tomoehãite hap.

Iruka 17:17

Miꞌi hawyi Iesui apo e imimoehãite rakat pe -Pyno 10 ok takaria atiꞌatumoehãite mesup maꞌato en yn eraꞌaipok uhowowi waku e hamo e. Aikope som iraniaꞌin 9 ok takaria apo e.

Iruka 5:8

Miꞌi hap kape Simau Peteru taꞌakasa hawyi tuwepỹꞌãtutuk Iesui kape hawyi toꞌe -Uikaꞌiwat waku erepik uiꞌyatype pyi katupono uito areineꞌen iꞌaparap kahato hat pote e.

Iuwãu 4:9

Miꞌi pote toiwesat -En ni Iuteu ywania maꞌato uito ti Samaria ywania neꞌi e. Kat poteĩ ehay uiwywo mimi yt eheko ewy i. Kat pote uipo pyi etikyꞌesat yꞌy katupono Iuteuria ywania yt toꞌoehay teran i yi Samaria ywania wywo e.

Iuwãu 5:23

Miꞌi hap nug hamuat tutum yne Tosaꞌyru pe katupono toikyꞌesat Tosaꞌyru motypot hap tomotypot hap ewy e. Uwe uwe Haꞌyru yt motypot i hat ipoꞌoro hat Iꞌywot yt motypot i hat topyhuꞌat.

Iuwãu 8:48

-Saꞌawyꞌi te wuat uruꞌe hap ewy ti en iꞌatuꞌe. En ni wẽtup ywania yi saꞌag Samaria kaipywiat iꞌatuꞌe. En ni ahiag ipiit piat rakat iꞌatuꞌe Iesui pe.

Iesui Potmuꞌeria 1:8

Maꞌato pywo tuut irane Tupana Paꞌãu ehewowi eimoesaika hamo e. Totopag Topaꞌãu Wakuat ehepe hawyi ti aru Uimoherep taꞌyn eipe wuatꞌi miitꞌin me e. Saꞌawyꞌi ti aru tawa Ierusarẽi miaria pe Uimoherep ehehay wo e. Miꞌi hawyi ti aru yi Iuteu piaria pe uimoherep hawyi yi Samaria piaria pe Uimoherep e. Miꞌi hawyi yi wato hap oktan wyti aru Uimoherep eipe ehehay wo wuatꞌi ywania puo e Iesui topotmuꞌeria pe ahepe.

1 Kuriniu 14:25

Miꞌi hawyi tuwanetup koꞌi koꞌi yt naku i yt uwe mikuap koꞌi i migꞌi wuat Tupana timoherep tope toikuap Tupana ehay topusu puo hawyi. Miꞌi hawyi meremo tuwepỹꞌãtutuk Tupana sese ewowi hawyi toꞌe -Tupana pywo kahato ti ereineꞌen mesuwe emohey haria pyꞌasetpe iꞌatuꞌe aru Tupana pe taꞌatupusu puo ahehay hawyi.

Iesui Aru E Hap 19:10

Miꞌi hawyi wẽtup ok toꞌe atipy piat uhepe Iuwãu e Tupana sese ihay teran ewywo e. Miꞌi hawyi arepỹꞌãtutuk mekewat atipy piat Tupana ehay moherep hat kape hawyi atimotypot kahato miꞌi wen maꞌato -Iuwãu e yt uimotypot teiꞌo katupono uito eꞌewywuat Tupana eropat hat yn e. Yne ewyriaꞌin Iesui mohey haria ewywuat arepyhuꞌat Tupana eropat hat e. Uito ti yt poꞌog i ekai e. Waku Tupana yn watimotypot katupono saꞌawyꞌi wuaria Tupana ehay moherep haria Iesui etiat taꞌatuhenoi taꞌatuwẽ pyi yian mete taꞌatuhenoi Iesui minug koꞌi e miꞌiria ewy areineꞌen e atipy piat uhepe.

Iesui Aru E Hap 4:10

Miꞌiria teꞌeruwepy turan meimuẽwat 24 miit saꞌawyꞌi wuaria poꞌog Tupana mohey haria teꞌeruwepỹꞌãtutuk iꞌatuewa yi kape morekuat wato koro Ewa kape imotypot hamo. Miꞌi hawyi iꞌatueꞌamatap wakuat koꞌi taꞌatuhep iꞌatuꞌakag totepyi hawyi taꞌatupugha Aipotypot py ywytꞌokpype hawyi -Uruporekuat En iꞌatuꞌe. Ereineꞌen no wuatꞌi eꞌat pe wuatꞌi Porekuat no urutoꞌe iꞌatuꞌe.

Iesui Aru E Hap 5:14

Miꞌi hawyi mekewat 4 ok takaria -Pywo ti rat pywo ti rat iꞌatuꞌe. Iꞌewyte mekewat 24 ok takaria poꞌog Tupana mohey saꞌawyꞌi wuat haria teꞌeruwepỹꞌãtutuk iꞌatuowa yi kape taꞌatumotypot Tupana Hũ Kuteiru haype -Wuatꞌi eꞌat piat ieineꞌen hat uruhewaku kahato En iꞌatuꞌe.