Iruka 13:17 - Sateré-Mawé

¹⁷ Mio tã e Iesui hawyi wanikaptia paa iꞌatuꞌe. Maꞌato iraniaꞌin itotiaria teꞌeruwehum kahato Tupana pe Iesui minug wakuap koꞌi ete.

Iruka 13:17 ပူးပေါင်းရင်းမြစ်များ

Iruka 14:6

Miꞌi hawyi iraꞌyn yt taꞌatuwesat kuap i.

Iruka 18:43

Mio tã toꞌe Iesui hawyi meremo iha i raꞌyn. Meremo waku i raꞌyn iha ete. Taꞌakasa kuap i raꞌyn hawyi -Waku kahato En Tupana waku kahato En e. Miꞌi hawyi toto Iesui wywo imotypot hamuat tehay pirik wo. Iꞌewyte yne Iesui upiaria taꞌatumotypot kahato Iesui yt iha pytig I rakat toimoehãite hawyi. Iꞌatuwepiit kahato raꞌyn.

Iruka 19:48

Miꞌi hawyi hewanikaptia tiꞌatukat kahato aikotã waku Iesui auka hap maꞌato yne itotiaria iꞌatupap kahato Iesui ehay upi pote yt taꞌatupuẽti i muap iꞌauka hamuat.

Iruka 20:40

Miꞌi hawyi yt apo iꞌatuꞌe kuap i poꞌog naꞌyn Iesui pe miwan kuap kahato rakaria. Miꞌi hawyi iꞌatuponik taꞌyn.

Iesui Potmuꞌeria 4:21

Maꞌato iraniaꞌin -Tupana wyti imowaku ipy kĩꞌã rakat iꞌatuꞌe. Miꞌi pote ti nagnia yt tiꞌatuꞌapiheg kuap i maꞌato teꞌeroꞌe iꞌatuepe -Ewetunug ne pote ti aru uruiꞌatuꞌapiheg naꞌyn eipe iꞌatuꞌe paꞌi kororia.

2 Timoteu 3:9

Aimaꞌatꞌi maꞌatꞌi hap kaipyi wuatꞌi miitꞌin tiꞌatukuap taꞌyn woꞌomaꞌat haria wo miꞌiria. Aikotã saꞌawyꞌi Iane Iãpere ewywuaria miꞌiria.

Titu 2:8

Iꞌewyte ahewanikaptia etiꞌatuwesat ehay hãpyk kahato eweꞌeg hap kaipyi etiꞌatuwesat perupꞌi puo. Miꞌi tã etiꞌatuwesat pote ti aru yt kat i iꞌatuꞌe kuap i raꞌyn Tupana ehay mohit hamuat ete. Teꞌeruwemoti raꞌyn katupono yt kat i taꞌatupuẽti ehay kaipyi saꞌag hap neꞌi. Yi kape yn naꞌyn iꞌatueha paĩ.

1 Peteru 3:16

Uiwyriaꞌin waku watoiat yne aiminug koꞌi aiwanetup saꞌag hap koꞌi. Miꞌi hawyi waku ahewyry yt kat i haty aipyꞌa piat wywo aiwanetup hawiat aiminug saꞌag wywo. Miꞌi hawyi karãpe iraniaꞌin iꞌatuꞌe saꞌag kahato ahete iꞌatueso hap kaipyi yt kat i aiwemoti hap topyhuꞌat kat pote watikuap yt kat i saꞌag watunug pote. Watikuap Aikaꞌiwat Iesui mikyꞌesat ewy watunug mesuwarote pote.