Iruka 14:16 - Sateré-Mawé

¹⁶ Miꞌi hawyi Iesui tiwesat iãꞌãkap wuo -Pyno ahenoi ehepe miꞌi iãꞌãkap wuo. Wẽtup eꞌat pe so hekat kahato rakat tiꞌatukay kay kahato tominug ienuk hap iwato kahato rakat kape.

Iruka 14:16 ပူးပေါင်းရင်းမြစ်များ

Iesui Aru E Hap 22:17

Miꞌi pote mesup -Eraꞌaipok to Iesui meikowo watoꞌe. Aikotã haryporia tikyꞌesat kahato tehaytuwy pya ieineꞌen hat hawyi -Eraꞌaipok to eraꞌaipok to e hap ewy watoꞌe -Eraꞌaipok to watoꞌe aipyꞌa pyi epe Iesui. Iꞌewyte Tupana Paꞌãu ehay moherep haria saꞌawyꞌi wuaria iꞌewyte koran wuaria -Eraꞌaipok to meikowo Iesui iꞌatuꞌe Tupana Paꞌãu ehay moherep haria iꞌewyte aito. Iꞌewyte waku yne mesuwat miwan kuap haria teꞌeroꞌe -Eraꞌaipok to Iesui waku watoꞌe. Uiwyriaꞌin eweikupteꞌen teran wuatꞌi eꞌat pe pote ewetat ro yt kat saꞌup i aikotã mekewat yꞌy aimoieineꞌen hap yt kat saꞌup i Tupana etawa pe rakat hap ewy waku watomohey.

Iesui Aru E Hap 3:20

Uimohey haria pywo ti rat areineꞌen ehoꞌokenꞌypy ete hawyi miꞌi kaipyi worohoꞌokay kay -Mehinꞌin manaꞌin are areke teran eiꞌyat pe areꞌe aat kaꞌap Uiꞌywot Tupana motypot yat piaria pe e. Uwe uwe kay kay uiꞌe hap ikuap hawyi uiwesat -Waku Mehin waku Mimi -Ereke ro e. Miꞌi hat pe areke sese hawyi arenuk iwywo iꞌewyte tenuk uiwywo itote -Ereke ro Mehin Mimi e haria pya pe areineꞌen e Iesui ahepe.