Iruka 15:1 - Sateré-Mawé

¹ Miꞌi hawyi putꞌok iꞌatuꞌe Iesui ete yt nakuaria i sese ihay kape teꞌeruwanetup teran. Tukupteꞌen itote saꞌup sat haria. Miꞌiria ti taꞌatuhep miitꞌin kaipyi saꞌup morekuat watno. Iꞌewyte iꞌatu rakaria yne nakuat i nug haria.

Iruka 15:1 ပူးပေါင်းရင်းမြစ်များ

Mateu 5:46

Maꞌato mesuwarotiaria eikyꞌe haria yn eweiꞌatukyꞌe pote ti aru yt kat i eipoityro hap Tupana kaipyi. Katupono ti miitꞌin kaipywiat saꞌup sat haria tikyꞌe taꞌatukyꞌe haria yn. Maꞌato ti aikyꞌe haria yn watiꞌatupowyro pote yt aiꞌywot atipy piat yt ewy hin i watoineꞌen. Iꞌewyte aiwese uhetiat iwese rakaria kape yn pote yt kat i haꞌup watipuẽti aru aiꞌywot atipypiat kaipyi.

Iruka 13:30

Uiꞌywania e eipe ti Tupana ehay kuap yian miat haria eweikupteꞌen maꞌato o iraniaꞌin ywania yt uwe mikuap mo i rakaria wyti aru tuwehytꞌok eheꞌyian me aikope Tupana toineꞌen morekuatno hap tote. Miꞌi hawyi iwatꞌyptia iꞌatuwatꞌypmo eweihytꞌok e Iesui toꞌywania Iuteuria pe.

Iruka 7:29

Mio tã e hap torannia mekewat saꞌup poreraꞌat haria ikuap. Miꞌiria ti imohey ihay Tupana kaipywiat hat. Miꞌi hawyi teꞌeresetꞌok taꞌyn Iuwãu po wo.

Humanu 5:20

Miꞌi hawyi nimuaria Tupana ehay moherep haria timoherep kahato kat som Tupana tikyꞌesat kat som yt hap. Miꞌi hawyi poꞌog saꞌag nug haria wo te teꞌeropyhuꞌat saꞌawyꞌi te wuat kai katupono iꞌatu kahato Tupana waĩꞌe hap putꞌok e hawyi iꞌaparap kahato hap topyhuꞌat. Katupono yt watunug i pote miꞌi kaipyi hotꞌokꞌe raꞌyn ahete yt nakuap i kahato aito hap. Miꞌi pykai aikyꞌe teran katupono Tupana aikyꞌe hap poꞌog hesaika aiminug saꞌag kai.

1 Timoteu 1:15

Timoteu ahenoi teran epe sehay pywuat sese rakat sakpo aimimohey wuat. Mio tã are Aikaꞌiwat Iesui tuwemoherep mesuwe yi tote yt nakuaria i atuehakyeraꞌat hamo tuwemoherep. Miꞌi atikuap kahato katupono uito poꞌog yt nakuat i wuatꞌi kawiat paĩ are.