Iruka 13:3 - Sateré-Mawé

³ Maꞌato pywo pe ti areꞌe ehepe eiperia ti wy iꞌewyte yt nakuaria i kahato eweikupteꞌen are. Gaꞌatpo eiꞌywaniaria morekuat Piratu tiꞌatuꞌuka kahato yi Karireia piaria. Yt ikahu hin i iꞌatukuꞌuro hap eweiꞌe e. Miꞌi hap ewy ti aru eweipap yt uimohey i eipe pote e.

Iruka 13:3 ပူးပေါင်းရင်းမြစ်များ

Mateu 12:45

Tehaꞌat hawyi taꞌaipok towyriaꞌin wẽka hamo hawyi toterepoꞌok 7 maꞌãu saꞌag koꞌi poꞌog naꞌyn yt naku i saꞌawyꞌi wuat kai hawyi tukupteꞌen itote raꞌyn. Miꞌi hap kaipyi ti aru mekewat miit ete poꞌog naꞌyn yt naku i hap topyhuꞌat saꞌawyꞌi wuat heineꞌen hap kai. Miꞌi tã ti tuwemoherep koran wuaria miitꞌin yt nakuaria i ete.

Mateu 22:7

Miꞌi hap morekuat koro tikuap hawyi ipyꞌahak kahato. Miꞌi hawyi toiꞌatupoꞌoro tesuraraꞌin topotpoꞌororia etiat mikyryꞌi haria auka hamo. Iꞌewyte iꞌatuetawa wuk hamo.

Mateu 3:2

Mio tã e toiꞌatumuꞌe -Eweiꞌatoiat ro yne eiminug saꞌag koꞌi e katupono mio tuut ti aru raꞌyn aikaꞌiwat e.

Iruka 13:2

Miꞌi hawyi Iesui toꞌe iꞌatuepe -Pyno uruto poꞌog morekuat Piratu miꞌatuꞌuka koꞌi kai eweiꞌe. Yt karãpe i urutunug saꞌag imiꞌatuꞌuka koꞌi minug ewywuat eweiꞌe. Miꞌi pote Tupana miꞌapiheg koꞌi wuaria tukupteꞌen miꞌiria aiꞌywania eweiꞌe eiwoꞌope e Iesui.

Iruka 13:4

Taꞌi saꞌawyꞌi sese 18 surara topap yne taꞌatuꞌyat nu kawiat ywaiti rakat taꞌat iꞌatuepiit ete hawyi yt nakuaria i pote eweiꞌe. Taꞌi poꞌog tawa Ierusarẽi miaria kai yt naku i nug haria miꞌiria pote Tupana tiꞌatumoma yne eweiꞌe eiwoꞌope.

Iruka 13:5

Maꞌato pywo pe areꞌe ehepe miꞌiria yt poꞌog i Ierusarẽi yt naku i nug haria kai. Taꞌi eiperia iꞌewyte eweipap katupono yt paa eweiꞌe hin i eiminug saꞌag hap koꞌi kai. Miꞌi kaipyi ti eikuꞌuro hap topyhuꞌat yt uimohey i haria wo eweikupteꞌen pote e Iesui tomohey hap pun haria pe.

Iruka 24:47

Taꞌi yian me Tupana henoi kahato uhetiat tehay wan haria po wo aikotã aru taꞌatuhenoi kahato tesaika hap wywo torannia ywania pe aikotã waku miitꞌin teꞌeruwemorem Tupana kape iꞌatuminug saꞌag hap koꞌi kaipyi uhet upi hap tohenoi miwan me e Iesui. Waku tawa Ierusarẽi me tohaꞌawynug naꞌyn mesuwat sehay wakuat hawyi waku yne ywania kape taꞌatuhenoi Uhaꞌyru ete e Tupana miwan me e.

Iesui Potmuꞌeria 3:19

Aikotã Tupana henoi yian mete hap ewy ti topyhuꞌat mesup. Miꞌi pote waku mio tã eweiꞌe ro Tupana pe -Koitywy paa urutoꞌe ewowi Tupana katupono yt naku i kahato urutunug Esaꞌyru ete eweiꞌe pote meremo waure wo topyhuꞌat eiminug saꞌag ete e. Miꞌi hawyi waku pe i raꞌyn iwywo eweikupteꞌen mehinꞌin manaꞌin e. Miꞌi hawyi ti aru Tupana mimowepiit koꞌi wo i raꞌyn wuatꞌi eꞌat pe eweikupteꞌen katupono tutum ehepe Topaꞌãu Wakuat eimoesaika hamuat hap hawyi e. Taꞌi eiwemorem Tupana kape i raꞌyn pote waku pe iwywo eweikupteꞌen e Peteru.