Iruka 13:23 - Sateré-Mawé

²³ Miꞌi hawyi muap upi wẽtup ok apo e Iesui pe -Uruporekuat e karania apuru pyno teꞌeropyhuꞌat Tupana miehakyeraꞌat koꞌi wo atipy pe e sio apuru typyꞌi kahato miit sio apuru yt typyꞌi i apo e Iesui pe. Miꞌi hawyi Iesui tiwesat.

Iruka 13:23 ပူးပေါင်းရင်းမြစ်များ

Mateu 19:25

Mio tã e hawyi ipotmuꞌeria teꞌeruwanetup kahato uwe aru pyno iꞌatuehakyeraꞌat kuap mehin iꞌatuꞌe.

Mateu 20:16

Miꞌi hap ewy ti aru Tupana tum temiitꞌin me saꞌup watꞌypmuaria pe tutum yianmiaria pe iꞌewyte te. Maꞌato aru yian miaria pe tutum watꞌypmo hap ewy e Iesui hãꞌãkap wuo temiitꞌin me.

Mateu 22:14

Toiꞌatukay kay miitꞌin iꞌatu rakaria woꞌokyiꞌat eꞌat pe ienuk hap kape wen maꞌato yt yne imiꞌairo wo tukupteꞌen e Iesui toꞌywania pe Iuteuria pe.

Mateu 7:14

Pyno mekewat okenꞌypy atipy kapiat wyti kurin kahato miꞌi pote mekewat muap upiat ehewyry hamo niatpo kahato eheineꞌen wuatꞌi eꞌat piat puẽti hamo. Miꞌi pote ti yt iꞌatu hin i mekewat muap upiat hewyry rakaria e.

Iruka 13:22

Miꞌi hawyi Iesui tiꞌatumuꞌe kahato yne tawa hit piaria Tupana ehay wo. Miꞌi hawyi tawa wato Ierusarẽi kapiat epuꞌap upiaria toiꞌatumuꞌe kahato Tupana ehay wo.

Iruka 13:24

Pyno waku ehãꞌãg kahato mekewat okenꞌypy hãpyk takat yt iwato i rakat puo eweihytꞌok. Tukupteꞌen wyti aru iꞌatu rakaria wehytꞌok neran haria maꞌato yt teꞌeruwehytꞌok kuap i katupono miꞌiria meiũran aru areke e haria motꞌi hawyi yt teꞌeruwehytꞌok kuap i okenꞌypy kaꞌiwat toꞌokenhypꞌok taꞌyn pote.